PHAJHI" DANG: 2:14 - Lacid Common Language Bible

¹⁴ Phajhi" juyhi: boo bang: gi nyangnu" kha khyoo: yhe: lo" nyid ziri se'. Nheig agyeing: bang: gi asi' nghoid ago". Nghoid loug we' dangain" bang: shid re" daja: kyeing" da" vhu" pi: lo, kyo' gi ngoonu" dangain" ri lang" nyid ziri ngoo se' da:.

PHAJHI" DANG: 2:14 교차 참조

COUNG" NGHEI 19:10

Hau: zigi gyeung" thang da" sheung: tho' agoo- je vhoo: ge nyid. Hau: zigi gyeung" thang da" byoo: yhed: tho' moo: je cau: nyid.

COUNG" NGHEI 49:10

Adu: adam: mo, yo' koo" mo, wim: yhang: ti" phajhi" si' mo, lang" gi shid: ca" zi hang" we' se. Nyangnu" dangain" bang: gi nyangnu" da" jonu" ri nyangnu" da" amyed ashen yi shid mo teung too" kho' boem.

COUNG" NGHEI 49:11

Nyangnu" da" mungdain: ri dalheung: seung: yu" boem bye: nghoid loug we' nyangnu" da" loeb duang: khuang" joem gi nyangnu" da" apyaid atoo: mo yhoem: nghoid nyid boem ziyo' nyangnu" gi hau: joyoo moo ayo, dangain" moo: daloung" jo, boem ago".

DANG: ZHOEM 14:8

Ci: yoomo si su: jhang: su: gi phajhi" bo nyid lha". Khasu" wim gari nyang: zei: eung: da" moo" zoo" ri nyang: se' nyid yoomo nghoid. Ajoeb, abyeung" da" byu yigi ciyoomo ko" fang: nyid boem lha". Khasu" wim ga: ri nyang: gye" si' boin: nyid yoomo nghoid.

DANG: ZHOEM 17:24

Vhu" nug gi su: gi phajhi" bo da" moo" ri yu" young soin nyid byugang: yigi moo" yang: ga: zi ci" we' ajo.

PHAJHI" DANG: 2:16

Phajhi" juyhi: boo bang: ri hang" we' amyid boin: nheig agyeing: bang: ri we' hang" amyid boin:. Ju" lo wa da" ayo, moo gi ngoonu" dangain" bang: we' coem' to" myhed pyam ri" goo" wa. Phajhi" boo bang: yo' nheig agyeing: bang: ngoonu" dangain" bang: gi dakhyo" kyeing" za: shid: loo" goo" wa.

PHAJHI" DANG: 3:19

Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 6:6

Eig khyeing" zain: dei nyid loug we' kangso' gyung: khyoo: moo pyo: zi ashoug" da" su: tho' doug noo khyoo: ri je shoug" yu da:. Lo" thang moo gi nya: eig tang: goin" dajo, yoo khyoo: za loo" wa zi nghoid ago".

PHAJHI" DANG: 6:8

Phajhi" juyhi: boo su: gi nheig agyeing: su: tho' khayhi' je ge nyid la". Sho" jhen: yug gi kangso' gyung: khyoo: ri khasu" koid wa ziri se' lho: ci: akyu" kham zoo: wa la".

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

PHAJHI" DANG: 8:1

Ja noem joeb gi ce: dang: kang: bo ziri phajhi" boo su: za: se' da:. Phajhi' juyhi: gi nyang: ri yi nhang: wigi nya: myonhoo: lang: mhug ci: ziri byug loo nhang: da:.

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

PHAJHI" DANG: 9:16

Phajhi" gi yoem: so' tho' je ge ein: khanham we' ngoo dalhung tid nyid. Nghoid loug we' myung shoo" yug ri phajhi" bo ga: hang" amyed jhoo: yoomo nyang: tid ziri we' atam" gyoo: byid: nghoid ago".

1YOHAN 2:11

Nghoid loug we' nya: mang: nya: nhung" ri anoug angei koid nyid su: koem gi hau: moug: coid moo danyid nyid shi" su: nghoid lho: wigi nyang: gi moug coid' khoug: moo so" loo" yoomo nyang: khakhyoo: lo" nyid zi ashi, Khasu" wim gari hau: moug: coid gi nya: myojid" ri lhu: ced' pyam' byid: bye.