PHAJHI" DANG: 3:19 - Lacid Common Language Bible

¹⁹ Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 3:19 교차 참조

2 SAMUELA 14:14

Nyhang" dangain" shid: shoug" wa zi nghoid. Nyhang" gi myidgung moo foid sain" kaid wigi adoem yo" yu loo da" gyid yo' du nyid bye:. Mangsoo gi shid: jang" mo adoem yo" dei nhang: loug we' nang khokham gi gootu: mungdain: khyoo: khaid pyam da" byu dayug ri doem shu" yu wa khyoo: daloem: ri za: gi shau" myang wa zi nghoid.

COUNG" NGHEI 104:29

Re" da" myonhoo: lheung: loo" lang" gi houg: bang: gyoug nyid houg: bang: da" kangso ri nang yoeb, yu pyam lang" gi nyangnu" gi shid: lo" lho: nyangnu" thu' lo da" hau: myidzhoo" phei" khyoo: doem tau" lo" byoug ago".

COUNG" NGHEI 49:12

Byu yi da" khyeug nghoid ga: khyoo: gi shid: jang" mo nyang: ri ayo" khyoid yu. Nyang: gi goug: nyhoug joem yhang: ti" shid: loo" shi' wa zi nghoid.

COUNG" NGHEI 49:13

Nyang: nya: da" gung du: ri myid loem nyid bang: moo ce: noem bue" lo khyoo: yo' nyang: nya: jonu" moo: nheugdeug nyid mo, da- vhu" pi: lo, kyo' gi khayhang: te" zi nghoid ziri yu" yu" we'.

COUNG" NGHEI 49:20

Byu yi da" gye" nghoid bye: ga: khyoo: gi shid: jang" mo nyang: ri ayo" khyoid yu. Nyang: gi gougnyhoug joem yhang: ti" shid: loo" shi" wa zi nghoid.

PHAJHI" DANG: 1:14

Ngoo gi he: mougmyid gyab moo koid lo zi dangain" ziri shau" myang loo bye:. Houg: lho: ngo wigi nanu" ri tid kyoo" ba. Hau: gu: dangain" gi akoem: za: danghoid ago". Hau: zigi lid ri khaid myheig ziyo' du da:.

PHAJHI" DANG: 1:17

Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 2:14

Phajhi" juyhi: boo bang: gi nyangnu" kha khyoo: yhe: lo" nyid ziri se'. Nheig agyeing: bang: gi asi' nghoid ago". Nghoid loug we' dangain" bang: shid re" daja: kyeing" da" vhu" pi: lo, kyo' gi ngoonu" dangain" ri lang" nyid ziri ngoo se' da:.

PHAJHI" DANG: 2:16

Phajhi" juyhi: boo bang: ri hang" we' amyid boin: nheig agyeing: bang: ri we' hang" amyid boin:. Ju" lo wa da" ayo, moo gi ngoonu" dangain" bang: we' coem' to" myhed pyam ri" goo" wa. Phajhi" boo bang: yo' nheig agyeing: bang: ngoonu" dangain" bang: gi dakhyo" kyeing" za: shid: loo" goo" wa.

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

PHAJHI" DANG: 9:2

Houg: moo adu go" zi ci: aboo nghoid da:. Deungmain" bang: yo' akhyeing" bang: jhang- gi bang: yo' agi bang: jhang- laloem lakhoug: boo bang: yo' aboo bang: jhang- xoin" ngei" byid: bang: yo' xoin" angei" byid: bang: jhang vhu" pi: lo, khyo' daja: kyeing" ju" loo wa. Byugi dayug gi yooboo yo" su: tho' aje gi. Jham' tang: dang: theing too" yug gi atoo" yug tho' je ge zi anghoid.

GYUNG: SOO" 16:29

He: byu yi Mangso yooboo dam byid: zi aboo loo: za: yu" yu" shid: boem nghoid rigi ngoo gi Aseing wigi nhang: kaid yug anghoid wa.