PHAJHI" DANG: 12:7 - Lacid Common Language Bible

⁷ Ngoonu" gung du: gi mougmyid mo myid phei" khyoo: doem tau" lo" wigi kangso' gi ngoonu" ri byid: da" Mangso jhang khyoo: doem tau" loo" wa.

PHAJHI" DANG: 12:7 교차 참조

APOEM AYANG: 18:27

Abraham doem xo' wigi «Aseing we" jeju" mo doem xo' lho: voem" tid nyid khyoo: ri yooboo abyid:. Ngoo gi xangsu: byu nghoid wigi ce: dang: dakhoin" lang" tid moin: su: anghoid.

APOEM AYANG: 2:7

Hau: thang: Aseing Mangsoo gi myidjang mo myidzhoo" dajhi' ri yu lho: hau: ziyo' byu dayug alhoo: koid- nyang: gi hau: yug da" nhoo: khyung: moo kangso' ri moid kaid byid: wigi hau: byu gi kang: dei loo bye:.

APOEM AYANG: 3:19

Nang gi bid kyu" thu sho' moo" zei: yoem: kaid lho: nang ri phain" so: to" da" myidzhoo" khyoo: doem tau" lo" da" ayo, ju" sho' myidzhoo" moo moo" zei: lho: dashoug" zoo: wa. Nang gi myidzhoo" mo phain" so: to" yoomo nang gi myidzhoo" doem bui" wa nghoid» ga: tid.

YOBA 20:11

Nyangnu" gung du: joem gi coem" coem" lhung nu" lho: yoem: moo" bo da:. Nghoid loug we' amyang" ri nyangnu" gi pheilhoug: bue" loo" wa.

YOBA 7:21

Nang gi nga" yooboo ri ayo" khyoid byid: loo wa la" Ngoo koid shoid ziri nang yooboo ayo" khyoid byid: loo rhe" Daso' ri ngoo gi nga" loeb khoug: moo ju" jo, wa bye:. Houg: lho: nang ngoo ri cang sho: nyid uri ngoo gi lo" byug wa bye:.

COUNG" NGHEI 103:14

Nyhang" ri ce: noem' yo' phain" so: to" zigi nyang: se' nyid nyhang" gi myidzhoo" phei" nghoid ziri nyang: gi boin: so" nyid.

COUNG" NGHEI 104:29

Re" da" myonhoo: lheung: loo" lang" gi houg: bang: gyoug nyid houg: bang: da" kangso ri nang yoeb, yu pyam lang" gi nyangnu" gi shid: lo" lho: nyangnu" thu' lo da" hau: myidzhoo" phei" khyoo: doem tau" lo" byoug ago".

COUNG" NGHEI 146:4

Nyangnu" shid: loo" lang" gi myidzhoo" khyoo: doem tau" vang loo" goo" wa zi za: nghoid. Hau" bidnyid moo: nyangnu" myid too" khyoo: joem dangain" we' thang lo" byug wa zi nghoid.

COUNG" NGHEI 31:6

Nang gi yu yo' soolhoo: ri coung" pid nyid bang: ri ngheung" nyid. Nghoid loug we' ngoo gi nang ri za: loem khau: nyid wa zi nghoid.

COUNG" NGHEI 90:3

Nang gi mougmyid byu yiri myidzhoo" phei" doem bue" loo" nhang: wigi Nyangnu" ri akhang joyoo khyoo: doem tau" loo" loo: ge' ga: nang tid nyid.

ESAIA 57:16

Nga" byumyu" yiri ngoo kangso' byid: wigi nyangnu" ri xo' lho: yooboo azhug wa. Apyaid atoo: moo we' nyangnu" ri ngoo anheig yoo: wa.

YEREMIA 38:16

Houg: lho: khokham Zedekia gi «Ngoo gi nang ri asaid pyam wa nang ri said pyam nau da" bang: lo, khyoo: we' ngoo nang ri a ab pyam wa ein: ziri ngoonu" ri kangso' byid: da" Mangsoo- kangso' dei nyid Mangsoo da" myeing ri lang: wigi ngoo jham' tang: da» ga: sam: zoo: ngoo ri dangsoo" byid: da:.

DANIELA 12:2

Shid: loo" bye: da" bang: mo myoo" sho' bang: gi doem dei to' loo goo" wa. Dayham" gi ngei pyoo: tung" apyaid ato: kangso' yo" yu boem wa. Houg: lho: dayham" bang: gu gi yau: khi" yo' wigi apyaid atoo: da" jeju" ashau" kham zoo: wa.

ZEKHARIA 12:1

He: zigi Israela da" khyoo: Aseing pang shug da" mungdang: nghoid wigi mougkhung: ri phain" myhu: to" da" Aseing- mougmyid ri ayang: zhug su:- byu ri kangso' byid: da" Aseing tid zi nghoid.

GYUNG: SOO" 16:22

Nghoid loug we' Moshe yo' Arun gi nya: tang: myonhoo: ri myidjang khyoo: goeb pid wigi «O" Mangsoo we"- nang gi kangso' dangain" da" ajhung: nghoid da:. Dayug kyeing" yooboo koid ri shava phung: dangain" ri nheig yo: rhe"» ga: tid.

GYUNG: SOO" 27:16

«Aseing Mangsoo kangso' apoem: we" ngoo akyu" mho'- byumyu" yiri yo" shu" vhu" she: wigi

LUKA 23:46

Yesu gi O" nga" phoo we"- Aseing: da" lo, moo nga" Venyi: ab byid: bye" ga: thui: zeing: yo" gyi" sho' nyho: lho: kang: gyoo" khari" bye.

ACTS 7:59

Nyang: nu" gi Stepain ri houg: su" lug go' wigi du" go" nyid da" uri stephain gi Aseing" we" Aseing: we" - nga" Venyi ri kham: yu byid: we' ga: Aseing: ri mho' yoid nyid.

HEBRE 12:23

Nanu" gi moug: khung: mo zhayen" moo bo da" - Mangsoo yi da" gau yi phung foem: moo we' byumyu" yi dangain" da" dang: kho' su: ein: da" Mangso jang" moo we' joeb, byeung" nhang: zi shug bye: da" deing: byeung" mo, da" venyi joem jhang khyoo: we' ju" nyid boem abye: go.

HEBRE 12:9

Nanu" ri jhau" mhoo, byid: da" xang: su: nya: pho, ri phau" myang: nyid boem nghoid rigi ngoonu" da" Venyi yo' sen: nya: pho, vhoo: moo goeb, jo, boem lho: kangso' dei nyid boem ca" anghoid goo" la".