PHAJHI" DANG: 7:15 - Lacid Common Language Bible

¹⁵ Nga" kangso' gyung: khyoo: gi akoem: nghoid lid: lo bye:. Nghoid loug we' ja: khang" moo" ri ngoo shau" myang bye:. Byu dayug gi akhyeing" ashoeb sho' nghoid loug we' xo' dei nyid da" uri byu gi dayug gi ge shid: lo" da:.

PHAJHI" DANG: 7:15 교차 참조

APOEM AYANG: 47:9

Yaku gi «Nga" da" kangso' gyung: khyoo: gi zain loem dasho: soem" xi: zain nghoid bye:. Hau: zain void gi aleing" kyeing" za: nghoid wigi ayoug: akhid" za: danghoid. Apyaid sheing: da" nga" phoug" phyid" yi da" apyaid rigi tho' oung: myhi: wa anghoid» ga: tid kyo".

1 KHOKHAM 21:13

Jau join" su: eig yug we' shava byu yi shidkhoin" moo: nyang: ri Mangsoo yo' khokham phoo ri yooboo foin: dang: tid khyo" wigi yooboo foin: lho: nyang: ri voomoo" mo shu" thu lo" ziyo' lug boem yo' du" said bye:.

COUNG" NGHEI 10:3

Akhyeing" su: gi: nya: da" akhyeung" moo" zoo" mo phau: khuang nyid. Myo, no, vhoo: boo su: gi Aseing ri nheung" lho: she: pyam, nyid.

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

PHAJHI" DANG: 2:23

Nang dadei nyid nyid moo nang koid zi ja: khang" moo" gi seing" kho" ziyo' nheigloem: no zi za: bue" nhang: da:. Ci: daja: we ayo" yu loo"- Myen" moug: coid yo, rilang" re" myid nheigloem: gi doug: ayo" noo: nghoid da:. Dangain" zi akoem: danghoid.

PHAJHI" DANG: 3:16

Hau: tho' agoo"- he: mougmyid dang moo tarha" ziyo' jo zi shau" myang wa da" khoo: moo akhyeing" ashoeb da" khyoo: shau" myang ziri ngoo xoem" ci:.

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

PHAJHI" DANG: 9:9

He: mougmyid dang moo Mangso wigi nang ri byid: to" da" Kangso' gyung: khyoo: akoem: moo nang jheddab da" myiyi: myhi' yo' pyoo: pyoo: nyid we'. Hougmoo ce: akyu" abo da" akoem: bidnyid khang" moo" ri pyoo: pyoo: nyid we'. Ciwim gari hau: gu: gi re" yau: khe" kyi" khyeug dangain" da" gang mo nang yo" yu wa gu: dangain" nghoid abye:.

ESAIA 65:20

Zoonu" yigi nu" ngha' uri ashid: loo wa. Byu dangain" bang: gi nyangnu" da" kangso' byeung" sho' yo" nyid loo goo" wa. Dashoo: zain boo bang: ri apyaid ngi shi" ga: jho: loo goo" wa. Apyaid aju" shi" ri shid: zigi ngo wigi nyangnu" ri yooboo dam byid: da" asoo" nghoid loo wa.

YOHAN 16:2

Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.