PHAJHI" DANG: 2:4 - Lacid Common Language Bible

⁴ Ngoo gi moo" zeing ri koid bue" lid: loo bye:. Ngoo nya: shid re" yhoem: joem zhug lho: zabyid khyam: joem sho" loo bye:.

PHAJHI" DANG: 2:4 교차 참조

APOEM AYANG: 11:4

Nyangnu" gi «Akhid" nyhang" moug: fu" lho: moug: gyab goin" abyo, sain" loo" wa shid re" mougkhung: moo thug sho' myang: da" pyuzung bo da" voomoo" daloem: ri zhug boem shang» ga: tid boem.

2 SAMUELA 18:18

Absalom gi nya: kangso' dei da" ayo, moo nya: myeing xo' wa shid re" yuggi zoo: ayoo" yoomo nyang: nya: shid re" khokham lang: gyoin: moo laxoem" zeing koid too" bye:. Hougsu" yoomo hau: ziri nya: myeing myheing to" wigi akhid" nyid" ju" sho' Absalom laxoem" ga: se' nyid boem.

1 KHOKHAM 15:19

Nyangnu" da" phoug" phyid" koid yhang: ti" ngoonu" we' seing" tain" bidnoem yi koid shang o". He: ngei yo' sheing: gi re" shid re" jhungshug nghoid. Akhid" Israela khokham Basha yo' nang seing" tain" bidnoem koid to" ziri phyo' pyam we'. Hougsu" nghoid rigi nyang: gi nga" mougmyid mo nya: gyiphung: ri shu" yu pyam wa zi nghoid.

1 KHOKHAM 9:1

Khokham Sholumon gi Noku Yhoem: Moo" we' khokham kho" we' nyang: koid nau da" yhoem: joem dangain" ri we' bain koid thang: ri

2 KHOKHAM MHOOMYID: 26:10

Nyang: gi dain" pa: moo we' gyidab pyuzung joem koid wigi gyid teing thoem" myoo: sho' we' du: to" da:. Ciwim gari nyang: gi bidvang shoid boem khyid: moo yo' dain" pa: joem moo gougnyhoug phung: myo: sho' yoo" yoomo nghoid da:. Nyang: gi yoo koid ziri myid boo su: nghoid yoomo boem moug: cang zabyid khyam: koid goo" wa yo' myidxu: ge da" mougmyid moo yoo koid zoo: goo" wa shid re" mung" byu yiri yoem: byid: da:.

2 KHOKHAM MHOOMYID: 8:11

Sholumon gi nya: yhoem: seing: myhi'- Egutu khokham myiyi: zoo: ri David da" voomoo" mo zi nyang: shid re" koid byid: da" yhoem: khyoo: phung" yu da:. Sholumon gi «Nyang: gi Israela khokham David da" khokham kho" moo age nyid Ciwim gari Dang: Theing Kuid: jo, da" joyoo khamoo: nghoid loug we' hau: zigi gyeung" shang: da" joyoo nghoid yoomo nghoid da» ga: tid da:.

COUNG" NGHEI 49:11

Nyangnu" da" mungdain: ri dalheung: seung: yu" boem bye: nghoid loug we' nyangnu" da" loeb duang: khuang" joem gi nyangnu" da" apyaid atoo: mo yhoem: nghoid nyid boem ziyo' nyangnu" gi hau: joyoo moo ayo, dangain" moo: daloung" jo, boem ago".

SHOLUMON JIKHOIN" 1:14

Nga" jheddab gi Engedi zabyid khyam: moo jo, da" bain: boo" yo' du da:.

SHOLUMON JIKHOIN" 7:12

Nyhang" gi no' mo to' wigi zabyid khyam: khyoo: yhi: yu" shang. Zabyid gam joem agyi: shi" la'- gyi: bye: la'- aboo" aboo" shi" la'- boo" bye: la'- lamei shigam aboo" aboo" shi" la'- boo" bye: la' yhe: yu" shang. Houg: moo ngoo nang ri nga" jheddab myid ab byid: wa.

ESAIA 5:1

Nga" byencang" phoo yo' nya: zabyid khyam: da" jikhoin" he: jikhoin" ri ngoo khoin" nyid uri tam" gyoo: we'. Nga" byencang" phoo gi myid xu: gye" ge da" bouggung atho' moo zabyid khyam: dakhyam: yo" da:.

DANIELA 4:30

Nyang: gi «Babelon khayhi' gyi: sheung: ziri yu" yu" shige'- ngoo gi nga" da" yoem: so'- yo' yoem: vhoo"- nga" da" phung: yo' phung" yoeb ri ci: shug byid: wa shid re" hau: ziri nga" voomoo" khyo" tam: to" zi nghoid» ga: tid da:.