PHAJHI" DANG: 3:2 - Lacid Common Language Bible

² Nyang: gi khu: da" ayo, yo' shid: da" ayo, ri asoo" to" to" da:. Sho" da" ayo, yo' phoin' pyam da" ayo,

PHAJHI" DANG: 3:2 교차 참조

APOEM AYANG: 17:21

Nghoid loug we' ngoo gi nga" thang" cab rigi sang: nheig he: ayo, koo: moo Sara khu: wa da" re" zoo: Isag yo' dato" too" wa» ga: tid.

APOEM AYANG: 47:29

Nya: shid: yo, gi jhang bye: yoomo nya: zoo: Yoseb ri khe: yu lho: «Re" lo, nga" tang" bau" agyo: moo kaid lho: nang gi ngoo ri Egutu mung" moo anyhoeb wa ein: jham' tang: we'.

1 KHOKHAM 13:2

Vhoo: mo Aseing da" amyeing" dang: ri lapi: phoo gi phoin: ri tid phu: nyid. «O" phoin: we"- phoin: we" he: zigi Aseing tid da" dang: nghoid. Yoshia ga: da" zoonu" dayug gi David ikoin deungkhu: mo khu ri" wa zi nghoid. Nyang: gi tungbau yu phara" phoin: joem moo: re" shid re" xoin" to' byid: wigi dei byid: nyid da" khainjung ri re" dang moo said noung" lho: nyang: gi re" adang moo byu shooyoug: ri we' nghe' ngei" wa zi nghoid» ga: tid.

2 KHOKHAM 4:16

Houg: lang" Elisha gi nyang: ri «Sang: nheig he: yo, moo: re" lo, yo' yuggi zoo: vu, ci: wa» ga: tid da:. Nyang: gi «O" nheigboo phoo we"- jeju" mo ngoo ri amhoug. Nang gi Mangso byu nghoid da» ga: tid.

YOBA 14:14

Byu dayug shid: lo" ri nyang: yo' doem dei loo wa la". Nghoid loug we' ngoo gi je ge da" ayo, ri lang" nyid wa. He: yau: khi" ayo, lid loo" sho' lang" nyid wa.

YOBA 14:5

Nya: da" Kangso' khasheing nghoid wa ziri no' mo ke' phyed too" byid: gu nghoid bye:. Nyang: lhammoo" khanhoo' khyab nyid wa ziri tu' too" gu nghoid bye:. Nang gi hau: gu moo nyid wigi age thid pyam loo nghoid da:.

YOBA 7:1

Xangsu: byu kang: dei khyoo: gi akoid atho' koid da" gyipui" yo' du. Ayau: akhi" moo" zei: zo: ziyo' we' du da:.

COUNG" NGHEI 113:9

Nyang: gi boug dung: myhi' da" yhoem: ri phoug" tab ngi: shab byid: lho: Nyang: gi hau" myiyi ri: zooshang: khu: loo wa akhang" byid: khyo" wigi gau yi nhang: nyid. Aseing ri coung" byid: we'.

COUNG" NGHEI 52:5

Hougsu" nghoid nyid yoomo Mangsoo gi nang ri apyaid atoo: moo: ju" sho' phyo' shoin pyam byid: wam bye:. Nyang: gi nang ri zei: ci: lho: nanya: yhoem: mo wigi lang: she: thu pyam wa zi nghoid.

DANG: ZHOEM 24:27

Re" yoo thung" anyeing" shi"- voem: doug: khu: moo" ri goolhoo: akoid too" too" gi yhoem: akoid ikoin deungkhu: avang shi.

ESAIA 28:24

Yoo koid zoo: su: hang" we' nya: yoothung" ri ajang" aphug. Shoo" wa hau: ziri ajang" asoin' too".

ESAIA 38:1

Hau: ayo, moo khokham Hezekia gi no re" lho: shid: lo" nyid da:. Amoz da" yuggi zoo: Lapi: Esaia gi nyang: ri yhe: yu" lho: «Ja: khang" moo" ri nyheing soin' too" wa shid re" Aseing nang ri amyeing" byid:. Ciwim gari nang noo agi wa. Shid: wa soin' we'» ga: nyang: ri tid da:.

ESAIA 38:5

Hezekia jhang David da" phoug" phyid" yi da" Aseing Mangsoo ngoo gi re" akyu" mho' dang: ri shau" gyo: wigi re" ngoug byid joem ri myang bye:. Nang ri ngoo daxe: wim: zain sheing: sho' nyid nhang: shi" wa.

ESAIA 54:1

Yerusalem we"- nang gi bougdung: myhi' dayug ti" bue" lid: loo bye:. Nghoid loug we' akhid" nang gi gau wigi jikhoin" khoin" ziyo' yo" nyhoo: bye:. Akhid" nang gi yhoem: seing: phoo wigi khanham we' atoo" kho' da" myiyi: dayug tho' Zooshang: je myo: abye:.

YEREMIA 1:10

Akhid" nyid" ngoo gi nang ri byumyu" yi yo" khokham mungdain: joem ri phoin' pyam wa yo' phyo' khyo' pyam wa shid re" phyo' shoin' pyam wa yo' tu: khyo' pyam wa shid re" tu: zhug wa yo' sho" too" wa shid re" amyeing" akhang" byid: bye:.

YEREMIA 45:4

Nghoid loug we' ngoo Aseing gi ngoo zhug too" bye: da" ziri baid phyo' pyam wigi ngoo zhung" to" da" agam ri noid, pyam wa. Ngoo gi he: khyoo: ri mougmyid gyab goin" moo koid wa.

MATHE 13:41

Byu da" nya: zoo: gi nya: moug: lagyoo: yi ri nhang: kaid lho: byu yi ri shoid vhang: nhang: mo, yo"- atarha" da" moo" zei: mo, bain, sho ri Nya: mougkhoung: Mungdain: mo khyen: thu' yu lho: wigi

MATHE 15:13

Yesu gi «Mougkhung: tho' moo nyid da" nga" phoo asho" to" da" agam bain, sho' ri phoin pyam wa zi nghoid.

LUKA 1:13

Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

LUKA 1:20

Tam" gyoo: we' nang gi nga" dang: ri aloem" jeing" yoomo he: da" moo" bue" lo da" bidnyid ju" sho' dang: ayo" tid loo: za: nhoid jed loo" zi nghoid ga: tid.

LUKA 1:36

Re" bidnoem myhi, nghoid da" Elisabed we' mang: loo" yid ri she- yuggi zoo: agyid asoo: ri gung lid: ci: da. Bougdung: myhi, daga: nyid su: gi gung lid: zi lham" moo" khyug khyab nghoid bye.

YOHAN 16:21

Myiyi: dayug gi zoo: khu: wa uri gyi" sho' no zi shau" lho: bain khu: kaid lang" gi mougmyid moo byu dayug yo" khu: kaid yoomo nyang: kham: zo: da" noodam ri to" myhid' bye.

YOHAN 7:30

Byu yi gi Yesu ri myheig tei" wa da" akhyoo" ri sho: nyid nghoid loug we' ayo, aju" shi" yoomo Yesu ri hang" lo, we' ayo" toin" shid' boem shi.

ACTS 7:17

Mangsoo gi Abraham ri byid: to" da" dang: theing: khoin" joeb byeung" loo wa bidnyid ju" lo ri Egutu mung" moo nyid da" ngoonu" da" byumyu" yi gi gyi" sho' nyang: nyid myo: lo boem ago".

ACTS 7:20

Hau: ayo, moo gye" young" da" zoonu" Moshe gi khu: loo bye. Nyang: ri yhoem: moo lham" moo" soem" khyab, za: khu: nyid lho:

GALATI 4:4

Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-

TARHA" TID POIN" 34:5

Houg: yoomo Aseing dei zoo: Moshe gi Aseing wigi shid: wa ga: amyeing" byid: to" ziyo' dakhyo" hau: Moba moug: moo shid: loo" bye:.

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.

1 SAMUELA 2:5

Dalheing: ri gyi: gyi: boid boid zo: lid loo" bang: gi zooshug: shau" zoo: wa shid re" akhid" nyangnu" gung nyang: vhu" kung: yhe: koid nyid ago". Nghoid loug we' zooyoid bang: gi xo' wigi zooyoid loo: wa zi anghoid. Zoo: ayo" yu" da" yhoem: seing: myhi' gi zoo: nyhed yug ri khu: too" bye:- nghoid loug we' zoo: myoo" sho' yo" da" myhi' zeing gi nyang: kyeing" nghoid wa.