PHAJHI" DANG: 9:1 - Lacid Common Language Bible

¹ Ngoo gi he: khyoo: ri myang" sho' gye" myid yu" ziyo' phajhi" bo deungmain" bang: zei: so" lo" da" lo, moo" joem ri nyangnu" da" jheddab myid yo' ngheing" da" myid rilang" gi Mangso wigi zei ci: ziri shau" myang bye:. Hang" we' nyang: nya: shid vhu" moo ci bui" wa zi asi' nghoid ago".

PHAJHI" DANG: 9:1 교차 참조

YOBA 12:10

Mangsoo gi nyang: phain" so: to" da" dei noem joem ri khyoo: shid su: nghoid. Byu yugkhang" mo" da" kangso' gi nya: yoem: so' khoug: moo bo jo, da:.

YOBA 27:12

Nghoid loug we' hougsu" anghoid- lo" thang moo nanu" nyang: shau" myang abye:. Houg: ri nang ciwim dang: kang: abo zi tid la"

YOBA 5:8

Ngoo gi nang danghoid rigi ngoo gi Mangso jhang yhi: wa wigi nga" khyoo: ri nyang: ri yhe: tid khyoo" wa.

COUNG" NGHEI 10:14

Nghoid loug we' nang ri gyoug nain" khyoo: yo' phu" zo: khyoo: ri myang se' lho: pang" thoug yu wa shid re" khanham we' nyheung soin, too" gu nghoid. Pang" thug wa zi ayoo" su: gi nyang: gung nyang: nang moo: ab lang- nang gi: ca" yo nyid mo, ri khanham we' pang" thoug nyid.

COUNG" NGHEI 119:109

Ngoo gi gyoug pho" da" kangso' gyung: khyoo: moo kang so, dain pyam lho: so" loo' wa shid re" khanham we' jen" jen" nghoid nyid- re" da" tarha" ri ngoo to" myhed pyam wa zi anghoid.

COUNG" NGHEI 31:5

Ngoo gi ngoo nya: gung du: ri re" da" lo, khoug: moo: ab too" bye:. Aseing nang gi ngoo ri khyoid yu wa zi nghoid. Nang gi nga" deingmain" da" Mangsoo nghoid nyid.

COUNG" NGHEI 73:3

Khasu" wim gari akhyeing" bang: shid re" khyoo: khaid khang" moo" ge lho, nyid da" khyoo: ri ngoo myang uri hau: khyoo: yoomo phau: khuang nyid mo, ri yu" noo" yoomo nghoid.

DANG: ZHOEM 16:3

Re" da" moo" zoo" moo: mainkaid byid: wa shid re" Aseing ri: mho' yoid we' hougsu" nghoid lang" re" da" moo" zoo" jid: zoo" moo oung: doid loo" wa zi nghoid.

PHAJHI" DANG: 1:17

Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 10:14

Koopyoid gi atheing: anoo: xo' tid nyid da:. Thang: phyang" ci: xo' bui" wa ziri hang" asi'. Ngoonu" shid: byug thang: cibue" loo wa ziri ngoonu" ri hang" wigi we' ayo" tid.

PHAJHI" DANG: 7:15

Nga" kangso' gyung: khyoo: gi akoem: nghoid lid: lo bye:. Nghoid loug we' ja: khang" moo" ri ngoo shau" myang bye:. Byu dayug gi akhyeing" ashoeb sho' nghoid loug we' xo' dei nyid da" uri byu gi dayug gi ge shid: lo" da:.

PHAJHI" DANG: 7:25

Nghoid loug we' ngoo gi lasi phajhi" yo' jhau" zhang: yu wa shid re" ngoo nya: gung ri ab byid: pyam bye:. Ngoo gi phajhi" juyhi: yo' nga" dang: myid: joem da" dang: phuid: joem ri shoug" sho' sho: wa shid re" yo' nheig agyeing: zigi khayhi' akhyeing" ashoeb ziyo' koopyoid moo" nghoid ziri jhau" yu wa shid re" myid phyed too" bye:.

PHAJHI" DANG: 8:14

Nghoid loug we' he: zigi ce: dang: kang: aboo nghoid da:. Mougmyid tho moo cibue" nyid ziri yu" yu" we'. Dalheing: lheing: deungmain" yug gi akhyeing" ashoeb yug yooboo dam moo shau" phu" zo: da:. Houg: lho akhyeing" ashoeb yug gi deungmain" yug da" aphoug" jhungshug ri kham zo: da:. Hau: zigi akoem: nghoid ein: ngoo tid.

PHAJHI" DANG: 8:16

Ngoo gi phajhi" boo wa shid re" yo' he: mougmyid dang moo ci bue" nyid ziri jhau" zhang: yu wa shid re" yoem: kaid khang" moo" byu gi myen" ri nyid" ri ayhoeb acoem" gyeing: lho:

PHAJHI" DANG: 8:7

Ci bue" re" nyid ziri ngoonu" mo hang" we asi'. Houg: lho: ngoonu" ri tid kyoo" wa hang" anyid.

PHAJHI" DANG: 9:6

Nyangnu" da" jheddab myid- nyangnu" da" ngheing" khyoo:- nyangnu" da" vho: ngei khyoo: joem dangain" gi nyangnu" yo' dage" shid: byug da:. Nyangnu" gi he: mougmyid dang moo bue" zi ci: moo we' doem yo" bo boo wa zi anghoid.

ESAIA 26:12

Aseing we"- nang gi ngoonu" ri jonu" byid: loo wa. Ngoonu" shoug" yu ja: ja: khang" moo" gi nang koid da" moo" zoo" athang: nghoid da:.

YEREMIA 43:6

Nyangnu" gi Barug yo' ngoo bo bo wigi gyizoug: phoo Nebuzaradan wigi Gedalia da" yu" coung: da" vhoo: moo nyid: to" da" bang: yugkhang" moo" ri shu" yu ago".

TARHA" TID POIN" 33:3

Aseing gi nya: byumyu" yiri jheddab wigi nyang: wigi seing: da" bang: ri goem loem byid: nyid. Houg: yoomo ngoonu" gi nya: khyid: yang: moo goeb pid wigi nya: amyeing" dang: joem ri tam" gyo: cang yhe: nyid boem.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

1 SAMUELA 2:9

Nyang: gi loem khau: da" byumyu" yi da" kangso' ri lhoug zung" nyid. Nghoid loug we' akhyeing" ashoeb bang: ri koem' gi moug: coid khoug: moo byug lo" boem wa zi nghoid. Byu gi nyang: nya: yoem: yo' oung: doid khyoo: ayoo" nghoid da:.