PHAJHI" DANG: 2:26 - Lacid Common Language Bible

²⁶ Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

PHAJHI" DANG: 2:26 교차 참조

APOEM AYANG: 7:1

Aseing gi Noa ri «Re" yhoem: byu yi dangain" yo' gyid lhid moo" zeing khoug: khyoo: vang loo we'. Mougmyid gyab goin" moo deing byeung" moo" zei: su: gi nang nyang: kyeing" nghoid nyid ziri ngoo myang bye:.

YOBA 32:8

Nghoid loug we' ngoonu" phajhi" byid: zigi ngoonu" adang moo gyoo" re" da" Myhang: thang Mangso Venyi: nghoid da:.

YOBA 38:36

Ibisa ngho' ri Nila gyung: je: wa ziri hang" wigi tid kyo" la". Moug: voo wa ga: ziri gyo, phoo ri hang" tid kyo" la".

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

COUNG" NGHEI 51:6

Nang gi nheigloem: dain: ziyo' deingmain" khyoo: ri damho' nyid yoomo nga" ung: khoug: nheigloem: moo re" da" ung: yeug phajhi" yo' byeung" jo, nhang: we'.

DANG: ZHOEM 13:22

Byu gi yigi nya: myid: nya: zoo: yi shid re" jonu" young: too" byid: khoo, wa nghoid. Nghoid loug we' yooboo dab, mo, da" jonu" koem gi deing: byeung" da" byu yi jhang khyoo: ju" loo wa nghoid nyid.

DANG: ZHOEM 2:6

Phajhi" juyhi: ri byid: nyid zigi Aseing nghoid wigi lasi laleug yo' se' gyo: jhang: yu da- lasi gi nya: jang" mo yo" yu nyid.

DANG: ZHOEM 28:8

Subi" gooyug ri mhau' fain" lho: atu" amyaid yo' ngei jhid" zo: khyo" wigi yo" loo de, lo nghoid rigi re" da" ziyoo jonu" joem gi sho" jhen: bang: ri nheig se' khyeug su: da" lo, khoug: khyoo ju" lo" byug wa zi nghoid.

PHAJHI" DANG: 1:13

Ngoo gi he: mougmyid gyab moo bue" lid: lo zi dangain" ri joeb ca: yu" lho: jhau" yu wa ein: myid phyed bye:. Mangsoo gi ngoonu" da" adang moo myid myoo: wa vhu" pi: lo, kyo' kyam: too" byid: bye:.

PHAJHI" DANG: 1:14

Ngoo gi he: mougmyid gyab moo koid lo zi dangain" ziri shau" myang loo bye:. Houg: lho: ngo wigi nanu" ri tid kyoo" ba. Hau: gu: dangain" gi akoem: za: danghoid ago". Hau: zigi lid ri khaid myheig ziyo' du da:.

PHAJHI" DANG: 2:25

Houg mo lid wigi gootu: kha: khyo" we nanya: gung nanyang: pyoo: sho' yo" zoo: yo" nyid wa la".

PHAJHI" DANG: 3:10

Mangso wigi ngoonu" da" dang moo ki" byid: da" lid: da" yoo voin ri ngoo se'.

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

YOHAN 16:24

Akhid" ju" sho' nanu" gi nga" da" myeing ri lang lho: daja" we' amho, atid yu" boem shi". Nanu" da" ngei pyo: da" khyoo: byeung" byeung" yo" yu wa shid' re" Akyu" mho' nyid ge'. Nanu" mho' ziyo' dakhyoo" ti"- yo" yu boem wa zi nghoid.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.