PHAJHI" DANG: 11:8 - Lacid Common Language Bible

⁸ Nang dei nyid da" zain nyid khang" mo" shid re" jeju" boin: soo" we'. Nang gi khamyhang nyid myang" loug we' aca". Hau: tho' je myang" sho' nang shid: jo, wa ein: ziri myid boin: we'. Shid khyo myid lang" wa zi ce: daja: we' ajo,.

PHAJHI" DANG: 11:8 교차 참조

YOBA 10:21

Ngoo gi amyang" ri lo" byug wigi khanham we' adoem tau" loo loo: wa. Teing: no, wigi moug: doeb da" moug: khyoo: loo" loo: wa.

YOBA 10:22

Bid bang nyang: we' moug: coid bue" da" joyoo moug: coid meing:- bid yoeb yoeb da" meing:- anhung akhoid da" meing: khyoo: loo" loo: wa.

YOBA 14:10

Nghoid loug we' byu dayug shid: lo" ri hau: zigi nya: shid re" thang: thang nghoid bye:. Nyang: shid: lo" wigi khamoo: lo" nyid la".

YOBA 14:12

Byu shid: lo" wigi khanham we' adoem to' loo nghoid da:. Mougkhung: dageing: teing jo, jo, gi nyangnu" adoem to' loo loo wa. nyangnu" yhoeb jo, jang" moo khanham we' lhu: zhuang" zi ashau" loo wa.

YOBA 15:23

Langda joem gi nyangnu" da" manggung joem ri zoo: wa ga: lang" nyid. Nyangnu" da" ju" loo wa ayo, gi moug: coid coid jo, ziri nyangnu" se'.

YOBA 18:18

Nyang: gi dei nyid bang: moug: mo khaid thu pyam zi shoug" wa. Bid bang khoug: mo moug: coid khoug: khyoo: khaid thu pyam zi shoug" wa.

COUNG" NGHEI 49:20

Byu yi da" gye" nghoid bye: ga: khyoo: gi shid: jang" mo nyang: ri ayo" khyoid yu. Nyang: gi gougnyhoug joem yhang: ti" shid: loo" shi" wa zi nghoid.

PHAJHI" DANG: 11:2

Re" arang" ngei ri joyoo myoo: sho' khyi' khang" moo" moo kaid too" we'. Ciwim gari he: mougmyid dang moo nang joem: lo" khyoo: khasu" thung" shoug" phu" zoo: wa ga: ziri nang khanham ayo" se' too".

PHAJHI" DANG: 2:15

Ngoonya: gung ngoo nyang: myid yu" «Nheig agyeing: mo, phu" zo: ziri ngoo we' phu" zo: da:. Houg ri ngoo houg phajhi" mo ce: akyu" shoug" yu la"» «Ciwe' ayo" yu» ein: ngoo tu".

PHAJHI" DANG: 2:17

Houg: yoomo byu kangso' gyung: khyoo: gi nga" shid re" ce: dang: kang: athu. Ciwim gari hau: ayo, mo ja: khang" moo" gi ngoo ri yau: khi" mo lid: wigi ce: daja: we' aci: ri" byid: nghoid da:. Dangain" gi akoem: nyang: nghoid da:. Ngoo gi lid ri dalhung khaid nhung:.

PHAJHI" DANG: 2:19

Houg: lho: nyang: gi phajhi" bo ri boo wa.- nheig agyeing: ri agyeing: wa hang" se'. Nghoid loug we' he: mougmyid tho' moo ngoo moo" zei: da" akyu" ja: khang" moo" ri nga" phajhi' yo' shoug" yu to" da" ja: khang" moo" ri nyang: seing: yu ri" wa. Hau: zi dangain" akoem: danghoid.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

PHAJHI" DANG: 4:16

Khokham dayug wigi vhoeb da" byu gi thang ga: zi ajo, ri ajo, wa. Nyang: anyid lo thang: ri nyang: koid kho' da" ziri hang" wigi we jeju" boin: goo" wa zi anghoid. Hau: zigi akoem: nghoid da:. Hau zigi lid ri cang khaid ziyo' du da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 6:11

Nanu" je myang" sho' ngeig go" ri hau: zigi je akoem danghoid da:. Houg: lho: nang gi ci: aje gi.

PHAJHI" DANG: 6:6

Eig khyeing" zain: dei nyid loug we' kangso' gyung: khyoo: moo pyo: zi ashoug" da" su: tho' doug noo khyoo: ri je shoug" yu da:. Lo" thang moo gi nya: eig tang: goin" dajo, yoo khyoo: za loo" wa zi nghoid ago".

PHAJHI" DANG: 7:14

Re" shid re" ja: noem joeb gi gi za: nghoid lo nyid ri ngei bu we'. Houg: lho: yau: khi" ju" re" da" uri we' ngei bu: khyoo: yo' yau: khe" khyoo: eig ja: goin" ziri Mangso wigi nhang: kaid byid: zi nghoid ga: ziri we' thang: moo ci: xo' pui" wa ein: ziri nang khanham we ayo" si' ein: ziri myid boin: we'.

PHAJHI" DANG: 8:12

Yooboo yoo" su: gi yooboo moo" ri dashoo: ja: koid loug dei ri dadei nyid shi" wa. O" nghoid bye:- nyangnu" citid ziri ngoo se'. Mangsoo ri nang tam" gyo: nghoid rigi ja: khang" moo" ci: aca" wa.

PHAJHI" DANG: 8:15

Houg: yoomo ngoo gi byu dayug gi nyang: nya: gung ri pyoo: sho' nyid ca" da:. Ciwim ga: ri he kangso' gyung: khyoo: moo nyang: shoug" yu da" pyo: ja: ein: wa zigi zo: shug lho: nyang: nya: gung ri pyoo: pyoo: nyid zi za: nghoid da ein: goolhoo: za: shau" myid loem bye:. Nyang: ri Mangso wigi he: mougmyid dang moo byid: to" da" kangso' gyung: khyoo: gu moo moo" zei: myung: nyid uri neing: thang he: ziri yo" koid wa nghoid da:.

PHAJHI" DANG: 9:7

Shidkhyoo: xo' yhe: we' re" zoo: noem ri zo: lho: ngei pyo: nyid we' re" zabyid yhid: ri shug lho: pyo: nyid we' Hau: zi dangain" gi Mangsoo yo' nghoid da:.

YEREMIA 13:16

Moug: coid zi aci: ri" shi" ri boem joem moo nanu" khyid: vhu" athung" shi" ri Nyang: gi nanu" myid lang" nyid da" bidbang ri no, seing" kyid: akoid pyam shi" uri Nanu" da" Aseing Mangsoo ri ngi: shab byid: we'.

YOELA 2:2

Hau: bidnyid gi moug: doeb lho: no, seing" kyid: ziyo' moug: coid lo wigi jhoemmoug" nheung: da" bidnyid nghoid. Boem tho' moo moug: coid nghoeb lo yhang: ti"- jhenkhyeug phung: moo" zeing dang: ju" loo bye:- houg: te" zigi khanham we' abue" yu" shi"- he: thang: nab we' khanham we' doem bue" loo wa zi anghoid.

MATHE 22:13

Hou thang: khokham" phoo gi nya: dei zoo: yiri ‹He: yug da" khyid: lo, moo tei" joeb lho: nghe: shoid mo moug coid khoug: khyoo du" zei kaid ge'› ga: tid. Hau: joyoo moo nyang gi" ngoug byid: ngoug nhab' yo"- zei yang: ngaid zeing kham: yau nyid wa"- ga: tid.

YOHAN 12:35

Yesu phougtu" da" zigi Bid' bang gi nanu" moo daso date: jo, loo- wa. Nanu" ri moug coid alo nghoeb' pyam wa da" shid' re" bidbang jo shi" da" uri so" yen" ge'. Moug coid khoug: moo so" yen" mo gi nyang: nyang: kha: khyoo: so" lo" zi asi nghoid ago".

TARHA" TID POIN" 32:29

Nyangnu" gi ciwim gyi soem" ziri ase' myang goo" nghoid da:. Nyangnu" cibue" lo ziri we' asi' goo" nghoid da:.

YUDA 1:18

Khasu" wim ga: ri lo" thang da" bidnyid moo nanu" ri juang" yi lho: wigi nyang: nya: vhoo: boo: myo, no, da" nheigloem: axoug" ri cang mo gyeungshang: da" Venyi ri ayo" yu mo