PHAJHI" DANG: 7:5 - Lacid Common Language Bible

⁵ Nheig agyeing: bang: wigi nang ri coung" jikhoin" khoin" da" tho' moo phajhi" boo bang: jhau" shid khyo" nheig yo" zigi je ge da:.

PHAJHI" DANG: 7:5 교차 참조

COUNG" NGHEI 141:5

Byugi: yigi ngoo ri shen" yhen lho: nheig khyeug ziyo' ngoo ri jhau' mho' nyid goo" baja" Nghoid loug we' Nyangnu" da" akhyeing" moo" zoo" ri ngoo thougtheung lho: khanham we' akyu" damho, nyid yoomo akhyeing" bang: da" coung" nghei ngi: shab da" khyoo: ri ngoo khanham we' lhoem: kham: yu wa zi anghoid.

COUNG" NGHEI 69:12

Voomoo" fu" moo" khyoo: joem moo- Nyangnu" gi nga" khyoo: gei sang: yen" boem yi yo' yhid: yed bang: gi nga" khyoo: ri lid jhoem" yang" nyid boem.

DANG: ZHOEM 13:13

Nang gi re" da" phajhi" byid: dang: ri to' myhed pyam, nghoid rigi yau: khe" kyi" khyeug khyoo: ri shoug" wa nghoid. Nang hau: jang" moo: cang lo" nghoid ri koem gi nang gau: nyu: nyid wa zi nghoid.

DANG: ZHOEM 13:18

Jhau" mho' byid: ziri anau, kham: yu su: gi asho" ajhen: asho' ashid: zi thoung" shoug" wa nghoid- so, nyheung khyoo" shed dang: ri tam" gyoo: su: koem gi phau" myang: khyoo: ri shoug" kham: yu wa zi nghoid nyid.

DANG: ZHOEM 17:10

Byugang: dayug ze, dashoo: dam, baid zi kham lho: jhau" mho' yu se' tho' moo vhu" nug gi su: gyi koid dang: sang: khoin" yo' yo" jhau" mho' yu nyid.

DANG: ZHOEM 25:12

Goolhoo: za: tam" gyoo: noug su: rigi aja: ja: thoung" shoug" yu" bye: su: wigi phajhi" byid: da" dang: gi ge thang da" sheing: anghoid lang" phau" thang da" lug nyoug yo' koid da- sheing: lo, pain" yo' du nyid.

DANG: ZHOEM 27:6

Bid noem, gi nang ri dam noo nhang: nghoid loug we' ge khyo" damyid byid: nyid. Nghoid loug we' gyivoo dayug wigi re" lo, sain: moo: gab, po: nghoid rigi zed" lhed nyid we'.

DANG: ZHOEM 6:23

Nyang: tang: da" khyoo: shed dang: joem gi bang da" bidbang nghoid- nyang: tang: da" tid nyheung tid feung khyoo: joem gi nang khasu" nyid yab yhe: loo" wa khyoo" ri jhau" byid: nyid.

DANG: ZHOEM 9:8

Phau: khuang nghoid boin: nyid da" byu ri khanham we' so, koid so, nyheung khyoo: akoid. Hougsu" koid yoomo nyang: gi: nang ri anoug angei zi wim loo wa nghoid loug we' phajhi" bo da" byu yiri nang so, koid so, nyheung: nghoid rigi:-nyang: gi nang ri phau" myang: loo wa zi nghoid.

PHAJHI" DANG: 12:11

Phajhi" boo bang: da" jhau" shid dang: joem gi yang joem ri yu" coung: wa shid re" yang zung" su: ci: da" lhamdung: coin: joem yo' du ago". Houg: lho: khyu: zheing" to" da" phajhi' dang: zhoem joem gi teing sho' baid zhug to" da" joto' tin" zei: joem yo' du ago". Houg: joem gi ngoonu" da" dayug kyeing" nghoid da" yang zung" su: Mangso wigi byid: to" zi nghoid da:.

PHAJHI" DANG: 7:4

Ngei pyoo: wa khyoo: ri za: khanham we' myid yu" nyid da" su: gi nheig agyeing: su: nghoid da:. Phajhi" bo da" su: dayug gi shid: khyoo: ri myid yu" nyid da:.

PHAJHI" DANG: 9:17

Koopyoid yi phung: moo vhoebkhang" su: dayug hau da" thui: tho' phajhi" bo yug da" nu" nham' da" dang: ri tam" gyo: wa zigi je ge da:.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.