PHAJHI" DANG: 11:10 - Lacid Common Language Bible

¹⁰ Nanu" gung ri ci: yo' we' myid amyoo: nhang:- noo we' anoo nhang:. Nang gi gye" myang" sho' apyaid nge nyid wa zi anghoid.

PHAJHI" DANG: 11:10 교차 참조

YOBA 11:12

Loo zei: lam" joem ri mi" sho' yo" khu: loo lang" she Nheig agyeing: bang: phajhi" bo shid" re" da:.

YOBA 13:26

Nang gi ngoo ngi shi" uri koid da" moo" shid re" Ngoo ri kyid: kyid: kho" da" khyo" yooboo zhug da:.

YOBA 20:11

Nyangnu" gung du: joem gi coem" coem" lhung nu" lho: yoem: moo" bo da:. Nghoid loug we' amyang" ri nyangnu" gi pheilhoug: bue" loo" wa.

COUNG" NGHEI 25:7

Zooyam, yo, mo wigi ngoo shoid vhang: yooboo yo' ajo da" khyoo: ri khyoid pyam byid: we'. Aseing we" re" da" geung: teung jhed khyeing: kang: khyeing: yo' ge da" khyoo: khyo" ngoo ri myid boin: so" nyid we'.

COUNG" NGHEI 39:5

Nang byid: to" da" nga" kang: so' gi khayhi' leung" jo lha". Re" da" shid moo: nga" da" kangso' apyaid gi ci" we' anghoid. Gyeing" nyang: dadei nyid da" byu yugkhang" moo" gi so' she: nyid da" lid yo'

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

DANG: ZHOEM 22:15

Zooshang: mi" gi anghoid akhuang athoug" akhyoug: khyoo: za: lhoung se' koid ago"- jhau" mho' da" voosi" koem gi nyangnu" ri goolhoo: za: se' nyid yab goo" wa shid re" jhau" shed byid: nyid.

PHAJHI" DANG: 1:14

Ngoo gi he: mougmyid gyab moo koid lo zi dangain" ziri shau" myang loo bye:. Houg: lho: ngo wigi nanu" ri tid kyoo" ba. Hau: gu: dangain" gi akoem: za: danghoid ago". Hau: zigi lid ri khaid myheig ziyo' du da:.

PHAJHI" DANG: 1:2

Myid soin: phajhi" si su: tid zigi akoem:-akoem: nghoid. Kangso' gyung: khyo: gi akoem:- dangain" akoem: za: danghoid.

PHAJHI" DANG: 12:1

Houg: yoomo nang ngi shi" da" ayo, nang nheigloem: thang da" bidnyid joem yo' «Kangso' gyung khyoo: moo ngoo apyoo:» ga: tid wa zain nyid aju" shi" ri re" phain" so: Aseing ri myid boin: we'.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.