PHAJHI" DANG: 10:12 - Lacid Common Language Bible

¹² Phajhi" boo yug tid zigi nyang: ri ngi: shab byid: da:. Nghoid loug we' nheig agyeing: koopyoid gi nya: dang: wigi phyo' soin' pyam zi shau" da:.

PHAJHI" DANG: 10:12 교차 참조

2 SAMUELA 1:16

David gi Amaleg byu ri «he: zigi nanyang: ci: loo bye: zi nghoid. Nang gi Aseing khyen: to" da" khokham dayug ri said pyam bye: ein: ziri yen: yu bye: yoomo nanya: gung nanyang: tarha" dang: phyed zi nghoid.»

YOBA 16:5

Ngoo gi nang ri phajhi" byid: dang: wigi nang ri yoem: boo nhang: wa. Houg: lho: nang ri yoem: byid: dang: yo" tid wa.

COUNG" NGHEI 140:9

Nga" gyivoo joem ri aoung: loo" nhang:- nyangnu" koid da" ngoo ri kyug nhain' thougtheung da" khyoo: joem gi nyangnu" moo: doem tau" zang" loo" goo baja".

COUNG" NGHEI 37:30

Byugi dayug da" nhoid moo: gi phajhi" dang: bo nyid. Nyang: gi khanham we' akhyoo" jang lho: young" du nyid.

COUNG" NGHEI 64:8

Nyangnu" tid da" dang: joem yoomo nyang: gi nyangnu" ri mhoin' pyam wa zi nghoid. Nyangnu" ri myang bang: dangain" gi vhu" pyi: pyi: nyid boem wa zi nghoid.

DANG: ZHOEM 10:10

Deingmain" da" khyoo: ri zau" too" su: gi yau: khe" kyi" khyeug khyoo: ze" bue" nyid nghoid loug we' bang bang gyi koid jhau" byid: nyid su: gi ngei pyoo myenjham" khyo: shid re" moo" zei: nyid.

DANG: ZHOEM 10:8

Nheigboo ung: gyeung: da" byu yigi ge da" phajhi" byid: dang: ri lhoem: kham: yu se' nyid. Akoo" apyoid da" dang: tid bang: gi byo, yoin" lo" boem wa zi nghoid.

DANG: ZHOEM 12:18

Amyid yu" loo: tid thu' kaid da" dang: gi no, sho' jab, kaid da" sham: yhang: ti" dam yo" tab, nyid. Nghoid loug we' phajhi" dang: khyo" ji sang: da" dang: khoin" thui: koem gi yo" nyeung ze: ge loo" nhang: nyid.

DANG: ZHOEM 15:2

Phajhi" boo bang: dang: tid kaid ri nyangnu" gi lasi phajhi" ri gyo: ngei tung" se' tid ago". Byugang: yi koem gi ce" akhyoo" abo da" dang: ri tid shoin" nyid ago".

DANG: ZHOEM 15:23

Nya: ayo, yo' du eung: da" dang: ri se' tid zigi khayhi' gau yi joyoo nghoid nyid lha".

DANG: ZHOEM 19:5

Tarha" yung" moo: nang mhau, tid nghoid rigi yooboo dam byid: zi shoug" wa nghoid- hougmoo: lhoid pyoin khyoo: jo, zi anghoid.

DANG: ZHOEM 22:11

Nheigloem: phyu: young" ziyo' nu" nham' tung" ji sang: khyoo: ri jheddab nyid ri we'. Khokham gi re" da" bidnoem bue" loo wa zi nghoid nyid.

DANG: ZHOEM 26:9

Byugang: dayug gi phajhi" dang: khyoo: ri ci: lho: nang ri tid poin" tid kyeung" nyid zigi yhid: yed su: gi nya: lo, moo: zugam ri myheug nyid ziyo' du.

DANG: ZHOEM 31:26

Nyang: gi nu" nham' tung"- ung: yeig phajhi" dang: se' sang: nyid.

PHAJHI" DANG: 12:11

Phajhi" boo bang: da" jhau" shid dang: joem gi yang joem ri yu" coung: wa shid re" yang zung" su: ci: da" lhamdung: coin: joem yo' du ago". Houg: lho: khyu: zheing" to" da" phajhi' dang: zhoem joem gi teing sho' baid zhug to" da" joto' tin" zei: joem yo' du ago". Houg: joem gi ngoonu" da" dayug kyeing" nghoid da" yang zung" su: Mangso wigi byid: to" zi nghoid da:.

PHAJHI" DANG: 4:5

Byu dayug lo, pyoid theig ci: wigi zooyoid: shid: zigi koo" su: nghoid ga: nyangnu" tid ago".

PHAJHI" DANG: 5:2

Nang dang: atid shi" ri nyheing" za: myid yu" we'. Houg: lho: Mangsoo ri ahain: akhyoid dangsoo" abyid:. Nyang: gi mougkhung: moo nyid wigi nang gi myidgung moo nyid da:. Houg: yoomo nang tid ca" zi mo lid wigi ajain" atid.

PHAJHI" DANG: 5:6

Mangsoo khainjung ri nang khyo" anghoid zi tid pyam bye: ein: adoem tid ca" sho' nanya: dang: khoin" joem gi nanyang: ri yooboo dabue" nhang:. Mangso wigi nang ri nheig yoo wa khyo" ciwim se' koid la". Nang zei too" da" moo" ri nyang: ri ciwim phyo' pyam nhang: la".

PHAJHI" DANG: 9:17

Koopyoid yi phung: moo vhoebkhang" su: dayug hau da" thui: tho' phajhi" bo yug da" nu" nham' da" dang: ri tam" gyo: wa zigi je ge da:.

MATHE 12:35

Ge da" byu gi nya: zi gi kaid to" da" boin" mo ge da" zi ri shau" thoid yu da:- akhyeing" ashoeb su: gi nya: da" akhyeing" ashoeb zi kaid to" da" boin" mo age zi za: dashau" thoid yu nyid.

LUKA 19:22

Nyang: gi nyang: ri tid zigi-akhyeing" da" join gang:- nanya: nhoid mo thu' dang: yo" nang ri dang: phyed wa. Ngoo gi gye thain: su: nghoid yoomo aseing: ziri shoem" yu se' zi we' asho" jang" mo lhoung shab yu ziri we' nang se.

LUKA 4:22

Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"» ga: myid: go" nyid boem.

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

KOLOSE 4:6

Nanu" tid da" dang: khoin" joem gi-khanham we' gyo: da" dang: yo' myid' loem" zi nghoid baja"- nyangnu" doem, myed: da" dang: khoin: joem ri jo da" dang: phuid: yo" byid: sho' xei, too" ge'.