6 Lid gi mougpyi: khyo" hau' lo" lho: mougzhung: shoid khyoo: hau' lo" da:. Lid gi hau' lheing yhen" wigi akhang: joyoo khyoo: doem lo da:.
Anghoid- mougpyi: shoid khyo" lo da" lid gi mougmyid ri moid zeig nyid uri nang gi lung thui: za: dashau" gyo: kaid da:.
Uglid gi mougpyi: shoid khyo" hau' lo wigi Gye" ngam" da lid gi mougzhung: shoid khyo" moid lo da:.
Nyang: amyeing" byid: kaid lang" phung" yoeb yoem" moo" zeing yo' uglid hau being: mhoid joem doin: lhoem" to' lo.
Uglid moo" ri nyang: no: loo" nhang: lho: beung: mhoid joem ri we' tam" loo" nhang:.
Gyid lang khang" moo" gi panglai: khyoo: yau vang lo" da:. Nghoid loug we' panglai: gi abyeung" shi" nghoid da:. Gyid gi nyang: yau thu shid" jang" khyo: doem tau" lo" lho: xang: shi" mo doem shid" da:.
Mangsoo gi ja: khang" moo" ri phain" so: phug to" da:. Houg: lho: nang gi zoo: voin gung lid: da" myiyi: dayug da" voem: dau: khoug: moo kangso khasu" bue" shid" lo ziri ase' yhang: ti" Mangso wigi koid da" moo" ri we' nang ase' gyoo: wa.
Nghoid loug we' Aseing gi panglai: tho' moo uglid zeing ri nhang: kaid. Houg: yoomo hau: sangphoo gi alug lug gyoeb moin" loo" sho' panglai: gyid thoem" tho' moo gye" gyoug pho" da" uglid moo" hau' vang loo bye:.
«Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.
Hau: mougvo lo wigi gyid je: lo ziyo'- uglid hau' lo lho: hau: da" yhoem: ri lo doin: lang" hau: yhoem: gi leung gyoeb lo"- houg: leung gyoeb' lo" da" yhoem: gi mhoin nyang: kaid' bye» ga: kho" kyo".
Lid' gi nyang: houg nau jang" khyoo: hau' loo" se nyid. Lid' houg thui: ri shaug" gyoo: nghoid loug we' kha: shoid khyo" hau lo lho: kha: shoid khyoo: hau lo" nyid zi ri nang asi. Venyi: mo khu: loo mo, hang" we' houg: yhangti" nghoid nyid.
