PHAJHI" DANG: 5:9 - Lacid Common Language Bible

⁹ Khokham lang" gugzoo shivoo: yham" yo, ri nghe: nyid da:.

PHAJHI" DANG: 5:9 교차 참조

COUNG" NGHEI 115:16

Mougkhung: mougdi ri Aseing za: te: seung: ci: nghoid loug we' mougmyid yoosoo" ri koem gi xangsu: byu yiri ab byid: bye:.

DANG: ZHOEM 13:23

Shivoo: asho" da" myidjang gi sho" jhen: mo, shid re" zoo: noem, myoo" sho' yo" zei: loo nhang:. Nghoid loug we' adeing amain" da" byu yi koem gi hau: yoothung" ri ayo" zei: loo: sho' toem, pyam, byid.

DANG: ZHOEM 28:19

Moo" zoo" zei: khang yoem: kaid nyid da" yoo koid su: gi zoo: noem myoo" sho' yo" loo wa zi nghoid- ayo, akhyeing: ri agoin: to" lai pyam nyid mo, gi khanham we' myoung sho" loo" goo" wa nghoid.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 5:10

Nang gi ngei ri jheddab nyid nghoid rigi khanham we' nheig yo" deig wa zi anghoid. Nang gi yoo" zoo: yoo" shug yhoo: ga: myid nghoid rigi nang vho: gu dangain" ri khanham we' yo" yu wa zi anghoid. Houg: zigi akoem: nghoid da:.

PHAJHI" DANG: 5:8

Asuya wigi myung shoo" mo, ri doin: zeig lho: nyangnu" shid re" tarha" deing byeung" ziyo' nyangnu" yoo" eung: da" akho: akhang" ri abyid: ziri shau" myang ri ayu" moug". Gyizoug: khang" moo" ri nya: dang mo su: wigi goem loem byid: lho: nya: eig yug goin" ri je gyi: da" zoug: wigi goem loem byid: to" ago".

PHAJHI" DANG: 6:7

Byu dayug gi zoo: wa shug wa toeb za: yoo" wa shid re" moo" zei: nghoid loug we' khanham we' tham: zo: ga: zi ajo,.