PHAJHI" DANG: 8:8 - Lacid Common Language Bible

⁸ Hang" we' nyang: nya: gung ri ashid: sho' ayo" koid. Nyang: shid: wa bidnyid ri we' ayo" shui". Shid: gyoin gi ngoonu" ayo" loid da" gyipui" nghoid da:. Ngoonu" gi houg: mo ayo" mhoug thu loo" nghoid da:.

PHAJHI" DANG: 8:8 교차 참조

2 SAMUELA 14:14

Nyhang" dangain" shid: shoug" wa zi nghoid. Nyhang" gi myidgung moo foid sain" kaid wigi adoem yo" yu loo da" gyid yo' du nyid bye:. Mangsoo gi shid: jang" mo adoem yo" dei nhang: loug we' nang khokham gi gootu: mungdain: khyoo: khaid pyam da" byu dayug ri doem shu" yu wa khyoo: daloem: ri za: gi shau" myang wa zi nghoid.

2 KHOKHAM 7:15

Houg bang: gi Yodan gyid lang ju" sho' yhe: ago". Suri byu yi phang: lo" zoo" ri nyangnu" she: pyam too" kho' da" byimi yo' gyizi gyikhoo: joem ri khyoo: thang sho' moo: shau" myang boem ago". Hau: thang: nyangnu" doem tau" lo" lho: khokham phoo ri lu dang: lo" kyo" ago".

YOBA 14:5

Nya: da" Kangso' khasheing nghoid wa ziri no' mo ke' phyed too" byid: gu nghoid bye:. Nyang: lhammoo" khanhoo' khyab nyid wa ziri tu' too" gu nghoid bye:. Nang gi hau: gu moo nyid wigi age thid pyam loo nghoid da:.

YOBA 34:14

Mangso wigi kangso' doem yu pyam byid: nghoid rigi

COUNG" NGHEI 89:48

Houg: su: gi khanham ju" sho' ashid: abyug loo: yo" nyid wa la". Byu yigi nyang: gung nyang: loeb duang: khoug: khyoo: avang loo" sho' khasu" koid yo" toem too' wa lha".

COUNG" NGHEI 9:17

Mangsoo ri she: pyam bang: dangain" mo, yo' akhyeing" ashaoeb mo, dangain" da" khyoo: lo" thang moo: gi shid: lo" khyoo: za: nghoid.

DANG: ZHOEM 12:3

Akhyeung" da" khyoo: gi gau: nyu: da" khyoo: ri ayo" byid- nghoid loug we' deing: byeung" da" byu yi koem gi geing: geing: teing teing yo" yab jo, boem wa zi nghoid.

DANG: ZHOEM 14:32

Athoug" akhyoug: da" byu yigi nyangnu" da" akhyeung" moo" zoo" joem khyo" wigi nyangnu" nya: da" joem: lo" khyoo: ri koid nyid ago". Byugi yi koem gi nyangnu" deing: byeung" moo" zoo" wigi nyangnu" ri goem loem byid: zi shoug" nyid ago".

PHAJHI" DANG: 3:21

Byu dayug da" Venyi: gi tho' khyoo: do, lo" la- gougnyhoug dadu: da" soobyoo gi myid khoug: khyoo: gyoo" lo" la ein: ziri hang" khasu" tho' si' wa la".

PHAJHI" DANG: 8:13

Nghoid loug we' akhyeing" ashoeb bang: shid re" gi zi anghoid. Nyangnu" kangso' gyung: khyoo: gi bid yoeb yo' du wigi nyangnu" gi apyaid ngi shi" uri shid: byug wa. Ciwim gari nyangnu" gi Mangsoo ri atam" gyoo: yoomo nghoid» ga: tid.

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

ESAIA 28:15

Shid: bang: yo' myid veing" khyoo: koid too" bye: Moovo moug: ju" sho' myid veing" khyoo: koid too" bye: ga: nanu" phau: ago". Yau: khi" kyi" khyeug ju" lo uri nanu" ri teing too" khoo' wa ga: gyeing" nyang: myid loem nyid ago". Ciwim gari nanu" ri goem loem byid: wa shid re" anghoid zi tid lho: mhoug fain" ziri nanu" khau: nghe: yoomo nghoid ago".

ESAIA 28:18

Shid: bang: yo' nanu" koid to" da" myid veing" khyoo: gi yu pyam zi shau" wigi moovo moug: yo' koid to" da" nanu" da" myid veing" khyoo: gi toem pyam zi shoug" wa. Yau: khi" kyi" khyeug zi gyo" nhe" pyam lang" nanu" ri hau: ze wigi oung: pyam wa.

ESAIA 47:10

«Nang gi nanya: akhyeing" da" moo" moo gyeing" nyang: gi jho: nyid da:. Nang ri hang" wigi we' azang" myang ga: jho: da:. Re" phajhi" yo' lasi laleug gi nang ri khyoo: vhang: shu" vhang: lo" da:. Houg: lho: nang gi nanya: gung ri ‹Ngoo gi Mangsoo nghoid- ngoo yo' du zi gootu: hang" anyid› ga: tid da:.

1Korinthians 15:43

Nyhoeb, pyam uri: gi ayung" alho, aco' ajhoid- ce: yoem: we' aboo lo: zi nghoid. Doem dei tu: to' kaid uri: gi gye" young" lho, ziyo' yoem: moo" so' moo" bo da" zi nghoid wa.

2~KORINTHU 13:4

Khasu" wim gari Aseing: gi pyang" zeung moo baid jen" said to" uri yoem: neung: jang" moo ju" nghoid loug we' akhid" gi Mangso yoem: moo" phung" yoeb khoug: moo dei nyid bye Nyang: we" Khristu yo' dayug za: nghoid nyid boem yoomo yoem: neung: nyid boem- nghoid sho. loug we' nanu" moo bo da" yoem: moo" so' zeing yoomo ngoonu" nyang: yo' dage" dei nyid boem wa nghoid.

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.