9 Ngoonu" zei: da moo" dangain" mo ci: shau" yu la".
Moo" ri zei: nyid we' re" voem: gyi: wa nghoid- nang agoin: zhoung: jo, lho: dang: za: datid nyid nghoid rigi asho" ajhen: khyoo: za: shoug: loo wa nghoid.
Re" kangso' gyung: khyoo: gi moo" zei: ziyo' moo" joem koid wigi hau: shid re" yo" ci: shug wa zi nang moo ci yo" la".
Hau: thang: ngoo gi ngoo koid lid loo bye: zi dangain" da" khyoo: yo' hau: ziri khayhi' yoem: kaid lho: moo" zei: lo ziri myid yu" da:. Ngoo gi ci we' anghoid nhung: ziri myid boin: re" bye:. Hau: zigi lid ri cang khaid ziyo' du da:. Dajhi' we' akyu" aboo nghoid da:.
Hau: zigi ajoo nghoid da:. Ngoonu" re" ziyo' dakyoo" ngoonu" lo" da:. Ngoonu" gi moo" zei: boem- lid ri cang khaid myheig boem. Houg: lho: nyangnu" ci yo" yu la".
Byu ein: zigi Mougmyid gyab goin" ziri yo" vhoeb zeing to"- yhi' nghoid loug we' nyang: nya: da" kangso' soem" lo" rigi ce: noem akyu" se boo wa lha". nyang: nya: da" kangso' ri ce: noem yo, yo" khyoid yu loo: wa lha".
Hid: yhang: te" da' byu yi yo' nyangnu" yo' dage" pang" thoug doo" zhoo" doo" jhoug nyid bang: da" khyoo: shu" lo" jang" moo- bo cang yhi: ge" ein: ngoo nanu" ri mho' sang: kaid.
