PHAJHI" DANG: 3:6 - Lacid Common Language Bible

⁶ Nyang: gi shau" myang wa da" ayo, yo' byug lo da" ayo,. Yo" lo da" ayo, yo' she: lhei" pyam da" ayo,.

PHAJHI" DANG: 3:6 교차 참조

2 KHOKHAM 5:26

Nghoid loug we' Elisha gi «Nang yo' shoug" go" wa byu hau: yug gi nya: gyi myang: rheing" mo gyo" da" uri ngoo gi Venyi: khyo" houg moo anyid zi nghoid rhe". He: ayo, gi ngei- byimi joem zhainloin: khyam joem zabyid khyam: joem yang- nu: kyung joem dei zoo: yi khab yu wa da" ayo, anghoid.

2 KHOKHAM 7:15

Houg bang: gi Yodan gyid lang ju" sho' yhe: ago". Suri byu yi phang: lo" zoo" ri nyangnu" she: pyam too" kho' da" byimi yo' gyizi gyikhoo: joem ri khyoo: thang sho' moo: shau" myang boem ago". Hau: thang: nyangnu" doem tau" lo" lho: khokham phoo ri lu dang: lo" kyo" ago".

2 KHOKHAM 8:9

Houg: yoomo Hazaela gi Damasku moo koid da" ge thang da" zi aja: ja: ri Gola-ug myid: xi: du: dang moo: yoovoin byeung" sho' soin' voin, lho: Elisha jhang yhe: lo" da:. Hazaela gi Elisha ri yhe: shoug" lang" «Re" dei zoo: khokham Benhadad gi nya: noo mo ge loo wa la'- age loo wa la' ga: ziri nang ri myid: wa ngoo ri nhang: kaid da» ga: nyang: ri tid da:.

COUNG" NGHEI 112:9

Nyang: gi ca" nyid yo nyid su: ri agoin' ayu: byid: gam nyid wigi nya: da" nheug khyeug khyoo: gi khanham we' yoem: nu: lo" khyoo: ajo. Nyang: gi amyeing" yoem: so' yo' phau" myang: khyoo: ri shoug" yu loo wa zi nghoid.

PHAJHI" DANG: 11:1

Re" ngei ri tungbau meing: mo phaga: moo" moo arang" kaid too" we'. Houg: ri hau: gu mo danyid" nyid" ri nang atu" amyaid shoug" zoo: wa.

PHAJHI" DANG: 3:5

Ngei wa da" ayo, yo' angei wa da" ayo,- babug bug wa da" ayo, yo' babug abug wa da" ayo, ri asoo" to" to" da:.

PHAJHI" DANG: 3:7

Lang: ceig pyam da" ayo, yo' khyoeb zhoem: da" ayo,- Sam: zoo: nyid da" ayo, yo' dang: ji da" ayo, ri asoo" to" to" da:.

ESAIA 2:20

Hau: bidnyid ju" loo lang" nyangnu" koid ci: da" ngei yo' sheing: yu phara" soolhoo: joem ri nyangnu" she: pyam pyam wa. Hau: joem ri gyu, shoug" yo' pho shid joem jang" khyo: she: pyam pyam wa.

YONA 1:5

Houg: yoomo sangphoo moo" voin mo, gi gyoug dain wigi pang" thoug yu wa shid re" yugkhang" moo" nyang: nya: da" yu phara" ri yoid nyho: nyid. Hau: thang: ri gye" gyoug ca" loo yoomo ziyoo joem ri we' sangphoo tho' moo de" khyo' pyam ago". Hau: uri Yona gi sangphoo akhau: yab moo yhe: vang yhoeb pyo: nyid.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

ACTS 27:19

Hau: lho: hau" thang: nyid" ri nyangnu" gi gyid sang phoo yo' sen: da" ziyoo joem ri we' - thoid' khyo, pyam boem ago".

ACTS 27:38

Nyang: nu" yug khang" moo" bain zo: gyi: thang: ri gyid sangphoo' soem" loo" wa shid re" nyangnu" da" sung: soo: cen: thung: joem dangain" ziri panglai gyid thoem" moo de" khyo, pyam' boem ago".