PHAJHI" DANG: 3:8 - Lacid Common Language Bible

⁸ Nyang: gi jheddab da" ayo, yo" ngheing" da" ayo, meing: zain: da" ayo, yo' meing: dam da" ayo, ri asoo" to" to" da:.

PHAJHI" DANG: 3:8 교차 참조

1 KHOKHAM 5:4

Nghoid loug we' akhid" gi nga" mungdain: mougkyoo" dangain" cang myenjham" yug yo khyoo: ri nga" Aseing Mangsoo ngoo ri byid: bye:. Nga" jang" moo: gyivoo anyid loo: wigi gyoug pho" meing: zain: khyoo: we' ajo, loo.

2 KHOKHAM 9:22

Yoram gi nyang: ri «Nang ngei pyo: yug yo khyo" re" rhe"» ga: myid: da:. Yehu gi «Ngoonu" gi join: zei: ziyo' re" myhi' Yezebela yo' koid shid" to" da" yu phara" soolhoo: joem dajo, shi" uri khasu" yo" ngei pyoo: yug yoo wa lha"» ga: tu" da:.

2 KHOKHAM MHOOMYID: 19:2

Hanani da" yuggi zoo: Lapi: Yehu gi khokham phoo ri yhe: shoug" lho: nyang: ri «Akhyeing" ashoeb ziyo' Aseing ngheing" da" bang: shoid khyoo: bo dab wigi pang" thoug byid: zigi jo, da" khyoo: nghoid ein: nang nyid jho: rhe". Nang koid da" moo" gi re" adang moo Aseing da" nheig yo: ziri ci: ri" byid: abye:.

COUNG" NGHEI 101:3

Akhyeing" ashoeb khyoo: ri ngoo khanham we' bo cang zei: yen" wa zi anghoid. Mangso shidkhoin" mo myonhoo: goo" khyoo: lheung: loo" bang- sham: go" khyoo: ri ngoo ngheung" nyid. Ngoo gi nyangnu" yo' ci: we' asen wa.

COUNG" NGHEI 105:25

Nyang: gi Egutu byu yiri nya: da" byumyu" yiri ngheing" nhang: lho: nya: da" dei zoo: yi tho' moo mhau, pyeug shen" yhen da" moo" ri ze" bui" nyid nhang: wa bye:.

COUNG" NGHEI 139:21

O" Aseing we"- nang ri ngheung" nyid mo, rigi ngoo we' bo ngheung" nyid. nang ri tu: lhoem" thougtheung mo, rigi ngoo gyisho' nyang: co' ngheung" nyid.

DANG: ZHOEM 13:5

Deingmain" bang: gi mhau, fain" da" dang: ri ngheung" ago". Akhyeing" ashoeb, bang: da" dang: thui: gi asho' ashid: nghoid ziyo' phoug" yoid, zi shoug" nyid.

EZEKIEL 16:8

«Ngoo doem so" lid: lo" uri nang gi se' jheddab da" ayo, ju" bye: ziri shau" myang. Ngoo gi re" gung cen: doem: ri nga" byisheing: yo' foid to" lho: nang ri jheddab wa dangsoo" byid: bye:. Nghoid- Ngoo gi nang yo' lo, xo' wa dang: theing to" lho: nang gi nga" byu bue" lo da». He: zigi yoem: moo" bo Aseing tid zi nghoid.

LUKA 14:26

Nga" thang: cang loo nghoid loug we' Nya: myhi' nya: phoo- nya: myi: nya: zoo:- nya: mang: nya: nhung" yi yo"- nyang: nya: gung ri te: je jheddab mo, gi nga" cangzoo: ayo" bui.

Ephesu 3:19

Nghoid bye"- nya: da" jheddab nheigloem: rigi khanham we' bain si wa zi anghoid- Nghoid loug we' nanu" gi nya: da" jheddab nheigloem: ri se' lo wigi nanu" moo we' dabo jo, baja" ein: akyu" mho' nyid.

Ephesu 5:25

Yhoem: seing: pho, we"- Khristu gi hau: phung: ri jheddab yoomo hau: shid re" kangso' ab, noung" pyam byid: yhang: ti"- nanu" da" yhoem: seing: myhi' yi ri hougsu" jheddab nyid ge'.

TITU 2:4

Mangso da" mungdang: gi juang" yi gei sang: zi ashug" baja"- nyangnu" ri we' nyang: tu: nyang: mo pyaid ngi shi" da" myhi' zeing yi gi nyang: nya: da" yhoem: seing: phoo yo' zooshang: mi" ri jheddab se' nyid wa shid re" we' nyang: nya: da" gung ri se' vhoeb khang" nyid wa shid re" we' nyang: nya: da" yhoem: seing: phoo yi vhoeb, khang" khyoo:- se' cang nyid da" yhoem: seing: myhi' zeing gi yo" bui" wa shid re" jhoug" byid: mhoo, byid: nyid we'.

YOSHU 11:23

Yoshu gi Aseing wigi Moshe ri amyeing" byid: to" ziyo' dakhyo" da mungdain: goin" ziri seing: pyam bye: da:. Yoshu gi Israela byumyu" yiri nyangnu" mougmyid khyo" hau: mungdain: ri: byukung: khyo" cang lho: kho' byid: da:. Houg: yoomo byumyu" yigi gyi zain: go" jang" moo theing: nyid boem ago".

Pang Shug 2:2

Nang ci koid lid loo bye: da" moozoo" ri ngoo se'- nang khayhi' yoem: kaid lho: moo" zei: nyid zi nang khayhi' yo" kham zeung: nyid ziri ngoo se' nyid. Nang gi akhyeung" da" byu yi yo' lagyoo: anghoid zi lagyoo: nghoid ga: mhoug mo, ri ca: yu" lho: se' lang" gi khyam" sa abyid: lo: ziri ngoo se.