PHAJHI" DANG: 12:11 - Lacid Common Language Bible

¹¹ Phajhi" boo bang: da" jhau" shid dang: joem gi yang joem ri yu" coung: wa shid re" yang zung" su: ci: da" lhamdung: coin: joem yo' du ago". Houg: lho: khyu: zheing" to" da" phajhi' dang: zhoem joem gi teing sho' baid zhug to" da" joto' tin" zei: joem yo' du ago". Houg: joem gi ngoonu" da" dayug kyeing" nghoid da" yang zung" su: Mangso wigi byid: to" zi nghoid da:.

PHAJHI" DANG: 12:11 교차 참조

APOEM AYANG: 49:24

Nghoid loug nya: lid: gi sam: sam: deing jo, kho' wigi nya: gyi zi joem gi Yaku da" myhang: thang Mangsoo yoem: so' yo' we' Israela ri goem loem nyid su: da" yang zung" su: khyo" we' yoem: boo nhang: wa.

EZRA 9:8

O" ngoonu" Aseing Mangsoo we" akhid" daso' shi" za: nang ngoonu" ri nheig khyeug shoomyen: wigi ngoonu" dayham" ri join koid jang" mo loid byoin loo nhang: ziyo' hau: gyeung" shang: joyoo moo laloem lanyu: nyid nhang: bye: zi nghoid. Nang ngoonu" ri join koid jang" mo loid byoin loo nhang: ziyo' ngoonu" ri pyaid seig doem byid: bye: zi nghoid.

COUNG" NGHEI 23:1

Aseing gi yang zung" su: ti" ngoo ri lhoug zung" nyid. Houg: yoomo ngoo ca" nyid da" zi dangain" ngoo yo.

COUNG" NGHEI 80:1

Israela byumyu" yi da" yang zung" su: we' ngoonu" ri tam" gyoo: byid: we'. Yang phung: yi da" vhujhung: phoo we' shoug" gyoo: byid: we'.

DANG: ZHOEM 1:6

Hougsu" nyangnu" gi dang: zhoem mo phajhi" boo bang: yhoem" to" da" khyoo: joem ri:-yo" se' gyo: yu boem wa nghoid.

DANG: ZHOEM 10:21

Byugi yi da" dang: joem gi byu myoo" sho' bang: ri akyu" jeju" shoug" kham: yu nhang: nyid. Nghoid loug we' nanya: nheig agyeung: da" khyoo: gi nanya: da" gung du: ri nanyang: said nyid.

DANG: ZHOEM 22:17

Tam" gyoo: we' ung: yeig phajhi" boo mo, tid da" dang: ri ngoo jhau" byid: ba -nyangnu" jhau" mho' dang: ri gyo: xoem" yu we'.

PHAJHI" DANG: 10:12

Phajhi" boo yug tid zigi nyang: ri ngi: shab byid: da:. Nghoid loug we' nheig agyeing: koopyoid gi nya: dang: wigi phyo' soin' pyam zi shau" da:.

PHAJHI" DANG: 7:5

Nheig agyeing: bang: wigi nang ri coung" jikhoin" khoin" da" tho' moo phajhi" boo bang: jhau" shid khyo" nheig yo" zigi je ge da:.

ESAIA 22:23

Dung" zeing yo' dakhyo" nyang: ri ngoo teing za: tei" too" wa. Nyang: yhoemkhung: dangain" shid re" ngi: shab khyoo: ayang: nyang: nghoid wa.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

YEREMIA 23:29

Nga" mungdang: gi myi: yo' du wigi lug moo" boem ri ajab jab baid mhoin' pyam da" baid du yo' du da:.

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

MATHE 3:7

Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha".

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YOHAN 3:10

Yesu doem phougtu" zigi nang gi Israela amyu" mo Sara: moo" dayug nghoid to" nyid lho: wigi he: da" khyoo: ri nang ase' lo nhung: lha".

ACTS 2:37

Meing: byu yi hau: dang: ri shaug" gyoo: lang" gi nyangnu" da" nheigloem: moo gyi" sho' gyo: zang" boem yoomo Petru yo' lagyoo: gooji ri mang: nhung" yi we' ngoonu" khasu" koid boem wa lha"» ga: myed: boem.

2~KORINTHU 10:4

Ngoonu" da" meing: zain: jang: moo ci: da" gyizi gyikhoo: gi mougmyid xangsu: byu yi ci: da" gyizi gyikhyoo: anghoid. geung: teung jo, da" gyidab: joem ri yo" phyo' pyam da" Mangso yoem: so' yo' byeung" da" gyizi gyikhoo: joem nghoid nyid. Ngoonu" gi adeung amain"- ngeug yang: go" da" dang: joem ri dazain: lhu: phyo' boem.

HEBRE 13:20

Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" Aseing Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".

HEBRE 4:12

Khasu" wim gari Mangsoo mungdang: khoin" gi dadei nyid ziyo' - sham: soo" eig shoid tho' lho: ce: ja" lhab, sham: tho' mo we' je, tho' jo.Hau: zigi kangso' venyi yo' nheigloem: shau" go" da" joyoo ju" sho' we' shoo" youg xeig yo' youg: khyang: khau: moo ju" sho' we' dangain" ziri yo" kho' khyam" lo" wigi byu yi da" e" myed nheigloem: khoug: mo myed soin' lo" khyoo: dangain" ziri dang: yo" phyed' pharan byid: nyid.

1PETERU 5:4

Yang lhug zoug: moo" thu' myhang lo da' bidnyid moo nanu" gi myonhoo: phung: yoeb, bug thu' sheing" jhu" ziyo' khanham we' ashoem: apyang: lo: da" bidmug ri shau" yu boem wa zi nghoid.