PHAJHI" DANG: 2:11 - Lacid Common Language Bible

¹¹ Hau: thang: ngoo gi ngoo koid lid loo bye: zi dangain" da" khyoo: yo' hau: ziri khayhi' yoem: kaid lho: moo" zei: lo ziri myid yu" da:. Ngoo gi ci we' anghoid nhung: ziri myid boin: re" bye:. Hau: zigi lid ri cang khaid ziyo' du da:. Dajhi' we' akyu" aboo nghoid da:.

PHAJHI" DANG: 2:11 교차 참조

APOEM AYANG: 1:31

Mangsoo gi nyang: zei bue" too" bye: da" lo, moo" dangain" ri yu" lho: gye" nheig yu" shid: nyid bye:. Myen" thang: ayo, lid: khare" lho: nab soin: ayo, ju" lang" hau: zigi khyug nyid" nghoid bye:.

COUNG" NGHEI 89:47

Nga" kangso' khayhi' leung" jo, ziri myid boin: we' shid: byug se' da" ngoonu" dangain" mo ri nang phain" so: to" ziri we' boin: so" nyid we'.

THU' LO" MOUGSOUG" 39:43

Moshe gi Aseing amyeing" byid: to" ziyo' dakhyoo" ti" nyangnu" koid to" da" jonu" dangain" ziri cang yu" da:. Houg: yoomo nyangnu" ri Moshe mainkaid byid: bye:.

PHAJHI" DANG: 1:14

Ngoo gi he: mougmyid gyab moo koid lo zi dangain" ziri shau" myang loo bye:. Houg: lho: ngo wigi nanu" ri tid kyoo" ba. Hau: gu: dangain" gi akoem: za: danghoid ago". Hau: zigi lid ri khaid myheig ziyo' du da:.

PHAJHI" DANG: 1:17

Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 1:3

Re" kangso' gyung: khyoo: gi moo" zei: ziyo' moo" joem koid wigi hau: shid re" yo" ci: shug wa zi nang moo ci yo" la".

PHAJHI" DANG: 3:9

Ngoonu" zei: da moo" dangain" mo ci: shau" yu la".

PHAJHI" DANG: 5:10

Nang gi ngei ri jheddab nyid nghoid rigi khanham we' nheig yo" deig wa zi anghoid. Nang gi yoo" zoo: yoo" shug yhoo: ga: myid nghoid rigi nang vho: gu dangain" ri khanham we' yo" yu wa zi anghoid. Houg: zigi akoem: nghoid da:.

PHAJHI" DANG: 5:16

Hau: zigi ajoo nghoid da:. Ngoonu" re" ziyo' dakyoo" ngoonu" lo" da:. Ngoonu" gi moo" zei: boem- lid ri cang khaid myheig boem. Houg: lho: nyangnu" ci yo" yu la".

HABAKU 2:13

Nang khyo" ung: pyam' da" byumyu" yigi akoem: moo zei: myung: pyam' lho: nyangnu" zhug to" zi dangain" myi: nge" pyam' bye:. Yoem: moo" bo da" Aseing gi he: moo" ri koid bye:.

1 TIMOTHI 6:6

Gyeing" nyang: ga: rigi nyang: nyang: yo" gu: ri nheig se' deug nghoid rigi leom khau: noku thung" gi byu dayug ri yo" loo de loo nhang: wa zi nghoid nyid.