PHAJHI" DANG: 1:8 - Lacid Common Language Bible

⁸ Ja: khang" moo" gi ngheing" wa khyoo: za: nghoid da:. Dang: khoin" khyo" atho' tid loo: sho' ngheing" wa khyoo: bue" da:. Ngoonu" da" myojid" joem gi khanham we' yu" noug athang bue"- ngoonu" da" nukhyab joem gi khanham we' gyoo: noug athang bue" nyid.

PHAJHI" DANG: 1:8 교차 참조

COUNG" NGHEI 63:5

Nga" da" soozoo: gi cau: main' da" zoo: noem ri shoug" zo: yhang: ti" nheugshid: zi shoug" wa nghoid wigi ngoo nang ri coung" nghei da" gau yi jikhoin" joem ri khoin" nyid wa nghoid.

DANG: ZHOEM 27:20

Xangsu: byu yi da" vho: ngei so' kho' nyid da" khyoo: gi moug: vo, moug: yo' du nyid hougmoo: khanham we' joyoo dajo, nyid.

PHAJHI" DANG: 1:7

Gyid lang khang" moo" gi panglai: khyoo: yau vang lo" da:. Nghoid loug we' panglai: gi abyeung" shi" nghoid da:. Gyid gi nyang: yau thu shid" jang" khyo: doem tau" lo" lho: xang: shi" mo doem shid" da:.

PHAJHI" DANG: 2:11

Hau: thang: ngoo gi ngoo koid lid loo bye: zi dangain" da" khyoo: yo' hau: ziri khayhi' yoem: kaid lho: moo" zei: lo ziri myid yu" da:. Ngoo gi ci we' anghoid nhung: ziri myid boin: re" bye:. Hau: zigi lid ri cang khaid ziyo' du da:. Dajhi' we' akyu" aboo nghoid da:.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 6:7

Byu dayug gi zoo: wa shug wa toeb za: yoo" wa shid re" moo" zei: nghoid loug we' khanham we' tham: zo: ga: zi ajo,.

HAGI 1:9

Nanu" gi myoo" sho' shau" yham" yu wa ga: myid too" goo" nghoid loug we' dajhi' za: date: shau" yham" yu boem- nanu" shoug" yhoem" yu da" shivoo: shiloem ri yhoem: moo: voin ju" lo" ri ngoo wigi doem moid sain" pyam byid: wa. Ciwim wigi ngoo hid: su" koid lha". Nga" yhoem: gi byo, yoin" jo, lho: nanu" gi nyang: yug nya: da" yhoem: ri yoem: kaid koid nyid boem yoomo nghoid.

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

MATHE 5:6

«Mangsoo vho: da" khyoo: ri vho: ngei nyid mo, gi ngilho' boem wa. Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.