PHAJHI" DANG: 3:14 - Lacid Common Language Bible

¹⁴ Mangsoo koid zi ja: khang" moo" apyaid atoo: moo geing: teing jo, wa ziri ngoo se' da:. Nang wigi houg: moo daja: we ayo" lung kaid- daja: we ayo" yu pyam wa. Houg: lho: Mangsoo koid zi daja: gi ngoonu" wigi nyang: ri gyoug phoug" wa zi nghoid da:.

PHAJHI" DANG: 3:14 교차 참조

2 SAMUELA 22:31

He: Mangsoo koid da" moo" zoo" joem gi gye" joeb byeung" nyid. Nya: dangsoo" khoin" joem we' loem ge" nyid. Nyang: gi nyang: ri loem khau: loo mo, dangain" shid re" goo yhang: ti" nghoid.

COUNG" NGHEI 33:11

Nghoid loug we' nyang: myid soin to" khyoo: gi khanham we' dageung: teung jo. Nyang: myid to" khyoo: we' pyaid moo too: moo: dageung: jo.

COUNG" NGHEI 64:9

Nyangnu" dangain" gi gyoug lo boem wa zi nghoid wigi Mangsoo ce: noem zei: too" bye: ziri Nyangnu" myid soin: yu" lo boem wa ziyo' nya: da" moo" zo" khyoo: ri tid kyo" boem wa.

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

DANG: ZHOEM 19:21

Xangsu: byu yigi ja: khang" moo" ri myoo" sho' soin' nyheung too: nghoid loug we' Aseing myid vho: khyoo: za: dabue" loo wa nghoid.

DANG: ZHOEM 21:30

Aseing nang ri thougtheung gyi koid nghoid rigi xangsu: byu yi da" phajhi: koung yeug da" vhu" nug lasi- nheigloem: phajhi" gi nang ri ayo" pang" thoug.

DANG: ZHOEM 30:6

Nyang: gi khanham we' atid da" dang: ri nang tid bye: ga: sang: lang" gi nang ri gyi koid lho: nang gi mhoug su: nghoid ziri di: bang" myang thu' loo nhang: wa nghoid.

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

PHAJHI" DANG: 5:6

Mangsoo khainjung ri nang khyo" anghoid zi tid pyam bye: ein: adoem tid ca" sho' nanya: dang: khoin" joem gi nanyang: ri yooboo dabue" nhang:. Mangso wigi nang ri nheig yoo wa khyo" ciwim se' koid la". Nang zei too" da" moo" ri nyang: ri ciwim phyo' pyam nhang: la".

PHAJHI" DANG: 5:7

Nang khanhoo' yhoebmo, myang nghoid loug we' moo" koem: khanhoo' zei: nghoid loug we' khanhoo' dang: tid nghoid loug we' nang gi Mangsoo ri gyoug phoug" zoo" ri nyid yhi: ca" shi" wa.

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

ESAIA 46:10

Bue" loo wa khyoo: ri xang: shi" mo ngoo Lapi: pe: to" wigi cibui wa ein: ziri goonham' mo tid shid" too" bye:. Ngoo soin to" da" moo" joem gi khanham we' asoem" pyam- ngoo koid wa myid soin' to" zi ja: khang" moo" ri ngoo koid su: nghoid ein: ngoo tid.

DANIELA 8:8

Coidbaid gi je je nghoid boin lo da:. Nghoid loug we' nya: da" gyi: thang da" yoem: so' ein: wa khyoug: gi gyau: byug bye:. Nya: khyoug: khoo: moo yoem: gyi: da" khyoug: myid: loem yug thu re" ago". Myid khyoug: goin" gi dakhyoug: dashoid khyoo: yeing thu lo da:.

ACTS 2:23

Mangsoo gi nyang: soin: to" ziyo' dakhyoo" ti" Yesu ri nanu" da" lo, moo ab pyam wa shid re" myed phyed' too" su: nyang: nghoid da" lo, moo ab pyam wa shid re" myed phyed' too" su: nyang: nghoid bye. Nanu" gi yooboo yoo" bang: da" lo, yo' Pyang" zeing moo nyang: ri baid' jen" said pyam nhang: khyo" Yesu ri said' pyam boem bye.

ACTS 4:28

Nyang: nu" gi re" da" yoem: vhoo" yo' nang vho: khyo" myed phyed' ci: gu nghoid da- bue" loo ca da" moozoo" ri koid wa shid mo hougsu" zeung: foem: nyid boem zi nghoid da.

ACTS 5:39

Nghoid loug we' hau: gu: gi Mangso jang" mo nghoid rigi nanu" gi nyangnu" ri ayo" ge, oung: pyam boem wa nanu" gi Mangsoo ri gyi koid zi danghoid goo" wa ga: tid. Yuda tarha" yab, do' phung: bang: gi Gamale phajhi" byid: dang: ri tam" gyo: lhoem: yu boem ago".

Roma 11:36

mangsoo: gi - jo, moo jo, ri phain" to" lho: hau: zi joem gi Mangsoo: khyo" wigi we' Mangso: shid' re" nghoid loug we' dageing: teing" jo boem. Mangsoo: gi apyaid' atoo: myonhoo: phung" yoeb doug bang nyid baja" o" Amen.

Ephesu 3:11

Mangsoo gi ngoonu" da" Aseing Yesu Khristu khyo" wigi bain zei: too" bye: da" nya: apyaid atoo: mo soin nyheung to" da" khyoo: yo' dakhyoo" ti"- nyang: gi he: da" khyoo: ri bain zei: bye.

TARHA" TID POIN" 32:4

Aseing gi nanu" da" myhang: thang da" goem loem yu su: nghoid. Nyang: gi khyoo: khaid khang" moo" mo joeb byeung" ziyo' tarha" nyeung veung" da:. Nanu" Mangsoo gi jhug zug ziyo' deingmain" da:. Nyang: gi jo ziyo' tarha" ziri koid da:.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

Pang Shug 15:4

Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".