PHAJHI" DANG: 9:2 - Lacid Common Language Bible

² Houg: moo adu go" zi ci: aboo nghoid da:. Deungmain" bang: yo' akhyeing" bang: jhang- gi bang: yo' agi bang: jhang- laloem lakhoug: boo bang: yo' aboo bang: jhang- xoin" ngei" byid: bang: yo' xoin" angei" byid: bang: jhang vhu" pi: lo, khyo' daja: kyeing" ju" loo wa. Byugi dayug gi yooboo yo" su: tho' aje gi. Jham' tang: dang: theing too" yug gi atoo" yug tho' je ge zi anghoid.

PHAJHI" DANG: 9:2 교차 참조

APOEM AYANG: 24:3

Nga" zo: shid re" yhoem: seing: myhi' ri he: da" Khanan mung" moo nyid da" byu yi khoug: mo ngoo ashoo: wa ein: lho: mougkhung: myidjang da" Aseing Mangso myeing khyang" moo nang ri dang: theing nhang: nau.

COUNG" NGHEI 73:3

Khasu" wim gari akhyeing" bang: shid re" khyoo: khaid khang" moo" ge lho, nyid da" khyoo: ri ngoo myang uri hau: khyoo: yoomo phau: khuang nyid mo, ri yu" noo" yoomo nghoid.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

PHAJHI" DANG: 3:19

Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 6:6

Eig khyeing" zain: dei nyid loug we' kangso' gyung: khyoo: moo pyo: zi ashoug" da" su: tho' doug noo khyoo: ri je shoug" yu da:. Lo" thang moo gi nya: eig tang: goin" dajo, yoo khyoo: za loo" wa zi nghoid ago".

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

PHAJHI" DANG: 9:3

Dangain" bang: jang" moo vhu" pi: lo, kyo' daja: za: ju" re" da:. Houg: lho: he: ziri mougmyid dang moo bue" da" ja: khang" moo" yo' dakhyo" shoid nyid da:. Byu joem dadei nyid nyid gi nyangnu" da" myid gi akhyeing" ashoeb ziyo ko" zi byeung" jo, ago". Houg: lho: nyangnu" gi nyeigdain tung" za: shid: lo" ago".

YEREMIA 43:6

Nyangnu" gi Barug yo' ngoo bo bo wigi gyizoug: phoo Nebuzaradan wigi Gedalia da" yu" coung: da" vhoo: moo nyid: to" da" bang: yugkhang" moo" ri shu" yu ago".

MALAKHI 3:15

Ngoonu" myang ziyo' dakhyoo" ti" nghoid boin: mo, gi nyangnu" ngei pyo: nyid gyeing" nyang: akhyeing" ashoeb da" moo" zei: nyid mo, gi oung: doid lo" ago". Nyangnu" gi Mangsoo ri thougtheung lho: ca: yu" nyid boem nghoid loug we' yoo" zoo: yoo" shug ziyo' loid byoin lo" boem ago".

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

1 SAMUELA 14:26

Sholu da" nheing" dang: khoin" ri gyoug yoomo seig khung" cang byooyhid: byeung" sho' boo nghoid loug we' hau: ziri hang" we' azoo: goo" nghoid da:.