PHAJHI" DANG: 2:18 - Lacid Common Language Bible

¹⁸ Ngoo moo" zei: lho: shoug" yu to" da" zi ce: daja: we' nga" shid re" dang: kang: aboo. Ciwim gari hau: gu: ri nga" khoo: moo xo' zhung: su: da" lo, khyoo: too" byid: kho' ca" wa ziri ngoo se' da:.

PHAJHI" DANG: 2:18 교차 참조

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

COUNG" NGHEI 49:10

Adu: adam: mo, yo' koo" mo, wim: yhang: ti" phajhi" si' mo, lang" gi shid: ca" zi hang" we' se. Nyangnu" dangain" bang: gi nyangnu" da" jonu" ri nyangnu" da" amyed ashen yi shid mo teung too" kho' boem.

PHAJHI" DANG: 1:13

Ngoo gi he: mougmyid gyab moo bue" lid: lo zi dangain" ri joeb ca: yu" lho: jhau" yu wa ein: myid phyed bye:. Mangsoo gi ngoonu" da" adang moo myid myoo: wa vhu" pi: lo, kyo' kyam: too" byid: bye:.

PHAJHI" DANG: 1:3

Re" kangso' gyung: khyoo: gi moo" zei: ziyo' moo" joem koid wigi hau: shid re" yo" ci: shug wa zi nang moo ci yo" la".

PHAJHI" DANG: 2:11

Hau: thang: ngoo gi ngoo koid lid loo bye: zi dangain" da" khyoo: yo' hau: ziri khayhi' yoem: kaid lho: moo" zei: lo ziri myid yu" da:. Ngoo gi ci we' anghoid nhung: ziri myid boin: re" bye:. Hau: zigi lid ri cang khaid ziyo' du da:. Dajhi' we' akyu" aboo nghoid da:.

PHAJHI" DANG: 2:21

Nang gi re" phajhi" juyhi: dangain"- lasi phajhi" dangain" yo" jhang: gu dangain" wigi moo" zei lho: yo" sho: to" zi dangain" ziri hau: shid re" ci: akoid- ce: moo" azei: to" da" su: shid re" too' khoo' ca". Hau: zigi ce: akyu" aboo jo, we ajo,.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

PHAJHI" DANG: 3:22

Houg: yoomo ngoo gi ngoonu" moo" zei: da" gang mo yo" yu ziri pyoo: pyoo: yo" ci: yhung: lho: nyid zigi ge thang moo" zoo" nghoid ziri shau" myid boin:. Houg mo jain" lho: ngoonu" yo" koid zi ci: ajo,. Ngoonu" shid byug thang: ri ci: bui" loo wa ziri ngoonu" yo" si' wa khyoo: ajo, nghoid wa.

PHAJHI" DANG: 4:3

Nghoid loug we' hau: eig ja: goin" tho' je gi mo, gi khanham we' akhu: yu" bang: yo' he: mougmyid dang moo nyeing aveing" tarha" ri khanham we' ashau" myang bang: nghoid da:.

PHAJHI" DANG: 5:18

He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

PHAJHI" DANG: 9:9

He: mougmyid dang moo Mangso wigi nang ri byid: to" da" Kangso' gyung: khyoo: akoem: moo nang jheddab da" myiyi: myhi' yo' pyoo: pyoo: nyid we'. Hougmoo ce: akyu" abo da" akoem: bidnyid khang" moo" ri pyoo: pyoo: nyid we'. Ciwim gari hau: gu: gi re" yau: khe" kyi" khyeug dangain" da" gang mo nang yo" yu wa gu: dangain" nghoid abye:.

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.

1Korinthians 3:10

Mangsoo ngoori: byid: da" jeju" jhung: shug ri ci: lho: gye" se' da" yhoem: zhoug lag sama phoo yhang: ti" ngoo gi apoem: ayang: ri qei" too" byid: bye. Gootu: byu dayug yug gi hau: da" apoem: moo: doem bo zhang qei" do, lo" nyid nghoid loug we' zhang qei" do, loo" mo, dayug yo, dayug gi nyang: tu: nyang: khasu" zhang qei" do, lo" nyid ziri:- zid" lhid' nyid goo" baja".