PHAJHI" DANG: 2:13 - Lacid Common Language Bible

¹³ O"- ngoo si' bye:- Moug: boo" gi moug: soid tho' je ge ziyo' dakhyo" phajhi" juyhi: gi nheig agyeing: zi tho' je ge da:.

PHAJHI" DANG: 2:13 교차 참조

COUNG" NGHEI 119:105

Re" da" mungdang: gi ngoo ri khyoo: shu" lo" da" myibung: yo' nga" gyung: khyo: shid re" bidbang nghoid.

COUNG" NGHEI 119:130

Re" da" jhoug" myeing" jhoug" thui: joem ri tid pang kyo" da" khyoo: gi bidbang ri pang byid: nyid wigi nheigboo ung: agyeung: bang: ri nheigboo ung: gyeung" loo nhang:.

DANG: ZHOEM 14:8

Ci: yoomo si su: jhang: su: gi phajhi" bo nyid lha". Khasu" wim gari nyang: zei: eung: da" moo" zoo" ri nyang: se' nyid yoomo nghoid. Ajoeb, abyeung" da" byu yigi ciyoomo ko" fang: nyid boem lha". Khasu" wim ga: ri nyang: gye" si' boin: nyid yoomo nghoid.

DANG: ZHOEM 16:16

Sheing: yo' ngei ri yo" yu wa tho' re" phajhi" juyhi: yo' lasi laleug yo" yu zigi je" ge nyid.

PHAJHI" DANG: 10:10

Re" voozung: nu: wigi hau: ziri nang asei" tho' nghoid rigi hau: zi ci: lho: yoem je kaid ca" wa. Shid mo khyoo: ri soin' ci: zigi myo, jang bo da" khyoo: nghoid da:.

PHAJHI" DANG: 11:7

Nyid" gung ayo, ri yug yo da" bidbang moo pyoo: pyoo: shau" nyid zigi ge da:.

PHAJHI" DANG: 7:19

Mung" vhoeb zoug: daxi: yug wigi voomoo" daloem ri yo" koid tho' byu dayug shid re" phajhi" juyhi: gi je akyu" yo" koid byid: da:.

PHAJHI" DANG: 9:16

Phajhi" gi yoem: so' tho' je ge ein: khanham we' ngoo dalhung tid nyid. Nghoid loug we' myung shoo" yug ri phajhi" bo ga: hang" amyed jhoo: yoomo nyang: tid ziri we' atam" gyoo: byid: nghoid ago".

PHAJHI" DANG: 9:18

Phajhi" juyhi: gi gyi jonu" tho' je ge da:. Nghoid loug we' yooboo yoo" su: dayug gi ge ziri myoo" sho' ri yo" lhu: phyo' pyam da:.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

MATHE 6:23

Re" da" myojid" age nghoid rigi re" da" gung goin" moug: coid' nghoid nyid. Nang moo bo da" bidbang gi moug: coid bue" byug nghoid rigi hau: moug: coid' gi khayhi' thu: no, jo, wa lha".

Ephesu 5:8

Shid' phyang" gi nanu" we' moug: coid' khoug: moo nyid lid lo yu" boem bye- Nghoid loug we' akhid" gi Aseing: da" byumyu" yi bue" lo boem bye: yoomo bidbang khoug: moo ju" vang lo boem bye- hougsu" nghoid yoomo nanu" gi bidbang da" nya: zooyi yhang: ti" zei: so' nyid yab, loo: ge'.