PHAJHI" DANG: 7:2 - Lacid Common Language Bible

² Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

PHAJHI" DANG: 7:2 교차 참조

COUNG" NGHEI 90:12

Ngoonu" gi ung: yeig phajhi" se' loo wa shid re" ngoonu" da" apyaid khayhi' gyeing" leung" da" khyoo: ngoonu" ri jhau" byid: we'.

PHAJHI" DANG: 2:14

Phajhi" juyhi: boo bang: gi nyangnu" kha khyoo: yhe: lo" nyid ziri se'. Nheig agyeing: bang: gi asi' nghoid ago". Nghoid loug we' dangain" bang: shid re" daja: kyeing" da" vhu" pi: lo, kyo' gi ngoonu" dangain" ri lang" nyid ziri ngoo se' da:.

PHAJHI" DANG: 2:16

Phajhi" juyhi: boo bang: ri hang" we' amyid boin: nheig agyeing: bang: ri we' hang" amyid boin:. Ju" lo wa da" ayo, moo gi ngoonu" dangain" bang: we' coem' to" myhed pyam ri" goo" wa. Phajhi" boo bang: yo' nheig agyeing: bang: ngoonu" dangain" bang: gi dakhyo" kyeing" za: shid: loo" goo" wa.

PHAJHI" DANG: 3:19

Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 3:20

Eig ja: goin" zhoo" phei" nghoid da" dajo, yoo khyoo: kyeing" za: lo" ago". Eig ja: goin" houg: mo re" lo wigi eig ja: goin" houg: khyoo: doem lo" ago".

PHAJHI" DANG: 6:6

Eig khyeing" zain: dei nyid loug we' kangso' gyung: khyoo: moo pyo: zi ashoug" da" su: tho' doug noo khyoo: ri je shoug" yu da:. Lo" thang moo gi nya: eig tang: goin" dajo, yoo khyoo: za loo" wa zi nghoid ago".

PHAJHI" DANG: 9:2

Houg: moo adu go" zi ci: aboo nghoid da:. Deungmain" bang: yo' akhyeing" bang: jhang- gi bang: yo' agi bang: jhang- laloem lakhoug: boo bang: yo' aboo bang: jhang- xoin" ngei" byid: bang: yo' xoin" angei" byid: bang: jhang vhu" pi: lo, khyo' daja: kyeing" ju" loo wa. Byugi dayug gi yooboo yo" su: tho' aje gi. Jham' tang: dang: theing too" yug gi atoo" yug tho' je ge zi anghoid.

PHAJHI" DANG: 9:3

Dangain" bang: jang" moo vhu" pi: lo, kyo' daja: za: ju" re" da:. Houg: lho: he: ziri mougmyid dang moo bue" da" ja: khang" moo" yo' dakhyo" shoid nyid da:. Byu joem dadei nyid nyid gi nyangnu" da" myid gi akhyeing" ashoeb ziyo ko" zi byeung" jo, ago". Houg: lho: nyangnu" gi nyeigdain tung" za: shid: lo" ago".

PHAJHI" DANG: 9:5

Nghoid bye: dei nyid bang: gi nyangnu" shid: wa nghoid ziri se' ago". Nghoid loug we' shid: jo, bang: gi ci asi' nghoid ago". Nyangnu" gi je aphoug" jhungshug ayoo" nghoid ago". Nyangnu" ri bain sho' to" myid pyam ago".

ESAIA 47:7

Nang gi nang khanham we' khokham myhi' bue" jo, wa jho: da:. He: joem ri re" nheigloem: moo akaid too" nghoid da:. Hau: zi dangain" khasu" thang loo" wa ziri we' nheigloem: moo akaid too" nghoid da:.

YEREMIA 16:8

«Byu yi pui" koid nyid da" yhoem: khyoo: avang yhi:. Nyangnu" yo' zooshug wa shid re" ayhe: bo gyo" zhung:.

HAGI 1:5

Nanu" ce" noem thoung" shoug" nyid ziri amyang goo" la".

MALAKHI 2:2

Nanu" nga" da" mungdang: ri tam" gyo: lho: nanu" gi ce" noem koid jang" moo we' ngoo ri phau" myang: nyid ca"- hougsu" anghoid rigi ngoo nanu" ri nheung" wa nghoid. Nga" tarha" ri nanu" goolhoo: acang boem yoomo gyeing" gyeing" nyang: akhid" ngoo nanu" ri nheing" wa bye:.

GYUNG: SOO" 23:10

Israela byumyu" yi da" akung: ako' yigi zhoophei" yo' dayhang: ti" nghoid nyid da:. Nyangnu" gi atho' nghab loo: sho' gye" myo: nyid da:. Nga" bidnyid joem ri Mangso da" byu dayug khyo" thang nhang: la. Deungmain" da" byu dayug yo' dayhang: ti" myenjham" tung" ngoo ri shid: nhang: la» ga: lapi: pe: da:.

MATHE 5:4

«Koug shu: shau" mo, gi ngilho' boem wa Khasu" wim gari Mangsoo nyanu" nyang: ri nheig teing byid: zi shau" boem wa.

TARHA" TID POIN" 32:29

Nyangnu" gi ciwim gyi soem" ziri ase' myang goo" nghoid da:. Nyangnu" cibue" lo ziri we' asi' goo" nghoid da:.

TARHA" TID POIN" 32:46

Nyang: gi ‹Akhid" nyid" nanu" ri ngoo byid: da" he: amyeing" dang: dangain" ri nanu" goolhoo: yo" tam" gyo: cang yhi: wa khyo" koid ge'. Nanu" da" zooshang: yi Mangso da" jhau" shid dang: joem dangain" ri jhug zug tung" yo" tam" gyoo: cang yhi: wa shid re" nyangnu" ri doem phoug tid kyoo" ge'.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.