PHAJHI" DANG: 9:16 - Lacid Common Language Bible

¹⁶ Phajhi" gi yoem: so' tho' je ge ein: khanham we' ngoo dalhung tid nyid. Nghoid loug we' myung shoo" yug ri phajhi" bo ga: hang" amyed jhoo: yoomo nyang: tid ziri we' atam" gyoo: byid: nghoid ago".

PHAJHI" DANG: 9:16 교차 참조

DANG: ZHOEM 10:15

Jonu" gi jonu" yoo" su: ri lhoug zung" byid: nyid myoung sho" da" khyoo: gi sho" jhen: su: ri lhu: phyo' nyid.

DANG: ZHOEM 21:22

Yeug da" gyizoug: moo" gi yoem: bo da" gyivi, mo, lhoug zung" to" da" voomoo" ri yo" zain: oung: lho: nyangnu" khau: nghe: nyid da" vang khyam: ri we' yo" phyo' sain" pyam, nyid.

DANG: ZHOEM 24:5

Ung: yeig phajhi" bo zigi yoem: bo tho' re" je" ge nyid. Lasi, phajhi" gi yoem: so' tho' mo je" akhyag nghoid nyid.

DANG: ZHOEM 8:14

Ngoo gi moo" ze" bui" wa da" phajhi" khyau" ziyo' hau: khyoo: ri zei: bue" nyid. Ngoo moo: se' gyo: da" nheigloem bo ziyo' ngoo moo: yoem: so' bo nyid.

PHAJHI" DANG: 10:10

Re" voozung: nu: wigi hau: ziri nang asei" tho' nghoid rigi hau: zi ci: lho: yoem je kaid ca" wa. Shid mo khyoo: ri soin' ci: zigi myo, jang bo da" khyoo: nghoid da:.

PHAJHI" DANG: 7:12

Hau: zigi nang ri ngei yo' dayhang: ti" goem loem zi yo" byid: wa. Phajhi" gi nang ri goem loem tung" zung" byid: nyid wa. He: zigi Lasi phajhi" da" akyu" nghoid da:.

PHAJHI" DANG: 7:19

Mung" vhoeb zoug: daxi: yug wigi voomoo" daloem ri yo" koid tho' byu dayug shid re" phajhi" juyhi: gi je akyu" yo" koid byid: da:.

PHAJHI" DANG: 9:18

Phajhi" juyhi: gi gyi jonu" tho' je ge da:. Nghoid loug we' yooboo yoo" su: dayug gi ge ziri myoo" sho' ri yo" lhu: phyo' pyam da:.