PHAJHI" DANG: 6:11 - Lacid Common Language Bible

¹¹ Nanu" je myang" sho' ngeig go" ri hau: zigi je akoem danghoid da:. Houg: lho: nang gi ci: aje gi.

PHAJHI" DANG: 6:11 교차 참조

COUNG" NGHEI 73:6

Hougsu" nghoid yoomo nyangnu" gi hau khuang khyoo: rigi yi: yhang: ti" athoug" akhyoug: koid khyoo: rigi adang byisheing: yhang: ti" void ci: boem ago".

PHAJHI" DANG: 2:15

Ngoonya: gung ngoo nyang: myid yu" «Nheig agyeing: mo, phu" zo: ziri ngoo we' phu" zo: da:. Houg ri ngoo houg phajhi" mo ce: akyu" shoug" yu la"» «Ciwe' ayo" yu» ein: ngoo tu".

PHAJHI" DANG: 3:19

Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 4:16

Khokham dayug wigi vhoeb da" byu gi thang ga: zi ajo, ri ajo, wa. Nyang: anyid lo thang: ri nyang: koid kho' da" ziri hang" wigi we jeju" boin: goo" wa zi anghoid. Hau: zigi akoem: nghoid da:. Hau zigi lid ri cang khaid ziyo' du da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 5:7

Nang khanhoo' yhoebmo, myang nghoid loug we' moo" koem: khanhoo' zei: nghoid loug we' khanhoo' dang: tid nghoid loug we' nang gi Mangsoo ri gyoug phoug" zoo" ri nyid yhi: ca" shi" wa.

PHAJHI" DANG: 6:10

Bue" lo bye: da" ja: khang" moo" gi goonham' goo" co' mo soin: phyed too" gu: nghoid bye:. Houg: lho: byu dayug gi nya: tho' yoem: boo yug yo' ayo" ngeig ziri ngoonu" dangain" se' da:.

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.