PHAJHI" DANG: 9:10 - Lacid Common Language Bible

¹⁰ Nang zei: da" moo" zoo" ci moo nghoid loug we' yoem: kaid wigi koid we'. Ciwim gari moovo moug: moo gi moo" zei: zi ajo, wa. Myid yu" zi ajo, wa lasi phajhi" ajo, wa Phajhi" juyhi: ajo, wa. Houg: lho: hau: joyoo gi nang yhe: loo" wa joyoo nghoid da:.

PHAJHI" DANG: 9:10 교차 참조

APOEM AYANG: 37:35

Nya: zo: mung nham: yigi lo lho: nheig teing yoem: byid: dang: lo tid nghoid loug nyang: gi ngeug pyam lho: «Nga" zo: gang mo nheig nyang: dakug nyid shi". Ngoo gi shid: noug bye:» ga: tid wigi nya: zoo: Yoseb shid re" xo' lho: dakug nyid.

1 KHOKHAM MHOOMYID: 22:19

Akhid" nanu" Aseing Mangsoo ri nanu" da" nheigloem: ung: khoug: yo' myid soozoo: dangain" yo' dei byid: nyid we'. Nanu" gi hau: akhoug: moo Aseing da" Dang: Theing Kuid: yo' nyang: ri noku uri ci: da" gyeung" shang: jonu" gootu: dangain" ri yo" too' wa shid re" Noku Yhoem: Moo" ri koid shid" loo" loo: ge» ga: tid.

1 KHOKHAM MHOOMYID: 28:20

Khokham David gi nya: yuggi zoo: Sholumon ri «Voem" myid yo' myid phyed we'. Moo" zei: shid we' ce: ja: wigi we' nang ri atoem' pyam nhang:- ngoo dei byid: da" Aseing Mangsoo gi nang yo' dage" nghoid loo wa. Nyang: gi nang ri ashe: pyam too" wa. Nyang: gi nya: Noku Yhoem: Moo" koid da" moo" bain da" ayo, ju" sho' nang yo' dage" nyid nyid wa.

NEHEMIA 2:12

Yerusalem shid re" ngoo ri Mangso wigi cikoid nhang: yoomo nheigloem: ri nhau" to' kaid byid: ziri hang" ri we' ngoo atid kyoo". Hau: thang: gam gung ri ngoo yhoeb to' wigi nga" byencang" dayham" ri shu" lho: thu yhe: loo" bye:. Ngoonu" ci: yhe: da" gougnyhoug gi ngoo zhung: da" loo zei: za: danghoid.

NEHEMIA 4:2

Nyang: gi nya: byu yi yo' Samari gyizoo: yi shidkhoin" moo «He: asho" ajhen: da" Yuda byumyu" yigi nyangnu" cikoid nyid ga: myid boem lug la". Nyangnu" gi voomoo" ri doem zhug wa myid soin: boem lug la". Nyangnu" gi xoin" ngei" wigi hau: moo" ri danyid" moo za: yo" koid pain' wa ga: myid boem lug la". Nyangnu" gi myi: nge" gyoeb boem jo, da" lugboem yoomo yhoem: koid lug yo" koid yu goo" wa la"» ga: tid da:.

NEHEMIA 4:6

Houg: yoomo ngoonu" gi vang ri doem zhug wigi khamyhang amyang" ri hau: agung kho' myhang: do, loo" bye:. Ciwim ga: ri shava byu yigi moo" zei: wa myid bo ago".

YOBA 10:21

Ngoo gi amyang" ri lo" byug wigi khanham we' adoem tau" loo loo: wa. Teing: no, wigi moug: doeb da" moug: khyoo: loo" loo: wa.

YOBA 10:22

Bid bang nyang: we' moug: coid bue" da" joyoo moug: coid meing:- bid yoeb yoeb da" meing:- anhung akhoid da" meing: khyoo: loo" loo: wa.

YOBA 21:13

Nyangnu" gi yug yoo myen jham' tung" kangso' dei nyid wigi ce: yau: khi" ashau" loo: myen myen za: shid: loo" ago".

COUNG" NGHEI 6:5

Moovo moug: moo: gi nang ri myid boin: bang: hang" we anyid. Hau" joyoo moo: hang" we' nang ri ayo" coung" nghei loo.

DANG: ZHOEM 3:28

Re" da" yhoem: kyoo" cang" ri akhid" nyang: nang yo" pang" thoug zi nghoid nyid ri nab kyoo' ju" sho' lang" nhang: ja: nang khanham we' akoid.

PHAJHI" DANG: 11:3

Seiggam dagam gi khasoid khyoo: leung gyoo" gyoo" nyang: leung lo" jang" moo jo, jo, wa. Jhoemmoug" thei" byeung" jo, lang" moug: voo wa.

PHAJHI" DANG: 11:6

Nab soin: ri we' myen" thang: ri we' shivoo: shigam zhung" nyid ge'. Hau: joem gi dangain" yug gyi: loo wa lug- anghoid lang" dayham" gi gootu: tho' je yug gyi: loo wa lug ga: ziri nang khanham we asi.

ESAIA 38:10

Hau: zigi Nga" apyaid kung" kung" moo nga" kangso khanham we' ayo" dei nyid loo wa. Moovo moug: yhe: loo" wa bye: ein: jho: pyam bye:.

YEREMIA 29:13

Nanu" ngoo ri sho: loo goo" wa. Nanu oung: khoug: nheigloem: dangain" yo' ngoo ri shoo: wa nghoid yoomo ngoo ri myang loo wa.

GYUNG: SOO" 13:30

Khaleb gi Moshe ri thougtheung myeing" myo: nyid da" byumyu" yiri sam: zoo: nyid nhang: wigi «Nyang" akhid" yhe: zain: lho: mungdain: ri seing: pyam shang. Nyhang" moo: hau: ziri oung: yu wa da" yoem: gi bo jo, shi"» ga: tid.

MATHE 20:7

Houg: bang: gi ‹ngoonu" ri hang" we alhung: yoomo nghoid› ga: tid boem. Houg: lang" khyam: seing: gi ‹nanu" we' nga" zabyid khyam: moo moo" yhe: zei: ge'› ga: tid kaid.

MATHE 6:33

Nanu" koem gi nya: da" mungdain: yo' nya: da" deung byeung" khyoo: ri xang: shid" sho: nyid ge'. houg: lang" hau: zi dangain" nanu" ri poug lung: byid: wa nghoid.

YOHAN 4:34

Yesu gi ‹‹Nga" da" zoo: noem gi Ngoo ri nhang: kaid' su: vho: khyo" cang pyeing lho: Hau: Aseing: byid: to" da" moozoo" ri bain sho' voin vu, khyoo: gi nga" zoo: noem nghoid bye:» ga: tid.

YOHAN 5:4

(Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.)

YOHAN 9:4

Ngoori nhang: kaid su: da" moo" ri nyid" ayo nghoid shi" ri ngoonu" koid; wa zi nghoid. Hang" we ce" moo" we' ayo" zei: lo da" myen" ayo, gi ju" loo wa.

Roma 12:11

Anei" ashu: loo: - moozoo" jid, zoo" ri yoem kaid zei: nyid ge'. Nheugloem: yoem: booboo Mangso: da" moozoo" ri zei: so voin vu nyid ge'.

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

1Korinthians 16:10

Timothi gi nanu" jhang khyoo: ju" re" lo da" uri- nanu" moo: nyang: nheigloem: myen, myen, shau" nyid sho'- nyang: ri goug goug yi yi lhoem: kham: yu ge'. Khasu" wim ga: ri nyang: gi ngoo yo' dakhyoo" ti" Aseing da" moozoo" ri voin, vu, nyid su: nghoid.

1Korinthians 9:24

Gei shi, go" da" pui" moo: dangain" mo, gei shi, goo" nghoid loug we'- byu dayug za: oung: doid lo" da" jhung: shug ri shau" kham: yu nyid khyoo- nanu" dangain" mo, se' nyid gu nghoid bye. Hougsu" nghoid yoomo- nanu" we' oung: doid lo" da" jhung: shug ri yo" kham: yu sho' -gei shi, go" nyid ge'.

1Korinthians 9:26

Hougsu" nghoid yoomo- ngoo gi gei, loo" wa shid re" ke' to" da" bain: zeing ju" sho'- dain" za: dagei lo" ziyo'- ngoo gi thung" goo" nghoid loug lid' moo: akoem: athoung" pyam da" thung" go" sarhi' phoo, ti" nghoid nyid.

Ephesu 5:16

Khasu" wim gari akhid" da" bidnyid ayo, joem gi akhyeing" ashoeb, da" bidnyid nghoid nyid yoomo nanu" yo" da" ayo, gi ri goolhoo: za: akyu" boo sho' ci: yhoung: nyid ge'.

KOLOSE 3:23

Nanu" gi ce" ja: koid nghoid loug we' byu shid' re" koid ti" anghoid loo: za: Aseing: shid re" koid yahg: ti"- nanu" da" nheigloem: emyid dangain" yo' yoem: kaid' nyid ge'.

1 SAMUELA 10:7

Hougsu" bue" nyid uri Mangsoo nang ri shu" koid da" ce: ja: moo" zoo" ri nghoid loug we' nang cang koid nyid we'.