PHAJHI" DANG: 9:12 - Lacid Common Language Bible

¹² Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

PHAJHI" DANG: 9:12 교차 참조

COUNG" NGHEI 11:6

Nyang: gi akhyeing" ashoeb mo, da" atho' moo myiyham: dab, nyid da" myigyu: joem yo' dab nge" nyid da" fang myi: ri khyo' kaid. Nyang: gi nyangnu" ri gye" nge" loung da" lid yo" we she: nyid.

DANG: ZHOEM 24:22

Houg yhang: ti" tu: lhoin" bang: gi khamyhang amyang" ri byo, yoin" loo" goo" wa zi nghoid. Mangsoo yo' Khokham wigi yo" byid: da" yau: khe" khyoo: ri nang yo" myid boin: nyid la".

DANG: ZHOEM 29:6

Akhyeing" ashoeb, bang: gi nyangnu" da" yooboo moo: myi" ago- nheigloem: moo: deingmain" nyid mo, koem gi ngei pyo: ziyo' loid byoin, lo" ago".

DANG: ZHOEM 6:15

He: da" khyoo: joem yoomo yau: khi" shid: gyoin, joem gi nyangnu" ri atid poin" loo: za: ju" tain" lo wigi shid: moin: da" dam, gi nyangnu" shoug" wa zi nghoid bye:.

PHAJHI" DANG: 3:19

Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 8:11

Byu yigi ciwim yoomo yooboo sho: moo" ri lei lei za: koid thu boem loug la". Ciwim gari yooboo moo" ri yooboo dam myab abyid: boem yoomo nghoid da:.

PHAJHI" DANG: 8:8

Hang" we' nyang: nya: gung ri ashid: sho' ayo" koid. Nyang: shid: wa bidnyid ri we' ayo" shui". Shid: gyoin gi ngoonu" ayo" loid da" gyipui" nghoid da:. Ngoonu" gi houg: mo ayo" mhoug thu loo" nghoid da:.

PHAJHI" DANG: 9:13

He: mougmyid yo' sen: wigi phajhi" khasu" akyu" bo da khyoo: dang: tu' gi ngoo myang zi gootu: daja: jo, ashi".

ESAIA 24:18

Gyug dain ja: moo phang: loid wa soin yug hang" we' duang: khuang" khoug: khyoo: gyo" vang loo" wa. Duang: khuang" mo phang: loid wa soin' yug hang" we' lhid moo myi" boem wa. Mougkhung: mo moug: moo" vo gyoo" lo lho: myidgung apoem: ayang: joem noin" loo wa.

ESAIA 30:13

Nanu" gi yooboo yo" ago". Nanu" gi myhang: lho: gyam: khoo: duang da" vang khyam: yo' du ago". Nanu" gi nyeigdain tung" gyau: lheung gyoeb loo goo” wa.

EZEKIEL 32:3

Byumyu" myoo" sho' zeing: foem: lo uri ngoo gi nang ri nga" da" goin yo' myheig yu lho: hau: goin ri nyangnu" ri gyid yam khyoo: lang: shi: nhang: wa.

HOSEA 7:12

Nghoid loug we' ngoo gi goin kham: to" wigi nyangnu" lid lo" uri ngho' joem ri yhang: ti" myheig yu wa. Ngoo gi nyangnu" ri nyangnu" koid lid loo bye: da" akhyeing" ashoeb moo" zoo" joem yoomo yooboo dam byid: wa.

HOSEA 9:8

Mangsoo gi nya: da" byumyu" Israela ri tid poin" wa shid re" ngoo ri nhang: kaid bye:. Nghoid loug we' khakhyoo: loo" khakhyoo: nanu" gi ngho' yo' dakhyo" ngoo ri lhid thung: wa soin' ago". Mangso da" Noku Yhoem: Moo" moo lang" hau: byumyu" yigi lapi: pho da" gyivoo joem bue" ago".

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.

LUKA 12:39

Gyeing" nyang: yhoem: seing: gi khoug" su: juri" wa da" ayo, dase' nghoid rigi khoug" su: ayo" baid thoid vang ri" sho' nyang: koid: zi nghoid.

2~KORINTHU 6:2

Tam" gyoo: ge" - Mangsoo tid zigi Ngo nanu" ri jeju" byid: wa ayo, ju" loo lang" nanu" da" mho' yoid thui: ri ngoo tam" gyoo: byid bye. Ngoo nanu" ri khyoid yu wa da" bidnyid ju" lo uri Nanu" ri ngoo pang" thoug byid:- bye ga: wigi nyang: tid nyid. Mangso da" jeju" kham: yu wa zigi - akhid" lang" ge eung: da" ayo, nghoid bye- Yu" ge"-Akhid" lang" khyoid yu da" bidnyid nghoid nyid.

1THESALONI 5:3

Byu yi gi jo, moo jo, myenjham" lho: wigi gau: nyu: bye ga: tid goo" wa zi nghoid- houg: su" ga: tid uri -zoonu" gung nghoid su: gi zoo: khu: wa shid' re" bidnyid noo no re" yhang: ti"- ci: amyid' too" lo: za: hau: byo, yoin" lo" khyoo: gi nyid' dain' tung nanu" jang" moo ju" loo wa zi nghoid wigi byu yi gi hang" we' yo" loid, loo' wa zi anghoid.

2 TIMOTHI 2:26

Houg: lang" nyangnu" gi jo, da" khyoo: ri doem myang lo wigi boin: gyeung: lo lho: satan da" lhid' mo yo" loid lo boem wa zi nghoid. hau: gyeung: lo lho: satan da" hid' mo yo" loid lo boem wa zi nghoid hau; satan gi nyangnu" ri myeug yu wigi nyang: myid vho: da" khyoo: moo cang loo" nhang yu" bye: su: nghoid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

2PETRU 2:12

Nghoid loug we' he: da" byu yi gi kuang myheug yu lho:-said' pyam wa shid re" nyid yen" da" goug: nyhoug lam: joem yhang: ti"- nyangnu" lang" ase' da" khyoo: ri ung: khoug: nheugloem: yo' juang" yi rue" nyid moo" zei: ago". Nyangnu" gi kyang: da" goug: nyhoug lam" joem ri yhang: ti"- lhu: phyo' lhu: shoin' pyam zi shau" boem wa nghoid.