PHAJHI" DANG: 12:9 - Lacid Common Language Bible

⁹ Nghoid loug we' myid phajhi" si' su: gi phajhi" juyhi: si' yoomo sube" ri nyang: se' ci: ziri xo' wigi jhau" byid: da:. Nyang: gi dang: zhoem' joem ri jhau" zhang: yu lho: deingmain" zigi hau: joem jo ziri ci: shug da:.

PHAJHI" DANG: 12:9 교차 참조

1 KHOKHAM 10:8

Re" yhoem: seing: myhi' yigi gye" gam ge nyid da:. Re" nam moo khanham we' nyid da" re" dei zoo: yi yo' re" phajhi" dang: ri shoug" gyoo: wa da" akhang" yoo" bang gi gye" gam ge nyid da:.

1 KHOKHAM 4:32

Nyang: gi dang: zhoem' soem: khyeing" yo' jikhoin" dakhyeing" jain" ri lhid" to" da:.

1 KHOKHAM 5:12

Aseing gi nya: dangsoo" ri pyeing bye: ziyo' Sholumon ri phajhi" byid: bye:. Hiram yo' Sholumon gi nyang: cang" nyang: dang: theing koid to" wigi nya: tang: agyoo: moo: ngei pyo: yug yo nyid da:.

DANG: ZHOEM 1:1

He: khyoo: gi David da" nya: zoo:-Israela khokham Sholumon da" dang: zhoem nghoid.

DANG: ZHOEM 10:1

He: zigi Sholumon da" dang: zhoem, joem nghoid- phajhi" bo da" zooshang: gi nya: phoo ri phau: khuang nhang: wigi ko" pyoid da" zooshang: gi nya: myhi' ri koug shu: nhang: nyid.

DANG: ZHOEM 25:1

He: khyoo: gi Yuda Khokham Hezekia da" vang moo nyid mo, wigi lhid" yu to" da" Sholumon da" goo tu: dang: zhoem joem nghoid.

DANIELA 12:3

Phajhi" bo da" vhu" shi: bang: gi mougkhung: moo bang jo, ja: yo' dage" dug bang nyid wa. Houg: lho: byumyu" myoo: sho' bang: we' jo ziri koid wa shid re" jhau" yu loo bang: gi kyi: joem yo' dakhyoo" ti" khanham we' dabang jo, wa» ga: tid da:.