PHAJHI" DANG: 7:16 - Lacid Common Language Bible

¹⁶ Houg: yoomo gi we' athei" gi phajhi" we' athei" bo- ciwim nang nya: gung ri said pyam wa la".

PHAJHI" DANG: 7:16 교차 참조

APOEM AYANG: 3:6

Myiyi: myhi' gi shigam ri gye" yung" nhung:- nya: ashi" we' gye" zoo: ngham" wa myang ga: yu" thu lho: nyang: gi phajhi" boo su: to' bue" lo nghoid rigi khayhi' gyeing" gi wa lha" ga: myid. Houg: yoomo myiyi: myhi' gi shi" ri phyo' zoo: bye:. Hau: thang: nya: yhoem: seing: phoo ri byid: wigi yhoem: seing: phoo we' hau: shi" ri zoo: bye:.

YOBA 11:12

Loo zei: lam" joem ri mi" sho' yo" khu: loo lang" she Nheig agyeing: bang: phajhi" bo shid" re" da:.

YOBA 28:28

Mangsoo gi ngoonu" xangsu: byu yiri «Nanu" phajhi" boo wa shid re" Aseing ri gyoug phoug" ca" da:. Lasi phajhi" yoo" sho' akhyeing" ashoeb jang" mo nanu" lheing: loo ca" da» ga: tid.

DANG: ZHOEM 23:4

Nang yo" loo de, loo wa shid re" re"' da" yoem: gyoug: sho' akoid nyid. Phajhi" juyhi: ri ci: yhoung: nyid we'.

DANG: ZHOEM 25:16

Byoo: yhid: ri ca" da" tho' moo: lid sho' ashug- soung shoug rigi dug nhang: se' nyid.

PHAJHI" DANG: 12:12

Nga" zoo: we" hau: tho' mo zung" yu" wa khyoo: gootu: daloem: jo, ashi'. Mougsoug" pug joem gi lhid" thang ga: zi ajo,. Houg: lho sung jhau" zhang: yu yoomo nang ri myung: nhang: loo wa.

MATHE 23:29

«Akug void da" tarha" sara: yi yo" pharishe yi we"- nanu" gi joem: lo" abye: go. Nanu" gi lapi: yi da" loeb' ri koid: lho: deung byeung" mo da" loeb' ri we' shoung: yhung byid: boem da zigi nanu" shid re khayhi' gyoug phoo" nghoid.

MATHE 23:38

Yu" we' re" noku yhoem: moo" gi akoem: she: pyam too" wam: bye.

MATHE 23:5

Nyangnu" koid: da" moozoo" dangain" gi mung" byu shid khoin" moo za: te: koid: shug boem. Nyang: nya: da" ngeilang: yo" lo, pu, moo tab ci: da" jhoem: dang: dab, du da" shooyid yho' ri je gyi: sho' koid: lho: void ci: boem ago". Byi: sheing: bain: byug thang: we' sheing" sheing: coeb' void to" ago".

MATHE 9:14

Houg: lang" Baptisma sara: Yohan da" cangzoo: yi gi Aseing jang" moo ju" re" boem lho: «ngoonu" yo' Pharishe yi zoo: noem doem zeung: zeung: dakoid nyid ziri re" cangzoo: yi gi ciwim zoo: noem azeung: go" la"» ga: re" myed.

LUKA 18:12

Ngoo gi labain daloem: khoug: moo-zoo: noem eig lheing: nyang: zeung: akyu" mho'- Hau: lho: yo" da" ziyoo daxi: boem mo daboem we ngoo nang ri byed.

Roma 10:2

Nyanu" gi Mangsoo: ri gye loem" jeing" loem" jeung" mo nghoid zi ri ngoo sag si yo" kham: loug we' - nyanu" da loem" jeung" da" akhyoo" ri shoid' vhang: nyid boem.

Roma 11:25

Mang: nhung" yi we" - nanu" gi nyang: nya: da" gungdu: ri gye se' nheig bo ein: amyid wa shid' re" ngoo gi Mangsoo: zau" yhoem" to" da" no thang da" khyoo: yi ri nanu" ri tid khoo" nau. Hau: zau" yhoem" to" da no thang da" khyoo: gi Hidsu" nghoid. Yuda byumyu" yi gi khanham we' u" loem' thain: nyid wa zi anghoid. Khyoid' yu khyoo: ri shau" wa da: nghizain' byumyu" yi bainsho' Mangso: byu yi bue" lo da" yo ju" sho' za nghoid.

Roma 12:3

Nanu' gi nyang: nyang: te: nghoid da tho' mo jain" lho: nghoid aboin: goo" wa shid' re" - ngoori Mangsoo: byid da" Venyi jhe" ju" jhung: shug ri yu" lho: - nanu" dangain" mo jhang khyoo: ngoo tid pyeing: kyo" kaid'. - Nanu" yug khang" moo" gi nyang: nya: gung doem: ri phung yau shang apyang: wa khyo" myid yu" nyid boem ge'.

1Korinthians 3:18

Hang" nghoid loug we'- nyang: gung nyang: ri amhau, nyid goo- nanu" mo byu dayug yug gi he: moug: myid da" zhang khyo" soin: lho: nyang: nya: gung ri phajhi" boo su: nghoid ga- si' boin" nyid nghoid rigi- gyeing" nyang: phajhi" boo su: bui" wa shid re" akoo" apyoid da" byu bui" ca" nyid.

1Korinthians 3:20

Hau: lho: gootu: da" jhoem: mungdang: moo: we' phajhi" boo bang: myid da" khyoo: gi ce" aphoug" adab, da" khyoo: ri- Hau Aseing gi se' nyid ga: wigi: lhid" to".

PHILIPI 3:6

Myid' loin" yoem: kaid' khyoo: ri da tid shang ga: rigi ngoo gi phung ri shen" yhen loo su: nghoid- tarha" cang byeung" shoid, khyo" deing byeung" khyoo: ri tid shang ein: rigi ngoo moo ce" yooboo we' adab-

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

KOLOSE 2:23

Houg: yo' dakhyoo" ti"- moug: lagyoo: yi ri agyoo: ayoid noku nhang: da" khyoo: we' nyang: nya: gung ri shoid vhang: khyo" khyo, nyhoem: khyoo: moo we' hau: da" taha" joem gi phajhi" bo yhang: ti" du nyid nghoid loug we' gung shoo" vho: da" nyam, nheigloem: ri vhoeb khang" khyoo: mooce" akyu" we' aboo nghoid da.

1 TIMOTHI 4:3

Houg: yhang: te" da" byu yi gi loxo' myi: pheing" fang da" khyoo: joem ri jhed' xeung toem to" lho: zoo: noem, dayham" ri jang" pyam' wa shid re" jhoug" byid: lo ago". Nghoid loug we' loem jeing" bang: yo' hau: deingmain" da" khyoo: ri se' yeug mo, gi jeju" coung" nghei da" akyu" mho' lho: yo" zoo: wa shid re" Mangsoo gi hau: zoo: noem, ri phain" too" bye.

Pang Shug 18:19

Nyang: nu" gi nyangnu" nya: vhuloem moo phei" lhoug: joem ri geug shoin" ci: lho: " Vha"- vha"- Panglai gu: da" sang phoo zeing mo sathi" yi ri yoo" nhang: di nhang: lo da" voomoo" zeing gi dana: yi: da" akhoug: moo za: joem: loo" thang loo" bye: nhung: lha"» ga: koug ngau nyid boem.