PHAJHI" DANG: 8:7 - Lacid Common Language Bible

⁷ Ci bue" re" nyid ziri ngoonu" mo hang" we asi'. Houg: lho: ngoonu" ri tid kyoo" wa hang" anyid.

PHAJHI" DANG: 8:7 교차 참조

ESTHA 5:12

Haman xo' tid zigi «Hau: tho' agoo" khokham myhi' Estha gi hang" dayug ri we' akoid byid: yu" da" zoo: shug pui" ri khokham phoo yo' ngoo ri koid byid: da:. Houg: lho: nga" tang: ri nab yo nyid" we' doem khe: too" shi" da:.

DANG: ZHOEM 24:22

Houg yhang: ti" tu: lhoin" bang: gi khamyhang amyang" ri byo, yoin" loo" goo" wa zi nghoid. Mangsoo yo' Khokham wigi yo" byid: da" yau: khe" khyoo: ri nang yo" myid boin: nyid la".

DANG: ZHOEM 27:1

Nab yo nyid" yo' sen: lho: khanham we' aphau: akhuang nyid akhid" hau: ayo, aju" gyoo: moo: cibui" wa zi nang asi, nghoid da:.

DANG: ZHOEM 29:1

Yooboo tid poin" khang" moo je" wigi nheigloem: dathain: nyid nghoid rigi khanham we' ayo" doem so, nyheing loo: sho' byo, yoin" lo" khyoo: thoung" shoug" wa zi nghoid.

PHAJHI" DANG: 10:14

Koopyoid gi atheing: anoo: xo' tid nyid da:. Thang: phyang" ci: xo' bui" wa ziri hang" asi'. Ngoonu" shid: byug thang: cibue" loo wa ziri ngoonu" ri hang" wigi we' ayo" tid.

PHAJHI" DANG: 3:22

Houg: yoomo ngoo gi ngoonu" moo" zei: da" gang mo yo" yu ziri pyoo: pyoo: yo" ci: yhung: lho: nyid zigi ge thang moo" zoo" nghoid ziri shau" myid boin:. Houg mo jain" lho: ngoonu" yo" koid zi ci: ajo,. Ngoonu" shid byug thang: ri ci: bui" loo wa ziri ngoonu" yo" si' wa khyoo: ajo, nghoid wa.

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

PHAJHI" DANG: 7:14

Re" shid re" ja: noem joeb gi gi za: nghoid lo nyid ri ngei bu we'. Houg: lho: yau: khi" ju" re" da" uri we' ngei bu: khyoo: yo' yau: khe" khyoo: eig ja: goin" ziri Mangso wigi nhang: kaid byid: zi nghoid ga: ziri we' thang: moo ci: xo' pui" wa ein: ziri nang khanham we ayo" si' ein: ziri myid boin: we'.

PHAJHI" DANG: 9:1

Ngoo gi he: khyoo: ri myang" sho' gye" myid yu" ziyo' phajhi" bo deungmain" bang: zei: so" lo" da" lo, moo" joem ri nyangnu" da" jheddab myid yo' ngheing" da" myid rilang" gi Mangso wigi zei ci: ziri shau" myang bye:. Hang" we' nyang: nya: shid vhu" moo ci bui" wa zi asi' nghoid ago".

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

MATHE 24:44

Byu da" nya: zoo: gi nanu" amyid to" da" ayo, akhyeing: moo ju" ri" wa nghoid yoomo nanu" khanham we' jen" jen" koid nyid ge'.

MATHE 24:50

Hau: thang mo hau: yug alang" nyid aboin: aso" da" da nyid moo nya: yhoem: seing: doem ju" lo wigi