PHAJHI" DANG: 2:9 - Lacid Common Language Bible

⁹ Jo da- ngoo gi gyi: sheung: bye:. Yerusalem moo nyid lid: lo da" bang: dangain" tho' ngoo je gyi: sheung: bye:. Houg: lho: nga" phajhi" gi ngoo mo khanham we' aneing: lo.

PHAJHI" DANG: 2:9 교차 참조

1 KHOKHAM 10:23

Khokham Sholumon gi gootu: khokham yi tho' je yoo" zoo: su:- je phajhi" si su: nghoid.

1 KHOKHAM 10:7

Nghoid loug we' he: joem dangain" ri ngoonyang: are" yu" cang cang gi ngoo hau: ziri ayo" loem" wa nghoid. Nghoid loug we' ngoo he: gu: mo eig boem mo daboem koo: date: shoug" gyo. Re" phajhi" yo' re" yoo" zoo: yoo" shug zigi ngoo ri tid kyo" tho' je" myo: nyid da:.

1 KHOKHAM 3:12

nang mho' ziyo' dayhang: ti" ngoo byid: wa zi nghoid. Shid phyang" we' anyid shi"- thang: phyang" we' anyid loo: wa byu gootu: tho' je se' da" phajhi" juyhi: yo' lasi lajhang: ngoo nang ri byid: wa.

1 KHOKHAM MHOOMYID: 29:25

Aseing gi shava byu phung: goin" ziri Sholumon shidkhoin" moo gyoug phoug" wigi yab jo, nhang: lho: Israela mung" ri vhoebkhang" yu" da" khokham yi gootu: dangain" tho' nyang: ri je phung" yoeb byid: da:.

2 KHOKHAM MHOOMYID: 1:1

Khokham David da" yuggi zoo: Sholumon gi Israela mungdain: ri teing za: vhoebkhang" ci: da:. Nya: Aseing Mangsoo gi nyang: ri mainkaid byid: wigi nyang: ri gye" yoem: boo nhang: da:.

PHAJHI" DANG: 1:16

Ngoo gi ngoo nya: gung ri «Ngoo gi Yerusalem moo nga" shid vhu" mo vhoebkhang" lid lo da" phajhi" si' bang: tho' je se' da" byu zeing dayug bue" lo bye:. Phajhi" juyhi: yo lasi phajhi" ga: zi ci: nghoid ziri ngoo se'» ein: tid.

PHAJHI" DANG: 5:11

Nang jonu" je yoo" lang" nang wigi voem: zoo: wa nhoid je myo: re" da:. Nang yo" yu zigi nang yoo" zoo: yoo" shug yug nghoid ein: da" lasi phajhi" za: nghoid da:.