PHAJHI" DANG: 9:11 - Lacid Common Language Bible

¹¹ Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

PHAJHI" DANG: 9:11 교차 참조

2 SAMUELA 17:14

Absalom yo' Israela byumyu" yi dangain gi «Ahithophela da" phajhi" byid: dang: tho' Hushai byid: da" phajhi" dang: gi je" ge da» ga: tid. Absalom adang moo yau: khi" kyi" khyeug shoug" nhang: wa shid re" Ahithophela da" ge phajhi" byid: dang: khyoo: acang wa shid re" Aseing myid phyed to" khyoo: nghoid.

2 SAMUELA 17:23

Ahithophela gi nya: phajhi" byid: dang: ri azheing: cang ziri shau" myang lang" nya: loo zei: moo zhung: wigi nya: co' phyed moug: khyoo: tau" loo" khari" bye:. Nyang: soin' to" moo" zoo" ri bain koid thang: ri nya: gung nyang: tei" lhang" shid: bye:. Nyang: ri ikoin deungkhu: byu yi da" loeb yoo moo myhoeb too" bye:.

2 KHOKHAM MHOOMYID: 20:15

Yahaziela gi « Aseing khokham yo' Yuda yo' Yerusalem byu yi nanu" dangain" we"- Aseing gi: hidsu" ga: tid. Nanu" he: gyidab moo" ri yhe: shoug" wa shid re" voem" da" myid age byug- gyoug we' age gyoug goo" wa. Gyi khaid pui" gi nanu" dang moo anghi:- Mangso dang moo danghe: da:.

YOBA 34:29

Mangsoo gi ci: nyang: akoid wa ga: myid phyed nghoid rigi Nyang: ri hang" wigi we' yooboo ayo" zhug wa. Nya: myonhoo: ri shoung: pyam nghoid rigi byu yigi ci: khasu" we' ayo" koid loo wa.

COUNG" NGHEI 76:5

Nyangnu" da" rhe, gyizoo: yigi nyangnu" da" yoo" moo: yoo" dangain- lhoid khyoid pyam zi shau" wigi akhid" gi nyangnu" shid: leung yoin" too" bye:. Nyangnu" da" yoem vhoo" yo' se, jhang: da" khyoo: dangain" gi akoem: za: danghoid boem aloo: go".

DANG: ZHOEM 1:5

He: da" dang: zhoem joem gi- phajhi" boo su: da" lasi laleug rilang" lung: byid: nyid tho' moo: agoo- phajhi" boo mo, ri we' khyoo: yo" toin" shed byid: nyid.

PHAJHI" DANG: 2:12

Lo" thang moo gi khokham dayug gi shid phyang" mo khokham joem koid lid: loo bye: ziri za dayo" koid da:. Houg: yoomo ngoo gi phajhi" bo ziyo' nheig agyeing: da" khyoo: ci: nghoid ziri se' yu wa myid yu" shid" nyid bye:.

PHAJHI" DANG: 3:14

Mangsoo koid zi ja: khang" moo" apyaid atoo: moo geing: teing jo, wa ziri ngoo se' da:. Nang wigi houg: moo daja: we ayo" lung kaid- daja: we ayo" yu pyam wa. Houg: lho: Mangsoo koid zi daja: gi ngoonu" wigi nyang: ri gyoug phoug" wa zi nghoid da:.

PHAJHI" DANG: 3:17

Ngoo gi ngoo nya: gung ri hid su" ein: tid «Mangsoo gi deungmain" su: yo' akhyeing" ashoeb su: ri dakhyo" za: dang phyed loo wa. Ciwim gari ja: khang" moo"- lo, moo" khang" moo" gi nyang: nya: shid re" asoo" to" to" da" ayo, moo bue" loo goo" wa.

PHAJHI" DANG: 4:1

Houg: lho: ngoo gi he: mougmyid tho' moo xo' lho: bue" nyid da" tarha" adain: ziri myang bye:. Doin: zeig zoo: shoug" bang: gi nyho: ngau nyid ago". Nghoid loug we' nyangnu" ri hang" anau pang" nghoid ago". Ciwim gari nyangnu" ri doin zeig zoo: mo, gi yoem: so' yoo" bang: nghoid ago".

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

PHAJHI" DANG: 7:13

Mangsoo koid lid: loo bye: da" ziri myid yu" we'. Mangso wigi guid" nhang: to" ziri hang" wigi yo" dain: nhang: wa la".

PHAJHI" DANG: 9:2

Houg: moo adu go" zi ci: aboo nghoid da:. Deungmain" bang: yo' akhyeing" bang: jhang- gi bang: yo' agi bang: jhang- laloem lakhoug: boo bang: yo' aboo bang: jhang- xoin" ngei" byid: bang: yo' xoin" angei" byid: bang: jhang vhu" pi: lo, khyo' daja: kyeing" ju" loo wa. Byugi dayug gi yooboo yo" su: tho' aje gi. Jham' tang: dang: theing too" yug gi atoo" yug tho' je ge zi anghoid.

PHAJHI" DANG: 9:3

Dangain" bang: jang" moo vhu" pi: lo, kyo' daja: za: ju" re" da:. Houg: lho: he: ziri mougmyid dang moo bue" da" ja: khang" moo" yo' dakhyo" shoid nyid da:. Byu joem dadei nyid nyid gi nyangnu" da" myid gi akhyeing" ashoeb ziyo ko" zi byeung" jo, ago". Houg: lho: nyangnu" gi nyeigdain tung" za: shid: lo" ago".

YEREMIA 46:6

Myab, bang: ri vi: khyoo: alheig kaid go". gyizoo: yigi ayo" phang: loid wa. Mougzhung: shoid Uphrad gyid yam moo nyangnu" khyid: vhu" thung" wigi leung boem ago".

YEREMIA 48:14

«Moba byu yi we"- Ciwim yoomo sarhi' yi gyipui" moo jham" yu" bye: voem" da" gyizoo: yi nghoid ein: tid go" la".

YEREMIA 9:23

Aseing tid zigi Phajhi' boo bang: gi nyangnu" da" phajhi" shid re" age phoug:- Yoem: boo bang: gi nyangnu" da" yoem: moo age phoug: tid. Jonu" yoo" bang: we' nyangnu" da" jonu" yoomo age phoug:-

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

TARHA" TID POIN" 8:17

Houg: yoomo nanu" gi nanu" nya: yoem: so' yo' yoem: u" wigi nanu" nyang: koid lho: jonu" yo" zi nghoid ein: khanham we' age' myid wa.

TARHA" TID POIN" 8:18

Nanu" ri jonu" yoo" wa yoem: so' byid: da" yug gi nanu" Aseing Mangsoo nghoid ziri myid boin: ge'. Nyang: hid: su" koid zigi nanu" phoug" phyid" yi yo' nyang: koid to" da" dang: theing adang mo nyang: akhid" nyid" ju" sho' dang: zung" nyid shi" yoomo nghoid.

1 SAMUELA 17:50

Hougsu" nghoid yoomo David gi sham: aci: loo: za: lug lhei" pyi' yo' luggo, daloem: yo' za: Goliad ri du" said oung: pyam bye: zi nghoid.

1 SAMUELA 6:9

Hau: thang: ri hougsu" lo" ziri yu" nyid ge'. Hau: zi Bed Sheme voomoo" khyoo: yhe: lo" nghoid rigi hau: zigi Israela yi da" yu phara" nyhang" ri byid: kaid da" gyoug dain pho" noo phyoo" nghoid ein: da" dang: kang: nghoid. Nghoid loug we' hougsu" anghoid rigi vhuthung" yoem" nyhang" ri abyid: kaid ein: ziri nyhang" yo" se' yu wa nghoid. Hau: zigi bue" ein: yoomo bue" lo zi danghoid» ga: doem tid boem ago".