PHAJHI" DANG: 7:8 - Lacid Common Language Bible

⁸ Daja: ja: da" athang: pain' zigi hau: da" zi ayang: shid" tho' je ge da:. Nheigloem: sheing: zigi nghoid boin: da" tho' je ge da:.

PHAJHI" DANG: 7:8 교차 참조

DANG: ZHOEM 13:10

Nheigloem: myhang: lho: nghoid boin: da" khyoo: gi kyi" khyeug khyoo: mo lid lho: ce" noem we' yo" ze" bue" khyoo: ajo. Phajhi" jhau" byid: su: gi phajhi" je" si' su: nghoid.

DANG: ZHOEM 14:29

Nang sam' zoo: tam" to" nghoid rigi nang phajhi" boo su: nghoid loug we' nang nheigloem: nge" loung nyid nghoid rigi nang khayhi' ko" fang: khyoo: ri za: toin" shed nyid khyoo: nghoid.

DANG: ZHOEM 15:18

Nheigloem: nge" loung nheig yo: khyoo: gi myeing" myoo: yhoo: she: khyoo: joem ri bui" nhang: nyid. kham' zeung: khyoo: gi: ngei pyo: myenjham" khyoo: joem ri byid: nyid.

DANG: ZHOEM 16:32

Yoem: so' gyi: wa shid re" nheigloem: sheung: zigi je ge nyid. Voomoo" joem ri" khaid oung: yu wa tho' re" nanya: gung ri yo" khang" ung: wa zi je ge nyid.

DANG: ZHOEM 28:25

Nyang: nya: shid re" za: te: myid nyid zigi yau: khe" khyoo: za: dabui" nhang: nyid. Aseing ri loem khau: nyid su: koem gi nya: shid re" je" ge nyid khyoo: nghoid.

PHAJHI" DANG: 7:1

Myeing yung" lu dang: gi gu cang" da" nam pyo: xu tho' je ge da:. Houg: lho: nang shid: da" bidnyid gi nang khu: re" da" bidnyid tho' je ge da:.

LUKA 16:25

Nghoidsho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: jamjau kham: kho" da" khyoo: ri we' myid boin: re. Akhid" koem nyang: gi myenjham" ngei pyoo: khyoo: shau" kham: zo: wigi nang koem gi kyi" khyeug shau" nyid bye.

LUKA 21:19

Nanu" gi geung: geung: teing teing yab, jo, ge' houg: lang" she khyoid yu zi dashau" boem wa.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

Ephesu 4:2

Khanham we' khyo' nyhoem: lho: wigi nu" nham, ziyo' kham, zeung: nyid ge'- nanu" nyang: cang" zeung: kham, go" lho: jheddab emyid ri toin" shid go" nyid ge'.

HEBRE 10:36

Mangsoo myid vho: khyoo: ri cang zei: wa ziyo' nya: da" dang: soo" khoin" joem yo' dakhyoo" ti"- akyu" yo" kham: yu boem sho' nanu" gi gyi: sheung: nheigloem: yo' zeung: kham, ca" nyid boem.

YAKU 5:11

Nyangnu" gi yo" kham: zeing: mo, nghoid yoomo nyangnu" ri ngi: lhoo' mo, ein: ngoonu" tid boem bye. Yoba khasu" kham, zeung: khyoo: ri we' nanu" shau" gyo: yu" boem bye. Lo" thang moo Aseing: gi nyang: ri khasu" coung: goin, khyoo: ri nanu" si' bye. Khasu" wim gari Aseing: gi nheig khyeug wigi athang agoin myed yo' byeung" su: nghoid nyid.

YAKU 5:8

Nanu" we" zeing: shang" lho: nheig byu lang" nyid ge' Aseing Yesu doem gyoo" loo wa da" ayo, gi jhang loo bye: yoomo nanu" geing: geing: teing teing dalang" nyid ge'.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.