PHAJHI" DANG: 8:4 - Lacid Common Language Bible

⁴ Khokham gi amyeing" akhang" yo" koid da:. Houg: lho: nyang: koid ziri hang" we' pyi: ayo" shoo: nghoid da:.

PHAJHI" DANG: 8:4 교차 참조

2 SAMUELA 24:4

Nghoid loug we' khokham gi Yoab yo' nya: moo" voin mo, ri nya: amyeing" dang: tam" gyo: sho' koid wigi nyangnu" we' nya: shidkhoin" mo thu lo" lho: Israela byumyu" yiri yhe: cang nghab yu" boem bye:.

1 KHOKHAM 1:30

re" zoo: Sholumon gi nga" khokham aya: xo' kham: yu wa zi nghoid ziri Israela byumyu" yi da" Aseing Mangso da" myeing moo: ngoo nang ri dang: theing to" ziri akhid" nyid" nyang: hau: dangsoo" khoin" ri jang deing byid: bye: zi nghoid» ga: tid.

1 KHOKHAM 2:25

Houg: yoomo khokham Sholumon gi Benaia ri amyeing" byid kaid lho: Benaia gi thu lo" wigi Adoniya ri said pyam bye:.

1 KHOKHAM 2:46

Hau: thang: khokham phoo gi Benaia ri amyeing" byid: bye:. Benaia gi thu lo" lho: Shimi ri said pyam bye:. Akhid" Sholumon gi bain sho' ri yo" vhoebkhang" bye:.

EZRA 6:13

Hau: thang: mung" gyi Tateni thang: Shetha Bozenai yo' nyangnu" da" moo" voin byencang" yigi khosen: amyeing" byid: to" ziyo' dakhyoo" ti" koid bye:.

YOBA 9:12

Nyang: vho: ziri nyang: yu pyam da:. Nyang: ri hang" ayo" toem'. Nyang: ri hang" wigi we' «Nang cikoid nyid» ga: ayo" myid.

THU' LO" MOUGSOUG" 1:18

Houg: yoomo khokham phoo gi hau: zoonu" pang" khu: byid: da" myhi' zeing eig yug ri khe: kaid lho: nya: eig yug ri «Re" eig yug ciwim hid: su" koid la"- Re" eig yug ciwim yuggi nu" yiri dei nyid nhang: to" boem la"» ga: myid: da:.

DANG: ZHOEM 19:12

Khokham nheig joem: yo: zigi khang khyi myeung ziyo' du nyid. Nyang: pang" thoug byid: zi koem gi ca" nyid uri vo, da" moug: gyid yo' du nyid.

DANG: ZHOEM 20:2

nheig joem: yo: nyid da" Khokham ri myeing myhu" nheig yo: nyid da" khang khyi yo' dakhyoo" ti" gyoug nyid we'. Nyang: ri ze" sho" kaid su: gi nyang: nya: gung nyang: said shed: yu zi nghoid.

DANG: ZHOEM 30:31

Coidbaid joem- go" lheung: yen" da" gyo, phoo joem yo' Meing: byu yi da" agung moo: so" yen" da" khokham joem nghoid.

DANIELA 3:15

Akhid" laboo"- khoolhang- teing shi- jhabceing yo' gootu: baid myheing ja: thui: ri shoug" gyoo: yo' dage" soolhoo: ri goeb pid no' byid: we'. Nanu" hougsu" akoid nghoid rigi nanu" ri akhid" nyang: gye" dab nyid da" myikhyoem moo" khoug: khyoo: du" zei kaid zi shoug" goo" wa. Nanu" ri yo" khyoid yu da" yu phara" nyid ein: jhoo: go" rhe"» ga: tid da:.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

Roma 9:20

Bid noem phoo we" nang gi khate" su: nghoid lho: wigi Mangsoo: ri hidsu" yo" myid: lha". Phain" too" su: wigi phain" to" Aseing ri - Aseing nang ci koid' ngoonu' ri phain" to" ein: yo" myid: wa lha".