PHAJHI" DANG: 7:6 - Lacid Common Language Bible

⁶ Nheig agyeing: su: yi zigi myi: moo zu: kyen: gam nge" myeing ziyo' du da:. Hau: zigi ce: dang: kang: athu.

PHAJHI" DANG: 7:6 교차 참조

COUNG" NGHEI 118:12

Nyangnu" gi byoo: joem yhang: ti" foem: zeung too" nghoid loug we' zubyab nge" joem: lo" yhang: ti" Nyangnu" myab, myab, joem: lo" boem bye:- Aseing da" yoem: so' yo' ngoo gi nyangnu" ri yo" said jhoem" pyam bye:.

COUNG" NGHEI 58:9

Nyangnu" gi hau: khyoo: ri ayo" byam, si shi" uri vufu" ri yhang: ti" nyangnu" ri yham" pyam zi shoug" ziyo' nyangnu" gi dadei nyid shi" uri Mangso nheug no, yo: ziyo' nyangnu" ri hau, sain" pyam boem wa zi nghoid.

DANG: ZHOEM 29:9

Vhu" nug gi su: wigi byugang: yiri yung" shoug nghoid rigi hau: byugang: yi za: nyho: yi pyam, byid: lho: myen, jham" khyoo: yoo" wa zi anghoid.

PHAJHI" DANG: 2:2

Yi zigi koopyoid moo" zoo" nghoid ziri shau" myang yu bye:. Pyo: ja: gi ge khyo: abue" nhang: ein: ziri shau" myang.

AMO 8:10

Ngoo gi nanu" da" pyoo: pui" joem ri shid: pui" bue" byug nhang: lho: nanu" da" jihkoin" thui: joem ri we' koug ngoug thui: joem bue" lo" byug nhang: wa. Ngoo gi nanu" da" vhuloem joem ri vhu" pyoid pyoid pyam nhang: wa wigi jid: moo" byimi ri void ci: nhang: wa zi nghoid. Hougsu" nanu" gi yug gi nu" zooti" zoo: shid: yoomo koug ngoug nyid da" myhi' phoo tang: yhang: ti" bui" loo" nhang: wa. Hau: bidnyid gi lo" thang moo ju" sho' youg: khe" nyid wa zi nghoid.

LUKA 16:25

Nghoidsho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: jamjau kham: kho" da" khyoo: ri we' myid boin: re. Akhid" koem nyang: gi myenjham" ngei pyoo: khyoo: shau" kham: zo: wigi nang koem gi kyi" khyeug shau" nyid bye.

LUKA 6:25

Akhid" uri gyi" gyi: shau" zo: nyid mo, nanu" gi joem: loo" goo" wa. Nanu" da" zooyoid gyid shed da" ayo, ju" loo wa. Akhid" uri gau yi nyid mo, nanu" gi joem: loo" goo" wa. Nanu" gi myid myoo: ungloug: lho: koug ngau nyid da" ayo, ju" loo wa.