PHAJHI" DANG: 5:8 - Lacid Common Language Bible

⁸ Asuya wigi myung shoo" mo, ri doin: zeig lho: nyangnu" shid re" tarha" deing byeung" ziyo' nyangnu" yoo" eung: da" akho: akhang" ri abyid: ziri shau" myang ri ayu" moug". Gyizoug: khang" moo" ri nya: dang mo su: wigi goem loem byid: lho: nya: eig yug goin" ri je gyi: da" zoug: wigi goem loem byid: to" ago".

PHAJHI" DANG: 5:8 교차 참조

2 KHOKHAM MHOOMYID: 26:10

Nyang: gi dain" pa: moo we' gyidab pyuzung joem koid wigi gyid teing thoem" myoo: sho' we' du: to" da:. Ciwim gari nyang: gi bidvang shoid boem khyid: moo yo' dain" pa: joem moo gougnyhoug phung: myo: sho' yoo" yoomo nghoid da:. Nyang: gi yoo koid ziri myid boo su: nghoid yoomo boem moug: cang zabyid khyam: koid goo" wa yo' myidxu: ge da" mougmyid moo yoo koid zoo: goo" wa shid re" mung" byu yiri yoem: byid: da:.

YOBA 24:23

Mangsoo gi nyang: ri goem loem tung" nyid nhang: nghoid loug we' Nyang: ri ayo, byeung" sho' zung" yu" nyid da:.

COUNG" NGHEI 12:5

Aseing gi «Nghoid loug we' akhid" ngoo re" loo wa. Khasu" wim ga: ri ca" yo' sho" jhen: mo, doin: zeug zi shoug" ziyo shen" yhen zi shoug" nyid yoomo nookyeing" kyeung" nyid boem. Nyangnu" vho: nyid da" lhoug zung" shoem" goem khyoo: ri ngoo byid: wa» ga: tid nyid.

COUNG" NGHEI 55:9

Aseing we"- nga" gyivoo joem tid nyid da" dang: ri lhu: lheug pyam byid: we'. Voomoo" khoug: moo: athoug" akhyoug: anhung akhoid khyoo: ri ngoo myang.

COUNG" NGHEI 82:1

Mangsoo gi mougkhung: tho' mo phung: kongsi ri shu" vhu" nyid wigi Mangso yi da" zoebphung: moo nyang: dang: phyed khyoo: ri tid kyo" nyid.

COUNG" NGHEI 83:18

Nang za: Aseing danghoid nyid da" khyoo: yo' mougmyid gyab goin" jang" moo myhang: thang su: nghoid nyid khyoo: ri nyangnu" se' yu loo" goo" baja" o".

COUNG" NGHEI 95:3

Khasu" wim gari Aseing gi gyi: thang Mangsoo nghoid lho: yu phara" yi dangain" tho' mo gyi myhang: thang da" khokham zeing nghoid.

DANG: ZHOEM 22:16

Nang yo" loo de, loo wa shid re" yoo" mo, ri jhungshug byid- myoug shoo" mo, ri doin: zeig zo: khyo" koid nghoid rigi nanyang: myoung shoo" su: bue" loo wa zi nghoid.

DANG: ZHOEM 24:12

Nang yo' ci: asen: ga: tid nyid nghoid loug we' Re" da" emyed khoug: moo: myid nyid da" khyoo: ri Aseing nyang: si' byid: nyid lho: dang: phyed byid: nyid. Nyang: gi nang ri yu" nyid lho: se' nyid. Hau: lho: nang koid da" moo" moo: cang wigi phoug" tab, jhungshug ri byid: loo wa zi nghoid.

DANG: ZHOEM 8:17

Ngoo ri jheddab bang: ri ngoo jheddab nyid ngoo ri shoo: bang: hang" we' ngoo ri shoug" sho: myang ago".

PHAJHI" DANG: 3:16

Hau: tho' agoo"- he: mougmyid dang moo tarha" ziyo' jo zi shau" myang wa da" khoo: moo akhyeing" ashoeb da" khyoo: shau" myang ziri ngoo xoem" ci:.

PHAJHI" DANG: 4:1

Houg: lho: ngoo gi he: mougmyid tho' moo xo' lho: bue" nyid da" tarha" adain: ziri myang bye:. Doin: zeig zoo: shoug" bang: gi nyho: ngau nyid ago". Nghoid loug we' nyangnu" ri hang" anau pang" nghoid ago". Ciwim gari nyangnu" ri doin zeig zoo: mo, gi yoem: so' yoo" bang: nghoid ago".

PHAJHI" DANG: 5:9

Khokham lang" gugzoo shivoo: yham" yo, ri nghe: nyid da:.

PHAJHI" DANG: 7:7

Phajhi' boo su: dayug gi byu dayug yug ri mhoug wa uri nyang: gi koopyoid yhang: ti" koid ci: da:. Nang khougvhoid ri yu nghoid rigi re" da avoid lo, moo" ri byo, yoin" loo" nhang: wa.

PHAJHI" DANG: 8:9

Mougmyid tho' moo koid nyid da" khyoo: joem ri ngoo myid yu" uri hau: gu: dangain" ri ngoo shau" myang. Mougmyid tho' mo byu dayham" gi yoem: so' yo" wigi dayham" gi nyangnu" da" vhoo moo kyi" khyeug yo' kham zo: nyid da:.

ESAIA 10:12

Nghoid loug we' Aseing gi «Ziun boem dang moo yo' Yerusalem moo ngoo koid ziri bain koid lang" Asuri khosen ri nyang: phau: da" khyoo: dangain" yo' nyang: nghoid boin: zi dangain" shid re" ngoo yooboo dam byid: wa» ga: tid da:.

ESAIA 3:15

Nanu" gi nga" byu yiri doin: khyoeb pyam wa yo' sho" jhen: bang: ri jhoeb zoo: wa akhang" ayo" nghoid ago". Yoem: moo" bo myhang: thang Aseing ngoo tid too" bye:» ga: yooboo zhug da:.

ESAIA 37:36

Aseing da" moug: lagyoo: dayug Asuri dab khyoo: gyoo" re" wigi gyizoo: 185,000 yug ri said pyam da:. Hau: thang: nyid" moug: boo" zoo" ri houg moo dangain" bang: shid: jo, ago".

ESAIA 5:7

Israela gi myhang: thang Aseing da" zabyid khyam: nghoid da:. Yuda byu yigi nyang: sho" to" da" zabyid nei nghoid da:. Nyangnu" ge da moo" zei: wa ziri nyang: myid lang" da:. Nghoid loug we' hau: gungthid nyangnu" gi byu said moo" koid ago". Nyangnu" jo zi koid wa ziri nyang: myid lang" da:. Nghoid loug we' nyangnu" dam kham zoo: bang: gi tarha" deing byeung" ziri mho'’ yoid nyid ago".

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

EZEKIEL 18:18

Da shoid khyo" doem yu" ri nya: phoo gi mhoug zo: wigi lhoid zo: phyo' zo: da:. Houg: lho: yugkhang" moo" ri akhyeing" moo" koid da:. Nyang: gi nyang: nyang: koid shoid lid: lo da" yooboo joem gang mo shid: lo" da:.

AMO 5:12

Nanu" da" yooboo gi khayhi' gyoug cang bo nyid ziyo' nanu" koid shoid da" youg: moo" khamyoo' myo: jo, ziri ngoo se' nyid. Nanu" gi byugi yiri shen" yhen lho: khougvhoid jhungshug ri yu zo: ziyo' tarha" yung" moo nyangnu" yo" yu eung: da" tarha" deing byeung" khyoo: ri ayo" yu wa khyo" koid nyid ago".

AMO 6:12

Lug moo" boem tho' moo myang: joem gi yo" peug byam yen" wa la". Byu yigi panglai: gyid thoem" ri nujung loo: joem yo' yoothung" su" yo" phug wa la". Nghoid loug we' nanu" gi nyeung veung" tarha" ri myino, bui" nhang: pyam lho: jo, khyoo: rigi shoid khyoo: bui" nhang: pyam boem ago".

MIKHA 2:9

Nanu" gi nga" byumyu" myiyi: yiri nyangnu" nheig tei" da" yhoem: khoug: mo khaid thu pyam lho: Nga" mainkaid jeju" ein: da" nyangnu" zoo: yiri apyaid atoo: shid re" lhoid yu pyam abye: go".

ZEKHARIA 8:6

Deing nyid shi" da" mung" byu yigi «Hidsu" gi ayo" bui" loo: ga: myid nyid boem nghoid loug we' ngoo ayo" zei: bui" wa khyoo: ci: we' aboo.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

LUKA 1:32

Hau: zooshang: gi gyi: sheung: loo wa Myhang: thang da" Mangso nya: zoo: ga: myheing shau" myheing wa. Aseing: Mangsoo gi Nya: phoo David da" khokham" khoo" nyang: ri byid: wa zi nghoid.

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

LUKA 1:76

O"- Nga" zoo: we"- myhang: thang Mangso da" lapi: ga: myheing boem wa. Nang gi Mangso da" khyoo: ri jen" jen" soin to" lho: gam shid" shi: su: nghoid wigi

ACTS 12:23

Herod khokham" gi Mangso myonhoo: ri atu: to' byid: yoomo houg: jang: nyang: Aseung: da" moug: lagyoo: gi nyang: ri yoobo dam kaid' byid: wigi zain' joem wigi zo: said' pyam.

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

1PETERU 4:12

Ngoo jheddab da" byen, cang" yi we"- gye" no, khyo" ca: yu" da" noo shau" nyid uri khanham we' abue" yu" shi" da" gooki" lid' zi daja: bue" loo bye: ein: amau" nyid goo.

1YOHAN 3:13

Houg: su" nghoid yoomo mang nhung" yi we"- moug: myid byu yi gi nanu" ri anoug angei koid lo khyoo: ri amhoug" goo".