PHAJHI" DANG: 12:1 - Lacid Common Language Bible

¹ Houg: yoomo nang ngi shi" da" ayo, nang nheigloem: thang da" bidnyid joem yo' «Kangso' gyung khyoo: moo ngoo apyoo:» ga: tid wa zain nyid aju" shi" ri re" phain" so: Aseing ri myid boin: we'.

PHAJHI" DANG: 12:1 교차 참조

APOEM AYANG: 39:2

Aseing gi Yoseb yo' dage" nyid wigi nyang: ri oung: doid nhang: bye:. Nya: aseing Egutu byu yhoem: moo nyid nyid.

APOEM AYANG: 39:23

Yoseb ri yoovoin foin: to" jang" mo thung: agyi phoo gi ci: we' abo ca" loo:. Aseing gi Yoseb yo' dage" nyid nyid yoomo nyang: zei: moozei: dangain" nyang: yo" zei oung: doid bye:.

2 SAMUELA 19:35

Ngoo gi shid xi: zain byeung" bye:. Myid pyo: khyoo: gootu: yo" byid: loo wa zi anghoid. Cizoo: cishug nghoid loug ngham" thui: agyoo: loo:. Ngoo gi aseing: khokham shid re" yoovoin lid: nhang: zi danghoid wa.

2 SAMUELA 19:36

Ngoo gi houg: yhang: ti" jhungshug moo" zeing yo' amoin: loo: nghoid da:. Houg: yoomo Yodan gyid lang thu: tab moo dadoin: zoo: nang ri re" de" kaid wa.

1 KHOKHAM 14:13

Israela byumyu" yi dangain" nya: shid re" nheig koug nheig nge ziyo' myhoeb pyam boem bye:. Nyang: dayug kyeing" Israela Aseing Mangso da" myid vho: zi shoug" yoomo Yeroboam ikoin deungkhu: byu yi mo nyang: dayug kyeing" za: goo" lho' myhoeb zi shoug" wa nghoid.

1 KHOKHAM 18:12

Ngoo thu loo" yo' dage" Aseing da" Venyi: gi nang ri ase' da" joyoo gootu: khyoo: shu" lo" nghoid rigi khasu" koid wa la". Hau: thang: nang hid: moo: nyid khyoo: ri ngoo Ahab ri tid kyo" wigi nyang: nang ri amyang lang" nyang: ngoo ri said pyam wa zi nghoid. Ngoo gi zooyam pyaid mo Aseing ri loem khau: noku su: nghoid ziri boin: we'.

NEHEMIA 4:14

Byumyu" yi seing" kho" nyid ziri ngoo shau" myang wigi nyangnu" yo' nyangnu" da" vhujhung: yi gyizoug: yiri «Ngoonu" da" gyivoo yiri agyug goo"- Aseing gi khayhi' gyi: sheung: lho: khayhi' gyoug dain ca" ziri myid boin: we'. Houg: lho: nanu" da" bidnoem yi shid re" nanu" da" nya: zoo: yi nanu" da" nya: yhoem: seing: myhi' yi nanu" da" yhoem: joem shid re" gyi zain: byid: ziri myid boin: ge'» ein: tid da:.

YOBA 30:2

Nyangnu" gi yoem: bain byug bye: yuggi joem nghoid wigi Nga" shid re" ce: moo" we' ayo" zei: byid: loo: nghoid ago".

COUNG" NGHEI 119:55

Aseing we"- myen" mo da" ayo, moo ngoo nang ri: myid boin: nyid wigi re" tarha" da" khyoo: joem ri ngoo myid soin: yu" nyid zi nghoid.

COUNG" NGHEI 34:11

Ri" ge'- nga" byencang" nu" yi we' nga" dang: ri tam" gyoo: we'. Aseing ri gyoug phoug" wa shid re" nanu" ri ngoo jhau" byid: ba.

COUNG" NGHEI 63:6

Ngoo gi yhoeb yoo tho' moo: leung jo, uri nang ri myid boin: nyid. Damyen goin" nang ri myid so" nyid.

COUNG" NGHEI 90:10

Ngoonu" da" kangso' gi nyhed xi: zain' nghoid- ngoonu" yoem bo boem nghoid ri koem gi shed xi: zain' ju" nyid boem. Nghoid loug we' hougsu" kangso' dei nyid da" bidnyid gu: moo yau: khi" ziyo' koug shu: khyoo: za: kham' zo: nyid boem. Daso, lang" apyaid we' lid lo" byoug wigi ngoonu" gi dang: lo" byoug boem wa nghoid.

DANG: ZHOEM 22:6

Zooshang: ri nyang: cang ge da" khyoo: ri jhau" byid: we' Houg: lang" nyang: gi dapyaid goin" xoem" ci: wa zi nghoid.

DANG: ZHOEM 8:17

Ngoo ri jheddab bang: ri ngoo jheddab nyid ngoo ri shoo: bang: hang" we' ngoo ri shoug" sho: myang ago".

PHAJHI" DANG: 11:10

Nanu" gung ri ci: yo' we' myid amyoo: nhang:- noo we' anoo nhang:. Nang gi gye" myang" sho' apyaid nge nyid wa zi anghoid.

PHAJHI" DANG: 11:2

Re" arang" ngei ri joyoo myoo: sho' khyi' khang" moo" moo kaid too" we'. Ciwim gari he: mougmyid dang moo nang joem: lo" khyoo: khasu" thung" shoug" phu" zoo: wa ga: ziri nang khanham ayo" se' too".

PHAJHI" DANG: 11:8

Nang dei nyid da" zain nyid khang" mo" shid re" jeju" boin: soo" we'. Nang gi khamyhang nyid myang" loug we' aca". Hau: tho' je myang" sho' nang shid: jo, wa ein: ziri myid boin: we'. Shid khyo myid lang" wa zi ce: daja: we' ajo,.

ESAIA 26:8

Ngoonu" gi re" myid vho: ziri cang lho: nang moo ngoonu" myid byu nyid. Nang gi ngoonu" myid vho: khyoo: dangain" nghoid da:.

NGOUG JI: 3:27

Houg: yoomo he: khyoo: ri ngoonu" vedyam" yo, moo yo" jhau" yu wa zigi ge thang khyoo: nghoid.

DANIELA 1:17

Mangsoo gi hau: zooyam myid: yug ri lasi phajhi"- mougsoug" yo' myid phajhi" se' jhang: ziri byid: da:. Hau: tho' agoo" Daniela ri yoeb myang myang ziyo' yhoeb mo joem ri se' phid: kyoo" wa da" lasi phajhi" ri byid: da:.

HOSEA 7:9

Tungbau yiri khau: nghe: zigi nyangnu" da" yoem: ri lhoid yu pyam ziri aboin: soo" nghoid ago". Nyangnu" da" bidnyid joem gi thang jo, bye:- Nghoid loug we' nyangnu" gi hau: ziri si' lang" asi' goo" nghoid da:.

LUKA 1:15

Nyang: gi Mangso da" shid' khoin" moo gyi: sheung: su: nghoid wa. Nyang: gi zabyid yhid: yo' yed coid ja: yhid: ri shug wa su: anghoid.

LUKA 18:16

Nghoidloug we' Yesu gi zoo shang yi ri khe: yu lho: zooshang: yi ri nga" jhang ri" nhang: ge' alhoem: toem too" goo". Khasu" wim gari Mangso mungdain: gi houg: yhangti" mo, da" mungdain: nghoid.

Ephesu 6:4

Myhi, phoo yi we"- nanu" da" nya: zoo: yi ri nheigloem: yoin" wa khyo" ci" we' akoid byid nyid goo"- hau" gung khoo:- nyangnu" ri Khristain byu nyid byu yab, khyoo: khyo" jhau" mo, khu: gyi: kaid' ge'.

TARHA" TID POIN" 8:18

Nanu" ri jonu" yoo" wa yoem: so' byid: da" yug gi nanu" Aseing Mangsoo nghoid ziri myid boin: ge'. Nyang: hid: su" koid zigi nanu" phoug" phyid" yi yo' nyang: koid to" da" dang: theing adang mo nyang: akhid" nyid" ju" sho' dang: zung" nyid shi" yoomo nghoid.

2 TIMOTHI 3:15

Nang gi zoonu" pyaid mo nyang:- se' da" akhyoo" bo jo, wigi Khristu Yesu ri loem" jeung" khyoo: yoomo khyoid yu khyoo: ri shau" yu wa shid re" khyoo: shed' vhu" she: da" hau: gyeungshang: da" jhoem: mougsoug" ri goolhoo" za: si' bye: su nghoid ziri we' daboin: nyid we'.

1 SAMUELA 1:28

Hougsu" nghoid yoomo ngoo gi nyang: ri Aseing jang" moo shoug byid: re" zi nghoid. Nyang: dadei nyid nyid gi Aseing shid re" nghoid baja"» ga: tid. Hau: thang: ri hau: joyoo moo nyangnu" gi Aseing ri noku nyid boem ago".

1 SAMUELA 16:7

Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid» ga: tid bye:.

1 SAMUELA 2:18

He: ayo, ri zooshang: zoo: Samuela gi gyeung" shang: da" zin: yung" pain" byikua" ri void ci: wigi Aseing ri dei byid: nyid da:.

1 SAMUELA 2:26

Hau: zooshang: zoo: Samuela gi Aseing shidkhoin" moo we' byu shidkhoin" moo we' xo' wigi gyi: sheung: lo lho: myonhoo: ngei lang: bo nyid.