PHAJHI" DANG: 5:1 - Lacid Common Language Bible

¹ Noku Yhoem: Moo" khyoo: yhe: da" ziri lhid' we'. Houg: khyo: xoin" ngei" byid: wa shid re" shoid ziyo' jo ziri ase' kho' da nheig agyeing: mo yhe: yhang: ti" yhe: tho' jhau" yu wa shid re" yhe: zigi je ge da:.

PHAJHI" DANG: 5:1 교차 참조

2 KHOKHAM MHOOMYID: 26:16

Nghoid loug we' khokham Uzia gi yoem: bo ri" lang" nyang: gi nheigloem: gyi: lo wigi hau: zigi nyang: ri gyoeb gyo" loo" nhang: da:. Nyang: gi nya: da" Aseing Mangsoo ri shoem: nam pyo: ja: xu: ri nghe' ngei" wa Noku Yhoem: Moo" khyoo: yhe: khyo" wigi ayung" alho' koid pyam da:.

YOBA 22:12

Mangsoo gi myhang: thang mougkhung: moo nyid wigi Kyi joem we' myhang: da" joyoo moo jo, boem loug we' nyang: wigi adang" khyo" yu" khyo' kaid anghoid rhe"

COUNG" NGHEI 89:7

Nang gi gyeung" shang: mo, da" phung: moo gyoug phau" zi shoug" kham yu nyid. Nyangnu" dangain" mo, gi nang ri mau" yab jo.

THU' LO" MOUGSOUG" 3:5

Mangsoo gi «Hid khyoo: tab tab ari"- Re" khyid: baid khyoid we'. Ciwim ga: ri nang gyeung" shang: joyoo moo yab jo,.

THU' LO" MOUGSOUG" 30:18

«Gyid: mid" jarung: ri gyid: mid" tang yo' dage" koid we'. Hougmoo: gyid kaid wigi zoem" yo' phoin: agyoo: moo too" we'.

DANG: ZHOEM 10:19

Nang dang: je, myo: tid nyid lang" yooboo je myo: lo. Nang phajhi" boo su: nghoid rigi:-sam' zoo: nyid nyid wa zi nghoid.

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 21:27

Akhyeing" ashoeb, mo, xoin" ngei" byid: ziri Aseing ngheung" nyid. Nyangnu" da" nheigloem: moo: age ziri myid lho: ngei" byid: xoin" ri je" ngheung" nyid.

ESAIA 66:3

«Byu yi nyangnu" vho: ngei khyo" koid ago". Nyangnu" gi xoin" khyo" nu: loo: said loug we' xangsu: byu ri xoin" khyo" ngei" byid: loug we' nyangnu" yang nu" ri xoin" ngei" byid: loug we' Lakhuid" leung zeung: jab ceing ngei" byid: nghoid loug we' nyangnu" shivoo: xoin" anghoid lang" vu, suid" ngei" byid: loug we' nyangnu" shoem: nam pyo: ja: nghe' ngei" byid: nghoid loug we' yu phara" soolhoo: ri akyu" mho' loug we' dangain" gi nyangnu" shid re" dayhang: ti" `za: nghoid da:. Nyangnu" aco' ajhoid moo" khyo" no' jang" moo pyo: khyoo: ri sho: ago".

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

ACTS 10:33

Houg: yoomo ngoo gi houg: jang: nyang- re" jhang khyoo: byu nhang: kaid' bye- nang ju" ri" yoomo gye" goug bye. Nyang: nang ri tid nhang: kaid' da" mungdang: dangain" ri tam" gyo: yu wa shid mo akhid" ngoonu" dangain" mo, gi-Mangso shid' khoin" moo lang" nyid boem- ga: tid kyo.

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

1Korinthians 11:22

Zoo: wa shug wa shid re" nyang: tu: nya: yhoem: ayoo" goo" la" Hougsu" anghoid lang" gi Mangso da" phung ri aphoug" amyang:- juang" yi wigi- asho" ajhen: bang: ri- sho' thu nhang: goo" wa la" Ngoo nanu" ri he: khyoo: yo' sen: lho: wigi- ce: noem tid wa ein: jho: nyid go" la" Ngoo nanu" ri coung" byid: goo" wa la" Gyeing" nyang: ngoo nanu" ri coung" byid: wa zi anghoid.

HEBRE 10:26

Khasu" wim gari nyangnu" gi hau deingmain" khyoo: ri bain' se' gyo: kham: yu thang: ri yooboo ri zhoogyi: gyi: dadoem koid nyid boem nghoid rigi ngoonu" da" yoobo shid re" to' byid: wa da" xoin" gootu: jo, loo: wa zi anghoid.

YAKU 1:19

Jheddab da" mangnhung" yi we"- he: khyoo: ri xoem" too" ge'.Nanu" gi tam" gyoo: wa jang" moo myab, ge' dang: tid wa jang" moo nheig yoo: wa jang" moo gi ahain: goo".

YOSHU 5:15

Houg: lho: Aseing da" gyidab mo zoug: pho gi nyang: ri «Re" khyid: baid ri khyoid pyam we'. Nang gi gyeung" shang: da" myidgung moo: yab jo, da» ga: tid. Yoshu gi nyang: tid ziyo' dakhyo" koid bye:.