PHAJHI" DANG: 5:13 - Lacid Common Language Bible

¹³ He: mougmyid moo ngoo shau" myang: da" gyoug dain pho" zi daja: gi hidsu" nghoid da:. Byu yigi ngei ri nyangnu" yhung: ca" wa ayo, shid re" yung: to" ago".

PHAJHI" DANG: 5:13 교차 참조

APOEM AYANG: 14:16

soem" loo" khare" da" jonu" dangain" ri doem yo" yu bye:. Nyang: gi nya: zoonhung" Lod yo' nya: jonu" dangain" yo' dage" myiyi: joem thung: byu joem ri we' doem yhe: shu" tau" loo bye:.

APOEM AYANG: 19:14

Houg: lang" Lod gi nya: zoo: tang: ri yu wa zoo mo, tang: jhang yhe: lho: «Myab too' ge' hid: mo thu loo" loo shang. He: joyoo ri Aseing gi phyo' shoin' pyam wa bye:» ga: yhe: tid. Nghoid loug we' nyangnu" gi Lod ri zoozi" re" ze" nyid ga: jho: boem.

APOEM AYANG: 19:26

Nghoid loug we' Lod da" yhoem: seing: myhi' gi lheing: yu" kaid wigi xoo" zeing bui" khari" bye:.

YOBA 20:20

Nyangnu" mhain: zigi khanham we' nheig atho' deug nghoid da:.

DANG: ZHOEM 1:19

Lhoid zoo: lhoid shoug da" moo" zoo" gi:-lhoid zoo: lhoid shug mo da" kangso' khyoo: ri tid fu" byid: nyid. Athoug" akhyoug: khyo" dei nyid mo, da" shidkhoin" moo: bue" nyid da" moo" nghoid.

DANG: ZHOEM 1:32

Ci" we' athoung" shoug" yu" shi" da" byu yigi phajhi" juyhi: ri phyen: pyam, nyid yoomo shid: lo" boem wa nheig agyeung: da" byu yigi nyangnu" da" adu: adam: koid khyoo: moo byo, yoin" loo" goo" wa nghoid.

DANG: ZHOEM 11:4

Re" da" jonu" gi yooboo dang: phyed da" bidnyid moo: nang ri ce" akyu" we' yo" byid: wa zi anghoid- nghoid loug we' deingmain" da" khyoo: koem gi shid: lo" khyoo: mo yo" khyoid yu nyid.

DANG: ZHOEM 23:4

Nang yo" loo de, loo wa shid re" re"' da" yoem: gyoug: sho' akoid nyid. Phajhi" juyhi: ri ci: yhoung: nyid we'.

DANG: ZHOEM 27:24

Khasu" gari:- jonu" ga: zigi khanham we' ageung: teung jo, nghoid da:. Mungdain: joem lang" gi apyaid atoo: moo: ju" sho' ageung: teung jo, nghoid da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 5:14

Hau: thang: age da" phaga: ga: jang" moo dangain" soem" pyam wigi nyangnu" da" zooshang: yiri byid: too" khoo' wa ci: we adeing loo goo" nghoid da:.

PHAJHI" DANG: 8:9

Mougmyid tho' moo koid nyid da" khyoo: joem ri ngoo myid yu" uri hau: gu: dangain" ri ngoo shau" myang. Mougmyid tho' mo byu dayham" gi yoem: so' yo" wigi dayham" gi nyangnu" da" vhoo moo kyi" khyeug yo' kham zo: nyid da:.

ESAIA 2:20

Hau: bidnyid ju" loo lang" nyangnu" koid ci: da" ngei yo' sheing: yu phara" soolhoo: joem ri nyangnu" she: pyam pyam wa. Hau: joem ri gyu, shoug" yo' pho shid joem jang" khyo: she: pyam pyam wa.

ZEPHANI 1:18

Aseing gi nya: da" nheig joem: yo: lo bidnyid moo gi nyangnu" yo" da" ngei sheing: we' nyangnu" ri yo" khyoid yu wa zi anghoid. Aseing nheig yo: myi: yo' moug: gyab goin" ziri nghe' pyo' sain" pyam wa zi nghoid. Nyang: gi mougmyid tho' moo nyid mo, yugkhang" moo" ri dalheing: dam nyeigdain tung" myab za: doem: thang loo" nhang: wa zi nghoid.

LUKA 16:19

Goonham, dalheing: ri nyang: gi nyid" khang" moo" phoug" dab thang da" mi, byi: ri void ci: lho: nyid di nyid ge nyid.

LUKA 19:8

Zake gi yab jo, lho: Aseing: ri «tam" gyoo: we' sara: we"- nga" da" soidgain dago" yi" gi shojhen mo, ri gam byid: pyam wam: bye: ngoo gi gyeing" nyang:- byu dayug yug jang" mo atarha" khyo" mhau' mho' yu ci: da" ngei bo lang" rigi hau: ngei tho' mo myid: boem doem lung: byid: wa» ga tid.