PHAJHI" DANG: 3:22 - Lacid Common Language Bible

²² Houg: yoomo ngoo gi ngoonu" moo" zei: da" gang mo yo" yu ziri pyoo: pyoo: yo" ci: yhung: lho: nyid zigi ge thang moo" zoo" nghoid ziri shau" myid boin:. Houg mo jain" lho: ngoonu" yo" koid zi ci: ajo,. Ngoonu" shid byug thang: ri ci: bui" loo wa ziri ngoonu" yo" si' wa khyoo: ajo, nghoid wa.

PHAJHI" DANG: 3:22 교차 참조

YOBA 14:21

Nya: yug gi zoo: yigi ngi: shab shoug" nghoid loug we' nyang: gi hau: ziri khanham we' asi'. Nyangnu" khanham ngi: yoem" ein: ziri nyang: ri hang" atid kyoo".

PHAJHI" DANG: 10:14

Koopyoid gi atheing: anoo: xo' tid nyid da:. Thang: phyang" ci: xo' bui" wa ziri hang" asi'. Ngoonu" shid: byug thang: cibue" loo wa ziri ngoonu" ri hang" wigi we' ayo" tid.

PHAJHI" DANG: 11:9

Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

PHAJHI" DANG: 2:18

Ngoo moo" zei: lho: shoug" yu to" da" zi ce: daja: we' nga" shid re" dang: kang: aboo. Ciwim gari hau: gu: ri nga" khoo: moo xo' zhung: su: da" lo, khyoo: too" byid: kho' ca" wa ziri ngoo se' da:.

PHAJHI" DANG: 2:24

Byu dayug shid re" ge thang zigi nyang: nya: vhoo" kung: phoug" shau" yu to" ziri zo: lho: shug lho: ngei pyoo: tung" nyid zi nghoid da:. Nghoid loug we' hau: ziri lang" Mangsoo mo nghoid ziri ngoo myid boin: da:.

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

PHAJHI" DANG: 7:14

Re" shid re" ja: noem joeb gi gi za: nghoid lo nyid ri ngei bu we'. Houg: lho: yau: khi" ju" re" da" uri we' ngei bu: khyoo: yo' yau: khe" khyoo: eig ja: goin" ziri Mangso wigi nhang: kaid byid: zi nghoid ga: ziri we' thang: moo ci: xo' pui" wa ein: ziri nang khanham we ayo" si' ein: ziri myid boin: we'.

PHAJHI" DANG: 8:15

Houg: yoomo ngoo gi byu dayug gi nyang: nya: gung ri pyoo: sho' nyid ca" da:. Ciwim ga: ri he kangso' gyung: khyoo: moo nyang: shoug" yu da" pyo: ja: ein: wa zigi zo: shug lho: nyang: nya: gung ri pyoo: pyoo: nyid zi za: nghoid da ein: goolhoo: za: shau" myid loem bye:. Nyang: ri Mangso wigi he: mougmyid dang moo byid: to" da" kangso' gyung: khyoo: gu moo moo" zei: myung: nyid uri neing: thang he: ziri yo" koid wa nghoid da:.

PHAJHI" DANG: 8:7

Ci bue" re" nyid ziri ngoonu" mo hang" we asi'. Houg: lho: ngoonu" ri tid kyoo" wa hang" anyid.

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

PHAJHI" DANG: 9:6

Nyangnu" da" jheddab myid- nyangnu" da" ngheing" khyoo:- nyangnu" da" vho: ngei khyoo: joem dangain" gi nyangnu" yo' dage" shid: byug da:. Nyangnu" gi he: mougmyid dang moo bue" zi ci: moo we' doem yo" bo boo wa zi anghoid.

DANIELA 12:13

«Houg: lho: Daniela we"- nang we' lo" thang ju" sho' jhug zug nyid we' Hau: thang: nang shid: wa. Nghoid loug we' lo" thang ayo, moo re" da" aphoug" jhungshug kham yu wa khyo" dei to' loo wa» ga: tid da:.

MATHE 6:34

Houg: yoomo nab, yo nyid" shid re" myid amyoo: goo"- nab, yo nyid" gi nya: shid re" kyi" khyeug wa zi nghoid. Khid" nyid" kyi" khyeug zigi khid" nyid" shid mo gi" bye.

TARHA" TID POIN" 12:18

Nanu" yo' nanu" nya: zoo: yi nanu" dei zoo: yi yo' nanu" voogung joem moo nyid boem da" Levi byu yigi dage" za: nanu" Mangso wigi khyen: to" da" noku joyoo nanu" Aseing Mangso da" shidkhoin" moo za: hau: xoin" joem ri zoo: wa nghoid ago". Nanu" gi hau: joyoo moo nanu" koid bye: da" lo, moo" ja: khang" moo" adang moo ngei bu: goo" wa zi nghoid.

TARHA" TID POIN" 12:7

Houg: moo nanu" ri mainkaid byid: su: nghoid da" nanu" Aseing Mangso shidkhoin" moo nanu" yo' nanu" yhoem: byu yigi zo: wigi nanu" koid bye: da" ge moo" zoo" joem shid re" ngei bu boem goo" wa.

TARHA" TID POIN" 28:47

Aseing gi nanu" ri khyoo: ja: khang" moo" moo mainkaid byid: loo bye:. Nghoid loug we' nanu" gi ngei bu nheigloem: yo' nyang: ri adei byid: nghoid da:.