PHAJHI" DANG: 5:18 - Lacid Common Language Bible

¹⁸ He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

PHAJHI" DANG: 5:18 교차 참조

COUNG" NGHEI 42:8

Aseing gi nyid" ayo, moo nya: da" geung: teung jhed khyeing: kang: khyeing: ri toin" shed nyid baja". Houg: yoomo myen" ayo, moo ngoo gi jikhoin" yo' coung" nghei nyid wigi nga" kang so, Aseing Mangsoo ri akyu" mho' baja".

PHAJHI" DANG: 11:9

Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

PHAJHI" DANG: 2:10

Ngoo vho: zi ci: nghoid loug shau" yu bye:. Ngoo gi pyo: ja: daja: ri we' alid: pyam. Ngoo zei: lo da" moo" zoo" ja: khang" mo" da" gang mo ngoo nghoid boin nyid houg: lho: he: gu dangain" gi nga" da" aphoug" jhungshug nghoid.

PHAJHI" DANG: 2:24

Byu dayug shid re" ge thang zigi nyang: nya: vhoo" kung: phoug" shau" yu to" ziri zo: lho: shug lho: ngei pyoo: tung" nyid zi nghoid da:. Nghoid loug we' hau: ziri lang" Mangsoo mo nghoid ziri ngoo myid boin: da:.

PHAJHI" DANG: 2:3

Ngoo gi phajhi" ri shau" yu wa myid vho: ziyo' zabyid yhid: shug lho: ngoo nya: gung ri pyoo: sho' nyid yu" wa ein: myid phyed bye:. He: zigi mougmyid tho' moo re" nyid da" ayo, moo ge thang khyoo: nghoid nyid bye: ein: ngoo shau" myid.

PHAJHI" DANG: 3:22

Houg: yoomo ngoo gi ngoonu" moo" zei: da" gang mo yo" yu ziri pyoo: pyoo: yo" ci: yhung: lho: nyid zigi ge thang moo" zoo" nghoid ziri shau" myid boin:. Houg mo jain" lho: ngoonu" yo" koid zi ci: ajo,. Ngoonu" shid byug thang: ri ci: bui" loo wa ziri ngoonu" yo" si' wa khyoo: ajo, nghoid wa.

PHAJHI" DANG: 6:2

Mangsoo gi byu dayug yug ri jonu" - ngi: shab khyoo:- ziyoo jonu" ri byid: da:. Nghoid bye:- nyang: vho: zi dangain" byid: da:. Nghoid loug we hau: ziri pyoo: pyoo: akyu" kham zoo: wa akhang" abyid: nghoid da:. Being" voo dayug gi gungthid khyo" hau: ziri pyoo: pyoo: kham zo: loo wa. Hau zigi akoem: nghoid da:. Hau: zigi ajo zi nghoid da:.

PHAJHI" DANG: 8:15

Houg: yoomo ngoo gi byu dayug gi nyang: nya: gung ri pyoo: sho' nyid ca" da:. Ciwim ga: ri he kangso' gyung: khyoo: moo nyang: shoug" yu da" pyo: ja: ein: wa zigi zo: shug lho: nyang: nya: gung ri pyoo: pyoo: nyid zi za: nghoid da ein: goolhoo: za: shau" myid loem bye:. Nyang: ri Mangso wigi he: mougmyid dang moo byid: to" da" kangso' gyung: khyoo: gu moo moo" zei: myung: nyid uri neing: thang he: ziri yo" koid wa nghoid da:.

PHAJHI" DANG: 9:7

Shidkhyoo: xo' yhe: we' re" zoo: noem ri zo: lho: ngei pyo: nyid we' re" zabyid yhid: ri shug lho: pyo: nyid we' Hau: zi dangain" gi Mangsoo yo' nghoid da:.

YEREMIA 52:34

Nyang: Kangso' dei nyid gu: moo nyid" khang" nyid" moo yoo" ca" da" pang" thoug khyoo: ri main: main: shau" yu da:.

1Korinthians 16:16

Hid: yhang: te" da' byu yi yo' nyangnu" yo' dage" pang" thoug doo" zhoo" doo" jhoug nyid bang: da" khyoo: shu" lo" jang" moo- bo cang yhi: ge" ein: ngoo nanu" ri mho' sang: kaid.

TARHA" TID POIN" 12:18

Nanu" yo' nanu" nya: zoo: yi nanu" dei zoo: yi yo' nanu" voogung joem moo nyid boem da" Levi byu yigi dage" za: nanu" Mangso wigi khyen: to" da" noku joyoo nanu" Aseing Mangso da" shidkhoin" moo za: hau: xoin" joem ri zoo: wa nghoid ago". Nanu" gi hau: joyoo moo nanu" koid bye: da" lo, moo" ja: khang" moo" adang moo ngei bu: goo" wa zi nghoid.

TARHA" TID POIN" 12:7

Houg: moo nanu" ri mainkaid byid: su: nghoid da" nanu" Aseing Mangso shidkhoin" moo nanu" yo' nanu" yhoem: byu yigi zo: wigi nanu" koid bye: da" ge moo" zoo" joem shid re" ngei bu boem goo" wa.

TARHA" TID POIN" 26:11

Nang yo' re" ikoin deungkhu: ri re" Aseing Mangsoo wigi byid: da" jeju" ri boin: so" wigi nanu" da" phung: moo nyid da" Levi byu yi yo' tungbau yi yo' dage" pui" koid nyid ge'.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.