PHAJHI" DANG: 2:3 - Lacid Common Language Bible

³ Ngoo gi phajhi" ri shau" yu wa myid vho: ziyo' zabyid yhid: shug lho: ngoo nya: gung ri pyoo: sho' nyid yu" wa ein: myid phyed bye:. He: zigi mougmyid tho' moo re" nyid da" ayo, moo ge thang khyoo: nghoid nyid bye: ein: ngoo shau" myid.

PHAJHI" DANG: 2:3 교차 참조

APOEM AYANG: 47:9

Yaku gi «Nga" da" kangso' gyung: khyoo: gi zain loem dasho: soem" xi: zain nghoid bye:. Hau: zain void gi aleing" kyeing" za: nghoid wigi ayoug: akhid" za: danghoid. Apyaid sheing: da" nga" phoug" phyid" yi da" apyaid rigi tho' oung: myhi: wa anghoid» ga: tid kyo".

YOBA 14:14

Byu dayug shid: lo" ri nyang: yo' doem dei loo wa la". Nghoid loug we' ngoo gi je ge da" ayo, ri lang" nyid wa. He: yau: khi" ayo, lid loo" sho' lang" nyid wa.

COUNG" NGHEI 104:15

Nyhang" nyang: za: ngei pyo: khyoo: yoo" wa shid re" zabyid yeung yi noug soem" si bui" wa shid re" zhainloin: xu: yoem byeung" loo wa da" shid re" cenmoin" zooyho, ri nyangnu" yo" koid thu nyid.

DANG: ZHOEM 20:1

Yhid: soung shoug ri nang nyho: yen" ziyo' ko" fang: loo" wa zi nghoid. Yhid: yed, zigi nheig agyeung: da" moo" nghoid.

PHAJHI" DANG: 1:17

Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 10:19

Zoo: shug pui" koid zigi nang ri pyoo: nhang: lho: zabyid yhid: gi nang ri myid pyoo: nhang: da:. Nghoid loug we' ngei ayo" ri hau: eig ja: goin" nang ayo" yu nghoid da:.

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

PHAJHI" DANG: 2:24

Byu dayug shid re" ge thang zigi nyang: nya: vhoo" kung: phoug" shau" yu to" ziri zo: lho: shug lho: ngei pyoo: tung" nyid zi nghoid da:. Nghoid loug we' hau: ziri lang" Mangsoo mo nghoid ziri ngoo myid boin: da:.

PHAJHI" DANG: 5:18

He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

PHAJHI" DANG: 7:25

Nghoid loug we' ngoo gi lasi phajhi" yo' jhau" zhang: yu wa shid re" ngoo nya: gung ri ab byid: pyam bye:. Ngoo gi phajhi" juyhi: yo' nga" dang: myid: joem da" dang: phuid: joem ri shoug" sho' sho: wa shid re" yo' nheig agyeing: zigi khayhi' akhyeing" ashoeb ziyo' koopyoid moo" nghoid ziri jhau" yu wa shid re" myid phyed too" bye:.

PHAJHI" DANG: 8:15

Houg: yoomo ngoo gi byu dayug gi nyang: nya: gung ri pyoo: sho' nyid ca" da:. Ciwim ga: ri he kangso' gyung: khyoo: moo nyang: shoug" yu da" pyo: ja: ein: wa zigi zo: shug lho: nyang: nya: gung ri pyoo: pyoo: nyid zi za: nghoid da ein: goolhoo: za: shau" myid loem bye:. Nyang: ri Mangso wigi he: mougmyid dang moo byid: to" da" kangso' gyung: khyoo: gu moo moo" zei: myung: nyid uri neing: thang he: ziri yo" koid wa nghoid da:.

MATHE 6:24

«Hang" nghoid loug we' Aseing: eig youg jang" moo lang: jhang yo" vang wa zi anghoid. Nyang: gi dayug ri ngheing" lho: dayug rigi jheddab wa zi nghoid. Houg: su" anghoid lang" gi dayug rigi vho: lho: dayug rigi anoug angei koid: zi nghoid. Nanu" gi Mangsoo ri we' moug myid ziyoo jonu" ri we' dage" lang: jhang yo" vang wa zi anghoid.

Ephesu 5:18

Yhid: ashug yed, nyid goo"- hau: zigi nanyang: ri lhu: phyo' shoin pyam wa zi nghoid nyid. Hau: gung khoo: venyi: yo' joeb byeung" nyid ge'.

TARHA" AGYI 9:13

Nghoid loug we' zabyid nei gi ‹Nanu" ri vhoeb wa shid re" yu phara" joem yo' byu yiri gau nhang: da" nga" zabyid yeing thu ziri theing: pyam ca" wa› ga: doem tid ga.

1 SAMUELA 25:36

Abigela gi khokham shid re" zoo: shug pui" koid byid: wa yhang: ti" nya: yhoem: moo: pui" koid nyid da" Nabala jhang khyoo: doem tau" loo" bye:. Nyang: gi yhid: yed lho: gye" pyo: nyid yoomo thang: nab kyoo ju" sho' ciwe' atid loo: nyid da:.