PHAJHI" DANG: 2:6 - Lacid Common Language Bible

⁶ Ngoo gi houg: joem ri gyid byid: wa shid re" gyid thoem" joem du: bye:.

PHAJHI" DANG: 2:6 교차 참조

NEHEMIA 2:14

Hau: thang: voomoo" da" bidthu shoid khyo" moug zhung: shoid gyid thu khoem" moo" yo' khokham da" gyid thoem" khyoo: ju" khoo' bye:. Ngoo zhung: da" loo zei: gi khyoo: amyang yoomo byo, yoin" jo, da" zhoothung" boem khyo" so" lid: lo" da:.

NEHEMIA 2:8

Ngoo gi Noku Yhoem: Moo" lhoug zung" mo, nyid wa gyikhoug: zung khoem" moo" joem koid wa shid re" we' voomoo" vang joem koid wa shid re" we' houg: lho: ngoo nyid wa yhoem: shid re" we' seig voo: pang" thoug byid: wa akhang" ri khokham da" seig moo" yoo lhoug zung" su: Asab mo yo" yu wa mougsoug" dakhyab ri mho' yu bye:. Mangsoo gi ngoo yo' dage" nghoid lho: khosen phoo gi ngoo mho' zi dangain" ngoo ri byid: da:.

NEHEMIA 3:15

Kohoze da" yuggi zoo: Shalum ga: da" Mizpa mung" du ri vhoebkhang" su: gi gyid thu khoem" moo" ri doem xo' zhug da:. Nyang: gi khoem" moo" duang dangain" ri bo zhug wigi khoem" moo" joem ri nyang: nya: joyoo moo tab to" lho: khoem" kyang yo' seig khyung" joem ri tab to" da:. Nyang: gi Shela gyid thoem" mo David da" voomoo" mo gyo" lo da" zoem" lhang: ju" sho' khokham khyam: yo' tab jo, da" gu: ri doem zhug da:.

NEHEMIA 3:16

Azbug da" yuggi zoo: Bethzura mung" du ri vhoebkhang" da" Nehemia gi David loeb- gyid thoem"- yo' gyi zung joem ju" sho' zhug da:.

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

SHOLUMON JIKHOIN" 7:4

Re" leingzeing: gi xang: zei pyuzung yo' du da:. Re" myojid" gi Heshbon voomoo" khyam: khoem" yam moo jo, da" gyid thoem" yo' du da:. Re" nhoo: gi Damasku khyoo: shu: yab jo, da" Lebanon pyuzung yhang: ti" yu" jhed latung" zi nghoid da:.

YEREMIA 17:8

Nyang: gi gyid gyung: yam mo yug wigi gyid moo ju" sho' agyi: cen' da" seiggam yo' du da:. Hau: afu' joem nyau jo, yoomo lung yo, ju" loo lang" agyug ca" nghoid da:. Moug: avoo loug we' seing" akhoo" nghoid da:. Ashi" xo' zei: da:.