PHAJHI" DANG: 8:10 - Lacid Common Language Bible

¹⁰ Nghoid bye:- akhyeing" ashoeb da" byu yiri nyangnu" loeb moo yhe: myhoeb pyam kho' ziri ngoo myang. Nghoid loug we' loeb mo doem phang: tau" loo bang: gi houg: bang: akhyeing" ashoeb da" moo" ri koid kho' da" voomoo" khoug: moo: nyang: houg bang: ri coung" nyid boem ziri we' ngoo myang. Hau: zigi akoem: nghoid da:.

PHAJHI" DANG: 8:10 교차 참조

YOBA 21:18

Houg: lho: nyangnu" ri lid wigi khoofoo: ri moid tang" pyam yhang: ti" moid tang" pyam lha". Anghoid lang" uglid moo pheilhoug: bo lo" yhang: ti" bue" yu" lha".

COUNG" NGHEI 31:12

Ngoo ri: byu myoo" sho' mo, gi shid: byug bye: su: ri yhang: ti" to" myhed pyam, boem ago". Ngoo gi she: pyam to" da" zi gang: yhang: ti" danghoid nyid lo.

DANG: ZHOEM 10:7

Byu gi yigi mainkaid jeju" daloem: khyo" xoem" to" zi shoug" loug we' akhyeung" da" byu yigi daso, nghoid lang" to" myhed pyam, zi shau" boem wa.

PHAJHI" DANG: 1:11

Lid: loo bye: ayo, moo bue" lo bye: ziri hang" aboin: soo". Houg: lho: hid thang: nyid" ein: da" akhid" mo zi hau: ayo, agyoo: moo bue" ziri xoem" goo" wa zi anghoid.

PHAJHI" DANG: 2:16

Phajhi" juyhi: boo bang: ri hang" we' amyid boin: nheig agyeing: bang: ri we' hang" amyid boin:. Ju" lo wa da" ayo, moo gi ngoonu" dangain" bang: we' coem' to" myhed pyam ri" goo" wa. Phajhi" boo bang: yo' nheig agyeing: bang: ngoonu" dangain" bang: gi dakhyo" kyeing" za: shid: loo" goo" wa.

PHAJHI" DANG: 9:15

Houg: moo myung da" byu dayug nyid da:. Nghoid loug we' hau: voozoo: ri yo" khyoid yu wa yhi' nheig bo oung: gyeing: yug nghoid. Nghoid loug we' nyang: ri hang" we' amyid boin: goo" nghoid da:.

PHAJHI" DANG: 9:5

Nghoid bye: dei nyid bang: gi nyangnu" shid: wa nghoid ziri se' ago". Nghoid loug we' shid: jo, bang: gi ci asi' nghoid ago". Nyangnu" gi je aphoug" jhungshug ayoo" nghoid ago". Nyangnu" ri bain sho' to" myid pyam ago".

YEREMIA 17:13

Aseing we"- nang gi Israela da" myid byu jang: nghoid da:. Nang ri she: pyam boem da" bang: gi sho' phu" loo goo" wa. Nyangnu" gi pheilhoug: boem" moo lhid" to" da" myeing joem yhang: ti" bei: byug wa. Ciwim gari nyangnu" gi gyid sain' gyid bug nghoid da" nang Aseing ri she: pyam pyam yoomo nghoid.

LUKA 16:22

Hau: sho" jhen su: gi shid: lo" wigi moug: lagyoo: yi gi nyang: ri Abraham da" nam moo nyid nhang: wa shid' re" moug: khoung: mungdain: zoo: pui" zeing khyoo: shu" loo" bye. Sathi" phoo we shid: lo" wigi myhoeb pyam zi shau" lho:

ACTS 6:13

Hau: thang: ri nyangnu" gi Stephain da" Khyoo: ri mhau' da" sagsi: kham, wa da" byu dayham" ri we' khe: to" ago". Hau: sagsi: kham, wa mo, gi Byu he: yug gi hau: noku yhoem: moo" ri we' Moshe da" tarha" ri khanham we' juang" yi gei sang: nyid.

HEBRE 10:38

Nga" da" deing byeung" byu yi koem gi loem" jeung" ziyo' dei nyid boem wa zi nghoid. Nghoid loug we' nyangnu" mo dayug yug- thang: khyoo: doem tau" thu' byam, lo" nghoid rigi ngoo gi nyang: ri vho: ngei loo: wa zi anghoid- ga: wigi tid nyid.