PHAJHI" DANG: 7:7 - Lacid Common Language Bible

⁷ Phajhi' boo su: dayug gi byu dayug yug ri mhoug wa uri nyang: gi koopyoid yhang: ti" koid ci: da:. Nang khougvhoid ri yu nghoid rigi re" da avoid lo, moo" ri byo, yoin" loo" nhang: wa.

PHAJHI" DANG: 7:7 교차 참조

THU' LO" MOUGSOUG" 23:8

Khougvhoid age khab, yu zoo: wa zi nghoid. Ciwim gari khougvhoid gi byu yi da" deungmain" myojid" ri jid, nhang: nyid ziyo' deungbyeung" su: da" dang: ri byo, yoin nhang: nyid da" zi nghoid.

DANG: ZHOEM 17:23

Akyang" yoin" da" tarha" agyi phoo gi khoug" byid: da" khougvhoid jhungshug yo" yu zo: da deing byeung" moo" ri azei: nghoid da:.

DANG: ZHOEM 17:8

Byu dayham" gi khougvhoid ri fa" da" phajhi" ri yhang: ti" yo" bui" wa ga: jho: ago". Nyangnu" gi ja: khang" moo" ri yo" ze" bui" wa ga: myid loem nyid ago".

PHAJHI" DANG: 4:1

Houg: lho: ngoo gi he: mougmyid tho' moo xo' lho: bue" nyid da" tarha" adain: ziri myang bye:. Doin: zeig zoo: shoug" bang: gi nyho: ngau nyid ago". Nghoid loug we' nyangnu" ri hang" anau pang" nghoid ago". Ciwim gari nyangnu" ri doin zeig zoo: mo, gi yoem: so' yoo" bang: nghoid ago".

PHAJHI" DANG: 5:8

Asuya wigi myung shoo" mo, ri doin: zeig lho: nyangnu" shid re" tarha" deing byeung" ziyo' nyangnu" yoo" eung: da" akho: akhang" ri abyid: ziri shau" myang ri ayu" moug". Gyizoug: khang" moo" ri nya: dang mo su: wigi goem loem byid: lho: nya: eig yug goin" ri je gyi: da" zoug: wigi goem loem byid: to" ago".

PHAJHI" DANG: 8:9

Mougmyid tho' moo koid nyid da" khyoo: joem ri ngoo myid yu" uri hau: gu: dangain" ri ngoo shau" myang. Mougmyid tho' mo byu dayham" gi yoem: so' yo" wigi dayham" gi nyangnu" da" vhoo moo kyi" khyeug yo' kham zo: nyid da:.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

ESAIA 33:15

Nanu" jo da" dang: tid wigi jo da" moo" zei: boem nghoid rigi nanu" yo" nyid deing boem goo" wa. Sho" jhen: bang: ri fain" zoo: wa nanu" da" yoem so' ri aci: goo". Khougvhoid jhungshug ri ayu goo". Byu said wa yo' akhyeing" da" gootu: moo" joem ri koid wa soin to" da" bang: yo' azoem" goo".

TARHA" TID POIN" 16:19

Nyangnu" gi tarha" dang phyed moo" moo tarha" adeingmain" khyo" age koid. Anghoid lang" myonhoo: age khyen:. Houg: lho: nyangnu" gi khougvhoid jhungshug joem ri age yu zoo: goo" wa. Ciwim gari hau: jhungshug joem gi phajhi" boo bang: yo' deingmain" bang: rilang" myo, jed nhang: wigi nyangnu" ri shoid da" khyoo" dang: phyed nhang: nyid da:.

TARHA" TID POIN" 28:65

Nanu" gi yug yoo zi khamoo: we' ashau" wa. Nanu" nya: mougmyid ein: myheing wa joyoo ashau" myang wa. Aseing gi nanu" adang moo myid myo: zi nheigloem: thang ziyo' yoem: shoin: zi byeung" jo, nhang: loo wa.

1 SAMUELA 12:3

Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa» ga: tid.

1 SAMUELA 21:14

Hougsu" yoomo Akhisha gi nya moo" voin bang: ri «Yu" ge' Hau: yug gi koo" su: danghoid da:. Ciwim yoomo nga" jhang khyoo: shu" loo go" la".

1 SAMUELA 8:3

Nghoid loug we' nya: tang: gi nya: pho da" leig ri acang loo: za: ngei myo, no, da" moo" zoo" moo za: nheig dab nyid boem ago". Khougvhoid jhungshug joem ri nya: eig yug khab yu nyid yoomo jo eung: khyo" moo" zoo" ri ayo" tid phyed byid: nghoid ago".