PHAJHI" DANG: 10:16 - Lacid Common Language Bible

¹⁶ Hau: mungdain: da" khokham gi nge lho: houg: mo vhujhung: yigi damyen goin" goin" zoo: shug pui" koid nyid da" mungdain: gi yau: khi" shau" da:.

PHAJHI" DANG: 10:16 교차 참조

1 KHOKHAM 12:11

Nyangnu" ri tid we' nga" phoo gi nanu" atho' moo: lid: da" yoovoin ri foin: too" bye: ngoo hau: joem ri je" lid: sho' koid wa. Nyang: nanu" ri voosi" yo' baid da:. Ngoo gi nanu" ri joto' zu: tab to" da" voosi" yo' baid wa zi nghoid ein: tid we'» ga: tid.

2 KHOKHAM MHOOMYID: 13:7

Thang: ri nyang: gi byu gang daphung: ri zheing" yu wigi nyangnu" ri gyi tau" koid wa sung nge ziyo' ci athung" shoug" yu" da" Sholumon da" nya: yuggi zoo: Rehoboam ri nyangnu" myid vho: da" khyoo: agyoo: atho' jhoin" koid nhang: da:.

2 KHOKHAM MHOOMYID: 36:11

Zedekia gi Yuda khokham bue" lo uri apyaid eig xe: dazain nghoid wigi nyang: gi Yerusalem moo daxe: dazain vhoeb nyid da:.

2 KHOKHAM MHOOMYID: 36:2

Yoahaza gi nyang: khokham bue" uri apyaid eig xe: soem" zain: nghoid bye: wigi Yerusalem moo lhammoo" soem" khyab vhoeb da:.

2 KHOKHAM MHOOMYID: 36:5

Yehoiakim gi Yuda khokham bue" lo uri apyaid eig xe: wim: zain nghoid wigi nyang: gi Yerusalem moo daxe: dazain vhoeb nyid da:. Nyang: gi nya: da" Aseing Mangsoo ri yooboo shoid da:.

2 KHOKHAM MHOOMYID: 36:9

Yehoiakhin gi Yuda khokham bue" lo uri apyaid daxe: shed zain nghoid wigi nyang: gi Yerusalem moo lhammoo" soem" khyab daxi: nyid" vhoeb da:. Nyang: we' Aseing ri yooboo shoid da:.

DANG: ZHOEM 28:16

Ge da" nheigloem: lasi phajhi" abo da" zoug: gi nyang: nau khyo" vhoebkhang" nyid. Houg: gi athoug" akhyoug: da" zoug: lain: nghoid- adeing amain" da" khyoo: ri ngheung" nyid da" zoug: koem gi myang" sho' yo" vhoebkhang" nyid wa zi nghoid.

PHAJHI" DANG: 10:15

Nyang: nya: yhoem: phang: khyoo: ri ase' shoo: loo: sho' nheig agyeing: yug za: nya: gung nyang: moo" zei: myung: dau nyid wa.

ESAIA 3:12

Ngei jhid" zoo: bang: gi nga" byumyu" yiri doin: zeig zo: ago". Nyangnu" da" jhen: seing: yigi nyangnu" ri mhoug zo: ago". Nga" byumyu" yi we"- nanu" khakhyoo: ase' tau" loo" loo: sho' nanu" vhujhung: yigi nanu" ri khyoo: shu" vhang: ago".