PHAJHI" DANG: 2:8 - Lacid Common Language Bible

⁸ Ngoo gi ngoo vhoeb da" mougmyid joem mo khokham ngei jhi: joem mo ngei yo' sheing: ri aboem azang yung: too" bye:. Yuggi yi yo' myiyi: yigi ngoo ri jikhoin" khoin" wigi ngei bu: nhang: ago". Houg: lho: ngoo gi yuggi dayug yo" vho: da" nhoo' myiyi: dangain" yo" da:.

PHAJHI" DANG: 2:8 교차 참조

2 SAMUELA 19:35

Ngoo gi shid xi: zain byeung" bye:. Myid pyo: khyoo: gootu: yo" byid: loo wa zi anghoid. Cizoo: cishug nghoid loug ngham" thui: agyoo: loo:. Ngoo gi aseing: khokham shid re" yoovoin lid: nhang: zi danghoid wa.

1 KHOKHAM 10:10

Nyang: gi khokham Sholumon ri nyang: ci: lo da" jhungshug ri byid: bye:. Hau: joem gi sheing: wim tain: koo: yo' nam pyo: ja: yo' lug aja: ja: gye" myoo: sho' nghoid da:. Nyang: Sholumon ri byid: da" nam pyo: ja: gi gootu: khanham we' yo" yu tho' je" myo: nyid da:.

1 KHOKHAM 10:14

Zain khang" zain khokham Sholumon shoug" yu da" sheing: gi 25 tain: jain" nghoid da:.

1 KHOKHAM 10:21

Sholumon da" gyid shug goem dangain" gi sheing: yo' koid lho: Lebanon siyoo beingdo, yabmoo" mo ougkhu langbain dangain" ri sheing: gyeung" yo' koid to" da:. Ngei ri aci: nghoid da:. Sholumon da" pyaid ri ngei ri phoug" dab ajhoo: nghoid da:.

1 KHOKHAM 11:3

Sholumon gi khokham zoomyi: nyhed shoo: yug ri lo, xo' yu bye: ziyo' dangcang: myhi: soem" shoo: we' yoo" shi" da:. Houg bang: gi nyang: ri Mangso jang mo ve: loo" nhang: bye:.

1 KHOKHAM 14:27

Hau: gungthid khokham Rehoboam gi gyid: mid" yo' goo ri koid wigi khokham khoo" khoem" moo" duang: ri zung" da" moo" voin bang: ri ab byid: bye:.

1 KHOKHAM 9:14

Hiram gi Sholumon jang" khyoo: sheing: wim tain: koo: foin: byid: da:.

1 KHOKHAM 9:28

Nyangnu" gi Ophira mung" khyoo: sangphoo zhung: yhe: wigi Sholumon jang" khyoo: sheing: daxe: khyug tain: koo: tho' loo byid: ago".

1 KHOKHAM MHOOMYID: 25:1

Khokham David yo' Levi vhujhung: yigi vhoo: mo Levi kung: yiri noku coung" da" moo" moo vhu" she: wa shid re" khyen: to" ago". Houg: bang: gi Asab- Heman- Yeduthun bang: nghoid ago". Nyangnu" gi teing joem yo' jhabceing joem thui: yo' dage" Mangso mungdang: ri tid fu" wa bang: nghoid ago". He: byu yi da" zhayhen" joem gi nyangnu" voin vu da" moo" zoo" moo: cang lho: noku coung" moo" ri vhu" she: wa khyen" too" shoug" bang: nghoid ago".

1 KHOKHAM MHOOMYID: 25:6

Nya: yuggi zoo: yi dangain" gi Noku Yhoem: Moo" mo noku coung" jang" moo bo se' cang boem wa shid re" nyangnu" da" nya: phoo jhau" shid da" akhoug: moo nyid lho: jhabceing yo' teing joem ri baid ago". Houg: lho: Asab- Yeduthun- Heman bang: gi khokham da" amyeing" khoug: moo nyid boem ago".

2 KHOKHAM MHOOMYID: 9:11

Sholumon gi hau: seig joem ri Noku Yhoem: Moo" yo' khokham kho" mo zoem" lhang: koid lho: music phung: bang: shid re" teing yo' teing shi: koid jang" moo ci: da:. Yuda mung" moo houg: yhang: te" zi shid phyang" khanham we' amyang yu" nghoid ago".)

PHAJHI" DANG: 1:2

Myid soin: phajhi" si su: tid zigi akoem:-akoem: nghoid. Kangso' gyung: khyo: gi akoem:- dangain" akoem: za: danghoid.

DANIELA 3:15

Akhid" laboo"- khoolhang- teing shi- jhabceing yo' gootu: baid myheing ja: thui: ri shoug" gyoo: yo' dage" soolhoo: ri goeb pid no' byid: we'. Nanu" hougsu" akoid nghoid rigi nanu" ri akhid" nyang: gye" dab nyid da" myikhyoem moo" khoug: khyoo: du" zei kaid zi shoug" goo" wa. Nanu" ri yo" khyoid yu da" yu phara" nyid ein: jhoo: go" rhe"» ga: tid da:.

DANIELA 3:5

Nanu" gi laboo" joem moid thui: shau" gyo: thang:- khoolhang moid thui:- teing shi: she: thui:- jhabceing yo' baid myheing ja: thui: ri shau" gyo: ri" goo" wa. Houg: lang" gootu: baid myheing ja: dangain" ri bo baid myheing kaid loo wa. Music thui: joem baid myheing shid" kaid yo' nanu" gi khokham Nebukhadneza zhug to" da" sheing: soolhoo: ri goeb pid lho: no' ca" goo" wa.

DANIELA 3:7

Houg: yoomo mungdain: joem dangain"- byumyu" yi dangain" yo' myeing" cang: joeb ji da" byumyu" yi dangain" gi moid- baid myheing ja: thui: ri shoug" gyoo: lang" khokham Nebukhadneza zhug to" da" sheing: soolhoo: ri goeb pid no' boem ago".

AMO 6:5

Nanu" gi David yhang: ti" jikhoin" lhid" lho: teing she: wigi lid jhoem" yang" nyid boem ziri nanu" vho: ago".